പഴയ പ്രതാപം തിരിച്ചുപിടിക്കാൻ 'വായോ' ഇന്ത്യയിലേക്ക്​, പുതിയ ലാപ്​ടോപ്പ്​ ലോഞ്ച്​ ഡേറ്റ്​ പ്രഖ്യാപിച്ചു

ഒരു കാലത്ത്​ ലാപ്​ടോപ്പിനെ കുറിച്ച്​ സംസാരിക്കു​േമ്പാൾ എല്ലാവരുടേയും ഇഷ്​ടപ്പെട്ട മോഡലായി പറയാറുള്ള​, ഒറ്റപ്പേരായിരുന്നു, 'സോണി വായോ' (Sony VAIO). എന്നാൽ, അഞ്ച്​ വർഷങ്ങൾക്ക്​ മുമ്പ്​ സോണി, വായോ ലാപ്​ടോപ്പുമായി ഇന്ത്യയിൽ നിന്നും പോയി. പലരും നിരാശരായെങ്കിലും ഒരു പ്രതീക്ഷ നൽകിക്കൊണ്ട്​ ചില രാജ്യങ്ങളിൽ സ്വതന്ത്ര ബ്രാൻഡായി വായോ 2018-ൽ തിരിച്ചെത്തി. ഫ്ലിപ്​കാർട്ട്​ വായോ-യുടെ ഇന്ത്യയിലെ റീ-ലോഞ്ച്​ ടീസ്​ ചെയ്യാൻ തുടങ്ങിയിട്ട് ഒരു മാസമായി. എന്നാൽ കമ്പനി ഇന്ന്​ ലോഞ്ച്​ ഡേറ്റും ഒപ്പം ലാപ്​ടോപി​െൻറ പേരും പുറത്തുവിട്ടിരിക്കുകയാണ്​.

VAIO E15 എന്ന ലാപ്​ടോപ്പ്​ ഇന്ത്യയിൽ ജനുവരി 15ന്​ ലോഞ്ച്​ ചെയ്യുമെന്നാണ്​ ഫ്ലിപ്​കാർട്ടി​െൻറ ലാൻഡിങ്​ പേജിൽ തന്നെ സൂചന നൽകിയിരിക്കുന്നത്​. കൂടെ ലാപി​െൻറ ഡിസൈനും പങ്കുവെച്ചിട്ടുണ്ട്​. സിൽവർ കളറിൽ മിനിമൽ ലുക്കോടെയെത്തുന്ന ലാപിന്​ ഒരു ബ്രൈറ്റ്​ ഗ്രീൻ പവർ ലൈറ്റും കമ്പനി നൽകിയിട്ടുണ്ട്​.

വളരെ നേർത്ത ബെസൽസുള്ള 15 ഇഞ്ച്​ ഫുൾ എച്ച്​ഡി ​െഎ.പി.എസ്​ ഡിസ്​പ്ലേയും 10 മണിക്കൂർ ബാറ്ററി ജീവിതവും ഡ്യുവൽ സ്​പീക്കറുകളും VAIO E15-​െൻറ പ്രത്യേകതകളായിരിക്കും. രണ്ട്​ USB 3.1 Type-A ports, ഒരു USB Type-C port, ഒരു HDMI, ഒരു മൈക്രോ എസ്​ഡി കാർഡ്​ സ്​ലോട്ട്​ എന്നിവയും ഉണ്ടായിരിക്കും. പുതിയ ലാപിനെ കുറിച്ച്​ കൂടുതൽ വിവരങ്ങളൊന്നും തന്നെ വായോ ഫ്ലിപ്​കാർട്ടിലൂടെ പുറത്തുവിട്ടിട്ടില്ല.