Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightGadgetschevron_rightവിദ്യാർഥികളെ...

വിദ്യാർഥികളെ ലക്ഷ്യമിട്ട്​ പുതിയ ബജറ്റ്​ ലാപ്​ടോപ്പുമായി ഷവോമി ഇന്ത്യയിൽ

text_fields
bookmark_border
വിദ്യാർഥികളെ ലക്ഷ്യമിട്ട്​ പുതിയ ബജറ്റ്​ ലാപ്​ടോപ്പുമായി ഷവോമി ഇന്ത്യയിൽ
cancel

ഷവോമി ഇന്ത്യൻ ലാപ്​ടോപ്​ മാർക്കറ്റിൽ കാലെടുത്തുവെച്ചത്​ രണ്ട്​ നോട്ട്​ബുക്കുകളുമായിട്ടായിരുന്നു. മി നോട്ട്​ബുക്ക്​ 14, മി നോട്ട്​ബുക്ക്​ 14 ഹൊറൈസൺ എന്നീ രണ്ട്​ മോഡലുകൾ എത്തിയത്​ മികച്ച ഫീച്ചറുകളും വളരെ മനോഹരമായ രൂപ ഭംഗിയുമൊക്കെയായിട്ടായിരുന്നു. എന്നാൽ, ഇരു മോഡലുകളിലും ഷവോമി ബിൽട്ട്​-ഇൻ വെബ്​ കാമറകൾ നൽകിയിരുന്നില്ല. ലാപ്പിൽ ഘടിപ്പിക്കാവുന്ന വിധത്തിലുള്ള ഒരു കാമറ പ്രത്യേകം ബോക്​സിനകത്ത്​ ​നൽകി അവർ പരാതികളെ അതിജീവിക്കാൻ ശ്രമിച്ചെങ്കിലും പലർക്കും അത്​ തൃപ്​തികരമായില്ല.

എന്നാൽ, പുതിയ മോഡലിൽ അത്​ പരിഹരിച്ച്​ ഷവോമി പരാതികൾക്ക്​ പരിഹാരം കണ്ടെത്തി. മി നോട്ട്​ബുക്ക്​ 14 ഇ-ലേർണിങ്​ എഡിഷൻ എന്ന പുതിയ മോഡൽ ഒരു ബജറ്റ്​ ലാപ്​ടോപ്പാണ്​. വെബ്​ കാം ഇൗ മോഡലിൽ അതി​െൻറ സ്ഥാനത്ത്​ തന്നെ നൽകിയിട്ടുണ്ട്​. മുൻ മോഡലുകളെ അപേക്ഷിച്ച്​ തീർത്തും ബേസിക്​ ഉപയോഗത്തിനുള്ള പുതിയ ലാപ്​ടോപ്പ്​ പേര്​ സൂചിപ്പിക്കുന്നത്​ പോലെ തന്നെ വിദ്യാർഥികളെ ലക്ഷ്യമിട്ടുള്ളതാണ്​​. കോവിഡ്​ കാലത്ത്​ വീട്ടിലിരുന്ന്​ പഠിക്കാൻ നിർബന്ധിതരായ വിദ്യാർഥികൾക്ക്​ സൂം, ഗൂഗ്​ൾ മീറ്റ്​ എന്നിവ ഉപയോഗിച്ച്​ ഒാൺലൈൻ ക്ലാസുകളിൽ പ​െങ്കടുക്കാനും നോട്ടുകൾ എഴുതാനും മി നോട്ട്​ബുക്ക്​ 14 ഇ-ലേർണിങ്​ എഡിഷൻ​ ഉപയോഗിക്കാം.

10ാം ജനറേഷൻ ഡ്യുവൽ കോർ ഇൻറൽ കോർ i3 10110U എന്ന പ്രൊസസറാണ്​ മി നോട്ട്​ബുക്കിന്​ കരുത്ത്​ പകരുന്നത്​​. ഇൻറൽ യു.എച്ച്​.ഡി 620 ഗ്രാഫിക്​സും 8 ജിബിയുള്ള DDR4 2666MHz റാമും 256GB SATA എസ്​.എസ്​.ഡിയുമാണ്​ മറ്റ്​ പ്രത്യേകതകൾ. മറ്റ്​ ഫീച്ചറുകൾ എല്ലാം തന്നെ മുൻ മോഡലുകൾക്ക്​ സമമാണ്​.


14 ഇഞ്ചുള്ള ഫുൾ എച്ച്​.ഡി ആൻറി ഗ്ലയർ എൽ.സി.ഡി ഡിസ്​പ്ലേക്ക്​ 1920 x 1080 പിക്​സൽ റെസൊല്യൂഷനുണ്ട്​. 78 ഡിഗ്രി വ്യൂയിങ്​ ആംഗിൾ, 1000:1 കോൺട്രാസ്​റ്റ്​ റേഷ്യോ, 250 നിറ്റ്​സ്​ പീക്​ ബ്രൈറ്റ്​നസ്​ എന്നീ പ്രത്യേകതകളുമുണ്ട്​. എം.​െഎ ബാൻറ്​ ഉപയോഗിച്ച്​ ലാപ്​ടോപ്​ എളുപ്പം അൺലോക്​ ചെയ്യാനായി ബ്ലേസ്​ അൺലോക്​ സംവിധാനവുമുണ്ട്​. ഇടത്​ ഭാഗത്തായി ഒരു യു.എസ്​.ബി 2.0 പോർട്ടും 3.5 എം.എം ഹെഡ്​ഫോൺ ജാക്കും സജ്ജീകരിച്ചിരിക്കുന്നു. വലത്​ ഭാഗത്ത്​ രണ്ട്​ യു.എസ്​.ബി 3.1 പോർട്ട്​, ഒരു എച്ച്​.ഡി.എം.​െഎ 1.4b, ഒരു യു.എസ്​.ബി ടൈപ്​ സി പോർട്ട്​ എന്നിവയുമുണ്ട്​. WiFi 802.11ac (WiFi 5, 2 x 2), ബ്ലൂടൂത്​ 5.0 എന്നിവയാണ്​ വയർലെസ്​ കണക്​ടിവിറ്റി പ്രത്യേകതകൾ..

മെറ്റൽ യുനിബോഡി ഡിസൈനിലെത്തുന്ന ലാപ്​ടോപ്പിന്​ ബാക്​ലിറ്റ്​ കീബോർഡുകൾ അല്ല എന്നത്​ പോരായ്​മയാണെങ്കിലും ബജറ്റ്​ മോഡൽ ആയതിനാൽ കുറ്റം പറയാനാകില്ല. പ്രത്യേക നമ്പർ പാഡും കീബോർഡിലില്ല. സ്​റ്റോറേജ്​ ഉയർത്താൻ പ്രത്യേക സ്​ലോട്ടുകൾ നൽകിയിട്ടില്ല. കൂടുതൽ ഫയലുകൾ സേവ്​ ചെയ്യാൻ ഹാർഡ്​ ഡിസ്​കുകൾ പ്രത്യേകമായി ഉപയോഗിക്കേണ്ടി വന്നേക്കും.


മി നോട്ട്​ബുക്ക്​ 14 ഇ-ലേർണിങ്​ എഡിഷന്​ 34,999 രൂപയാണ്​ ഷവോമി ആമുഖ വിലയായി നൽകിയിരിക്കുന്നത്​. എച്ച്​.ഡി.എഫ്​.സി കാർഡ്​ ഉപയോഗിക്കുന്നവർക്ക്​ ഫെസ്റ്റിവൽ സെയിലിൽ ആമസോണിലും മി ഡോട്ട്​ കോമിലും 1500 രൂപ വരെ കിഴിവും പ്രഖ്യാപിച്ചിട്ടുണ്ട്​.

Show Full Article
TAGS:xiaomi Mi Notebook 14 laptop 
Next Story