Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightGadgetschevron_right40 ദിവസ ബാറ്ററി...

40 ദിവസ ബാറ്ററി ജീവിതവുമായി ആമസ്​ഫിറ്റ്​ സ്മാർട്ട്​ വാച്ച്​ ഇന്ത്യയിലേക്ക്​

text_fields
bookmark_border
40 ദിവസ ബാറ്ററി ജീവിതവുമായി ആമസ്​ഫിറ്റ്​ സ്മാർട്ട്​ വാച്ച്​ ഇന്ത്യയിലേക്ക്​
cancel

40 ദിന ബാറ്ററി ജീവിതവുമായി ഹ്വാമിയുടെ പുതിയ സ്​മാർട്ട്​ വാച്ച്​ ഇന്ത്യയിലേക്ക്​. ആമസ്​ഫിറ്റ് സീരീസിലേക്ക്​​ ബിപ്​ എസ്​ എന്ന പേരിലെത്തുന്ന പുതിയ മോഡൽ ജൂൺ മൂന്നിനായിക്കും ഇന്ത്യയിൽ അവതരിപ്പിക്കുക. ബജറ്റ്​ സ്​മാർട്ട്​വാച്ച്​ വിപണിയിൽ ഏറെ ആവശ്യക്കാരുള്ള മോഡലാണ്​ ആമസ്​ഫിറ്റ്​. 2000 എം.എ.എച്ച്​ ലിഥിയം-അയേൺ-പോളിമർ ബാറ്ററിയുള്ളതിനാൽ 90 ദിവസത്തെ സ്​റ്റാൻഡ്​ബൈയും ബിപ്​ എസ്​ നൽകും. അതേസമയം തുടർച്ചയായി ജി.പി.എസ്​ ഉപയോഗിക്കുകയാണെങ്കിൽ 22 മണിക്കൂർ മാത്രമായിരിക്കും ബാറ്ററി ലഭിക്കുക. രണ്ടര മണിക്കൂർ കൊണ്ട്​ വാച്ച് ചാർജ്​​ ചെയ്യാനും സാധിക്കും. 

1.28 ഇഞ്ചുള്ള ട്രാൻസ്​ഫ്ലെക്​ടീവ്​ കളർ ടി.എഫ്​.ടി ഒാൾവൈസ്​ ഒാൺ ഡിസ്​പ്ലേയാണ്​ ബിപ്​ എസിന്​. 176 x 176 പിക്​സൽ റെസൊല്യൂഷനുള്ള ഡിസ്​പ്ലേക്ക്​ 2.5D കോർണിങ്​ ഗൊറില്ലാ ഗ്ലാസ്​ 3യുടെ സുരക്ഷയും ആൻറി-ഫിംഗർ പ്രിൻറ്​ കോട്ടിങ്ങുമുണ്ട്​. പോളികാർബണേറ്റ്​ കൊണ്ട്​ നിർമിച്ച സ്​മാർട്ട്​വാച്ചിന്​ സിലിക്കൺ സ്​ട്രാപ്​സ്​ ആണ്​ നൽകിയിരിക്കുന്നത്​.   

നിരവധി വ്യത്യസ്​ത സെൻസറുകളുമായാണ്​ ഹ്വാമിയുടെ ആമസ്​ഫിറ്റ്​ ബിപ്​ എസ്​ എത്താൻ പോകുന്നത്​. പിപിജി ബയോട്രാക്കിങ്​ ഒപ്​റ്റിക്കൽ സെൻസർ, 3-ആക്​സിസ്​ ആക്​സിലറേഷൻ സെൻസർ, 3-ആക്​സിസ്​ ജ്യോമെട്രിക്​ സെൻസർ എന്നിവ ബിപ്​ എസിലുണ്ട്​. ബ്ലൂടൂത്ത്​ 5.0, ജി.പി.എസ്​, ഗ്ലോനാസ്സ്​ എന്നീ സംവിധാനങ്ങളും നൽകിയിട്ടുണ്ട്​. 

ആമസ്​ഫിറ്റ്​ ഒാപറേറ്റിങ്ങ്​ സിസ്റ്റത്തിൽ പ്രവർത്തിക്കുന്ന ബിപ്​ എസ്സിൽ 40ഒാളം വാച്ച്​ ഫേസുകളായിരിക്കും ഉണ്ടാവുക. ഉപയോക്​താക്കൾക്ക്​ ഇഷ്​ടമുള്ള സ്​റ്റൈലിൽ വാച്ചി​​​​െൻറ മുഖം അലങ്കരിക്കാം. നോട്ടിഫിക്കേഷനുകൾ, റിമൈൻഡറുകൾ, കാലാവസ്ഥാ പ്രവചനം തുടങ്ങിയ ഫീച്ചേർസി​​​​െൻറ കൂടെ അലാറം, മ്യൂസിക്​ കൺട്രോൾ സംവിധാനം എന്നിവയുമുണ്ടാകും. 

പ്രധാനമായും നാല്​ കളറുകളിലായിരിക്കും ആമസ്​ഫിറ്റ്​ ബിപ്​ എസ്​ ലഭ്യമാവുക. കാർബൺ ബ്ലാക്​, വൈറ്റ്​ റോക്​, റെഡ്​ ഒാറഞ്ച്​, വാം പിങ്ക്​ എന്നിവയാണവ. അതേസമയം, വില 5000ത്തിന്​ അകത്തായിരിക്കുമെന്നാണ്​ സൂചന. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:smart watchAmazfit
News Summary - Amazfit Bip S with 40-Day Battery Life to Launch in India-technology news
Next Story