ഒപ്പം കരുതാം സ്മാർട്ട്​ വാച്ച് ഒന്ന്

ഈ കോവിഡ് കാലത്ത് ഒരു സ്​മാർട്ട് വാച്ച് കൂടെയുള്ളത് നല്ലതാണ്. അതിന് കഴിഞ്ഞില്ലെങ്കിൽ ഒരു ഫിറ്റ്നസ് ബാൻഡെങ്കിലും വാങ്ങാം. രക്തത്തിലെ ഓക്സിജൻ നിലയും ഹൃദയമിടിപ്പും രക്തസമ്മർദവും അറിയാനുള്ള സംവിധാനമുള്ളത് ആയിരിക്കണമെന്ന് മാത്രം. ഇന്ന് എല്ലാ സ്​മാർട്ട്​വാച്ച്, ഫോൺ കമ്പനികളും ഇത്തരം ഉപകരണങ്ങൾ ഇറക്കുന്നുണ്ട്. അവയിൽ ചിലതിനെ പരിചയപ്പെടാം.

ആരോഗ്യം ശ്രദ്ധിക്കാം ടിക്​ വാച്ചിൽ

ആരോഗ്യം ശ്രദ്ധിക്കുന്നവരാണെങ്കിൽ ടിക്​ വാച്ച് ജി.ടി.എച്ച് (TicWatch GTH) എന്ന സ്​മാർട്ട്​ വാച്ച് തുണയാകും. ചൈനീസ് കമ്പനി മോബ്വോയ് ആണ് സ്രഷ്​ടാക്കൾ. 360x320 പിക്​സൽ റസലൂഷനും പൂർണ ടച്ച് സൗകര്യവുമുള്ള ദീർഘചതുരാകൃതിയിലെ 1.55 ഇഞ്ച് ടി.എഫ്​.ടി ഡിസ്പ്ലേയാണ്. 24 മണിക്കൂർ ശരീര താപനില, രക്തത്തിലെ ഓക്​സിജൻ നില, രക്തത്തിലെ ഓക്​സിജ​െൻറ അളവിലെ വ്യതിയാനം അറിയാൻ പി.പി.ജി സാങ്കേതികവിദ്യ എന്നിവയുണ്ട്.

ഹൃദയമിടിപ്പ്, ശ്വാസോച്ഛ്വാസ നിരക്ക്, മാനസികസമ്മർദം, ഉറക്കം എന്നിവ വിലയിരുത്തും. മെറ്റൽ കെയ്സ് ആണെങ്കിലും കറുപ്പ് നിറത്തിൽ മാത്രമാണ് ലഭ്യം. മാറ്റാവുന്ന സ്ട്രാപാണ്. ഗൂഗ്​ൾ വെയർ ഒ.എസിന് പകരം റിയൽടൈം ഓപറേറ്റിങ് സിസ്​റ്റം (RTOS), ഒരു ചാർജിൽ 10 ദിവസം നിൽക്കുന്ന 260 എം.എ.എച്ച് ബാറ്ററി, ബ്ലൂടൂത്ത് 5.1 കണക്​ടിവിറ്റി, 14 സ്പോർട്​സ്​ മോഡുകൾ, 5ATM ജല പ്രതിരോധം, മെസേജ്-അലാം-സോഷ്യൽ മീഡിയ അപ്ഡേറ്റുകൾ എന്നിവ അറിയിക്കൽ, മ്യൂസിക് നിയന്ത്രിക്കൽ, വ്യായാമം ഓർമപ്പെടുത്തൽ, ഫോൺ എവിടെെയന്ന് കണ്ടുപിടിക്കൽ തുടങ്ങിയവയാണ് പ്രത്യേകതകൾ. ഏകദേശം 6000 രൂപയാണ് വില.

സ്​മാർട്ട്​ വാച്ച് പോലൊരു ഫിറ്റ്നസ് ബാൻഡ്​

സ്​മാർട്ട്​ വാച്ച് പോലൊരു ഫിറ്റ്നസ് ബാൻഡുമായാണ് സെബ്രോണിക്​സിെൻറ വരവ്. സെബ്​ ഫിറ്റ്​ 2220 സി.എച്ച്​ (Zeb-Fit2220CH) എന്നതാണ് മോഡൽ. രക്ത സമ്മർദം അറിയാൻ ബ്ലഡ് പ്രഷർ മോണിറ്റർ, ഹൃദയമിടിപ്പ് അറിയാൻ ഹാർട്ട്റേറ്റ് സെൻസർ, രക്തത്തിലെ ഓക്​സിജൻ നില അറിയാനുള്ള SpO2 സെൻസർ എന്നിവയുണ്ട്. ഉറക്കം, നടപ്പ്, കത്തിച്ച കലോറി, ദൂരം എന്നിവ ട്രാക്ക് ചെയ്യാനാകും.

3.3 െസ.മീ ടി.എഫ്.ടി ടച്ച് കളർ ഡിസ്പ്ലേ, വട്ടത്തിലുള്ള ഡയൽ, 100 വാച്ച് ഫെയിസുകൾ, ജല പ്രതിരോധം, ആൻഡ്രോയ്​ഡ്, ആപ്പിൾ ഫോണുകൾക്കൊപ്പം പ്രവർത്തനം, കോളർ ഐ.ഡി-കാൾ റിജക്​ട്​ സംവിധാനം, ഫോണിലെ കാമറ- മ്യൂസിക് എന്നിവ നിയന്ത്രിക്കാൻ സൗകര്യം, ബ്ലൂടൂത്ത് 5.0 കണക്ടിവിറ്റി, ഒറ്റ ചാർജിൽ അഞ്ച് ദിവസം നിൽക്കുന്ന 200 എം.എ.എച്ച് ബാറ്ററി എന്നിവയാണ് പ്രത്യേകതകൾ. എന്നാൽ ഫോണിൽ വരുന്ന കാൾ വാച്ചിൽ എടുക്കാൻ കഴിയില്ല. ആമസോണിൽ 2,999 രൂപക്ക് കിട്ടും.

​ഡോക്​ടറുമായി കൺസൾട്ട് ചെയ്യാം െടെമെക്​സ്​ ഫിറ്റിൽ

ഏറെ ആരോഗ്യ- ശാരീരികക്ഷമത സൗകര്യങ്ങളുമായാണ് ടൈമെക്​​സിെൻറ ഈ സ്​മാർട്ട് വാച്ച് എത്തുന്നത്. ടെലിമെഡിസിൻ, ശരീരതാപനില, രക്തത്തിലെ ഓക്​സിജൻനില അറിയാനുള്ള SpO2 സെൻസർ, ഹൃദയമിടിപ്പ് സെൻസർ എന്നിവയുണ്ട് ​െടെമെക്സ് ഫിറ്റ് (Timex Fit) എന്ന ഈ വാച്ചിൽ. ടെലിമെഡിസിൻ സംവിധാനത്തിൽ ​െടെമെക്​സ്​ ഫിറ്റ് ആപ് വഴി ഡോക്​ടറുമായി കൺസൾട്ട് ചെയ്യാം.

ആൻഡ്രോയ്​ഡ്, ആപ്പിൾ ഫോണുകൾക്കൊപ്പം പ്രവർത്തനം, ആക്ടിവിറ്റി ട്രാക്കിങ്, ഉറക്കം വിലയിരുത്തൽ, 10 വാച്ച് മുഖങ്ങൾ, മെസേജ്-കോൾ നോട്ടിഫിക്കേഷൻ എന്നിവയുണ്ട്. സിലിക്കൺബാൻഡ് പതിപ്പിന് 6,995 രൂപയും മെറ്റൽ ബാൻഡിന്​ 7,495 രൂപയുമാണ് വില. ആറു ദിവസ ബാറ്ററി ശേഷി, ഒരു മീറ്റർ ജലപ്രതിരോധം എന്നിവയാണ് പ്രത്യേകത.