Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightGadgetschevron_rightവിരൽ ഞൊടിച്ചാൽ...

വിരൽ ഞൊടിച്ചാൽ പറക്കും ഈ േഡ്രാൺ

text_fields
bookmark_border
വിരൽ ഞൊടിച്ചാൽ പറക്കും ഈ േഡ്രാൺ
cancel

ആഘോഷമെന്തായാലും മൂളിപ്പറക്കുന്ന േഡ്രാൺ കാമറകളുടെ സാന്നിധ്യം കൂടിയിട്ടുണ്ട് നാട്ടിൽ. ഇപ്പോൾ വലുപ്പം കുറച്ച് കൈവെള്ളയിൽ േഡ്രാണുകളെ ഒതുക്കാനുള്ള മത്സരത്തിലാണ് കമ്പനികൾ. േഡ്രാൺ കാമറയിൽ മുമ്പനായ ചൈനീസ്​ കമ്പനി ഡി.ജെ.ഐയെ(DJI)കുറിച്ച് ചിന്തിച്ചാൽ വിലക്കൂടുതലും വലുപ്പവുമാകും ഓർമയിൽ ഓടിയെത്തുക. എന്നാൽ, എല്ലാത്തിനും മറുപടിനൽകുകയാണ് പുതിയ മിനി േഡ്രാൺ കാമറയായ ‘സ്​പാർക്കി’ലൂടെ ഡി.ജെ.ഐ. 

കമ്പനി ഇറക്കിയ ആദ്യ വിലകുറഞ്ഞ േഡ്രാൺ കാമറയല്ലെങ്കിലും ഒതുക്കമുള്ളതെന്ന വിശേഷണം ഇതിന് മാത്രം സ്വന്തമാണ്. ഏകദേശം 43,000 രൂപ മുതലാണ് വില. 300 ഗ്രാം ഭാരവും ഒരു കൂൾഡ്രിങ്സ്​ കാനി​െൻറ വലുപ്പവുമേയുള്ളൂ. 16 മിനിറ്റാണ് പരമാവധി പറക്കൽ സമയം. 1080 പി ഫുൾ എച്ച്​.ഡി ​െറസലൂഷൻ വിഡിയോകളും 12 മെഗാപിക്​സൽ കാമറയിൽ നിശ്ചല ചിത്രങ്ങളും എടുക്കാൻ കഴിയും.

ടു ആക്​സിസ്​ മെക്കാനിക്കൽ ഗിംബലും അൾട്രാസ്​മൂത്ത് സാങ്കേതികമികവും വിറയൽ കുറക്കും. സിനിമാറ്റിക് ഷോട്ടുകൾ എടുക്കാൻ റോളിങ് ഷട്ടർ സംവിധാനമുണ്ട്. കൈയുടെ ചലനത്തിനനുസരിച്ച് പ്രവർത്തിപ്പിക്കാൻ പാം കൺ​േട്രാൾ ഫീച്ചറുണ്ട്. ഇനി അതുവേണ്ടെങ്കിൽ സ്​മാർട്ട്ഫോൺ ഉപയോഗിച്ചും നിയന്ത്രിക്കാം. ടാപ് ഫ്ലൈ, ആക്​ടിവ് ട്രാക്ക് എന്നിവ അംഗവിക്ഷേപങ്ങൾക്കനുസരിച്ച് പറത്താൻ സഹായിക്കും. 

സോഷ്യൽ മീഡിയയിൽ പോസ്​റ്റ്ചെയ്യാൻ 10 സെക്കൻഡ് വിഡിയോ എടുക്കാൻ ക്വിക് ഷോട്ട് സംവിധാനം സഹായിക്കും. സ്​പോർട്ട് മോഡിൽ മണിക്കൂറിൽ 50 കി.മീറ്റർ വേഗത്തിൽ പറക്കും. തിരശ്ചീനമായും ലംബമായും തനിയെ ക്രമീകരിച്ച് പനോരമ ചിത്രങ്ങളെടുക്കാൻ പനോ, ആവശ്യമായ സ്​ഥലം മാത്രം സുവ്യക്തമാക്കി മറ്റിടങ്ങൾ മങ്ങിയ ചിത്രങ്ങൾ എടുക്കാൻ ഷാളോ ഫോക്കസ്​ എന്നീ രണ്ട് ഷൂട്ടിങ് മോഡുകളും കൂട്ടിച്ചേർത്തിട്ടുണ്ട്. 
ജൂൺ 15 മുതൽ യു.എസിൽ വിൽപന തുടങ്ങും. ബാറ്ററി ചാർജ് കുറഞ്ഞാലോ കണക്​ഷൻ നഷ്​ടപ്പെട്ടാലോ തിരികെയെത്തിക്കാൻ റീട്ടേൺ ടു ഹോം ബട്ടണുണ്ട്. വെള്ള, നീല, പച്ച, ചുവപ്പ്, മഞ്ഞ നിറങ്ങളിൽ ലഭിക്കും. 

Show Full Article
TAGS:Drone camera spark dji 
Web Title - drone camera spark dji
Next Story