പേഴ്​സണൽ കമ്പ്യൂട്ടറും ഹെഡ്​ഫോണുമായി മൈക്രോസോഫ്​റ്റ്​

സർഫേസ്​ സീരിസിലെ പുതിയ ഉൽപന്നങ്ങൾ അവതരിപ്പിച്ച്​ മൈക്രോസോഫ്​റ്റ്​. പി.സി, ലാപ്​ടോപ്പ്​, ഹെഡ്​ഫോൺ എന്നിവയാണ്​ മൈക്രോസോഫ്​റ്റ്​ പുറത്തിറക്കുന്നത്​. ആപ്പിൾ പുതിയ ​െഎപാഡും മാക്​ ബുക്ക്​ പ്രോയും പുറത്തിറക്കുന്നതിന്​ ഒരു മുഴം മു​േമ്പ തന്നെ മൈക്രോ സോഫ്​റ്റ്​ രംഗത്തെത്തിയിരിക്കുകയാണ്​. വിൻഡോസ്​ 10 ഒാഫീസ്​ 365 എന്നിവയിൽ ചില നിർണായക മാറ്റങ്ങളും മൈക്രോസോഫ്​റ്റ്​ വരുത്തിയിട്ടുണ്ട്​

സർഫേസ്​ പ്രോ 6

മൈക്രോസോഫ്​റ്റി​​െൻറ കൺവെർട്ടിബിൾ ഉപകരണമാണ്​ സർഫേസ്​​ പ്രോ 6. ഇൻറലി​​െൻറ എട്ടാം തലമുറ ​െഎ 5, ​െഎ 7 പ്രൊസസറുകളാണ്​ സർഫേസ് പ്രോ 6ന്​ കരുത്ത്​ പകരുന്നത്​. മുൻ മോഡലിനെക്കാൾ അഞ്ച്​ മടങ്ങ്​ വേഗത സർഫേസ്​ പ്രോ 6ക്കുണ്ടെന്നാണ്​ മൈക്രോസോഫ്​റ്റി​​െൻറ അവകാശവാദം. 128, 256,512 ജി.ബി ഒാപ്​ഷനുകളിൽ സർഫേസ്​ പ്രോ 6 വിപണിയിലെത്തും. മുൻ മോഡലിലെ 12.3 ഇഞ്ച്​ പിക്​സൽ സെൻസ്​ ഡിസ്​പ്ലേയാണ്​ സർഫേസ് പ്രോ 6ലും കമ്പനി നൽകിയിരിക്കുന്നത്​. 13.5 മണിക്കൂർ ചാർജ്​ നിൽക്കുന്ന ബാറ്ററിയാണ്​. മോഡലിൽ യു.എസ്​.ബി ടൈപ്പ്​ സിയുടെ അഭാവം ശ്രദ്ധേയമാണ്​. കോർ ​െഎ 5 കരുത്ത്​ പകരുന്ന 8 ജി.ബി റാം 256 ജി.ബി മെമ്മറിയുമുള്ള മോഡലിന്​ ഏകദേശം 899(65,000 രൂപ) ഡോളറായിരിക്കും വില.

സർഫേസ്​ ലാപ്​ടോപ്പ്​ 2
സർഫേസ്​ ലാപ്​ടോപ്പിനേക്കാൾ അധിക ഫീച്ചറുകളുമായിട്ടാണ്​ രണ്ടാം തലമുറയുടെ വരവ്​. ഇൻറലി​​െൻറ കോർ ​െഎ 5, ​െഎ 7 പ്രൊസസറുകളാണ്​ കരുത്ത്​ പകരുന്നത്​. കൂടുതൽ സമയം ജോലി ചെയ്യു​േമ്പാൾ ലാപ്​ടോപ്പ്​ ചൂടാകാതിരിക്കാനുള്ള സംവിധാനവും മൈക്രോസോഫ്​റ്റ്​ പുതിയ ലാപ്​ടോപ്പിൽ ഉൾപ്പെടുത്തിയിട്ടുണ്ട്​. ടൈപ്പ്​ സി പോർട്ടില്ലാതെയാണ്​ സർഫേസ്​ ലാപ്​ടോപ്പും വിപണിയിലെത്തുന്നത്​. എട്ട്​ ജി.ബി റാമും 128 ജി.ബി റോമുമുള്ള മോഡലിന്​ ഏ​കദേശം 999(72,000 രൂപ) ഡോളറാണ്​ വില. ഇതിനൊപ്പം ആക്​ടീവ്​ നോയിസ്​ കാൻസലേഷനോട്​ കൂടിയ ഹെഡ്​ഫോണും മൈക്രോസോഫ്​റ്റ്​ വിപണിയിലെത്തിക്കുന്നുണ്ട്​. ശബ്​ദങ്ങൾ വ്യക്​തമായി പിടിച്ചെടുക്കാൻ കഴിയു​ന്ന മൈക്രോഫോണും ഹെഡ്​ഫോണി​​െൻറ ഭാഗമാണ്​. ഏകദേശം 349(25,500) ഡോളറാണ്​ പുതിയ ഹെഡ്​ഫോണി​​െൻറ വില.