ആപ്പിൾ വാച്ചുപോലൊരു ‘ഒപ്പോ വാച്ച്’

13:47 PM
17/03/2020

ആപ്പിളിനെ അപ്പാടെ പകർത്തി ചൈനീസ് കമ്പനി ഒപ്പോയുടെ ആദ്യ സ്മാർട്ട്​വാച്ച് ‘ഒപ്പോ വാച്ച്’. ഏകദേശം 15,000 രൂപക്ക്​ 41 എം.എം മോഡൽ കറുപ്പ്, ഗോൾഡ്, സിൽവർ നിറങ്ങളിലാണ് കിട്ടുക. 20,000 രൂപയുടെ 46 എം.എം വലുപ്പമുള്ള അലൂമിനിയം മോഡൽ കറുപ്പ്, ഗോൾഡ് നിറത്തിലും കിട്ടും.


സ്​റ്റെയിൻലസ് സ്​റ്റീൽ ലതർ സ്ട്രാപ് പതിപ്പിന് 25,000 രൂപ നൽകണം. ൈചനയിൽ മാർച്ച് 24ന് വിപണിയിൽ ഇറങ്ങും. എംബഡഡ് സിം (ഇ-സിം) ഇടാം. ജീവനേകുന്നത് ഗൂഗ്​ൾ വെയർ ഒ.എസ് അടിസ്ഥാനമായ കളർ ഒഎസ് ആണ്. 75 മിനിറ്റിൽ പൂർണ ചാർജാവുന്ന ബാറ്ററി 15 മിനിറ്റിൽ 18 മണിക്കൂർ നിൽക്കാൻവേണ്ട ഊർജം ശേഖരിക്കും. 320x360 പിക്സൽ റസലൂഷനുള്ള 1.6 ഇഞ്ച് അമോലെഡ് ഡിസ്പ്ലേയാണ് 41 എം.എം മോഡലിന്​. 402x476 പിക്സൽ റസലൂഷനുളള 1.91 ഇഞ്ച് ഡിസ്പ്ലേയാണ് 46 എം.എം മോഡലിന്​. ക്വാൽകോം സ്നാപ്ഡ്രാഗൺ വെയർ 2500 പ്രോസസർ, അപ്പോളോ സഹ പ്രോസസർ എന്നിവയുണ്ട്. 

Loading...
COMMENTS