ഗുസ്തി ഫെഡറേഷൻ തെരഞ്ഞെടുപ്പ് ആറിന്

ന്യൂഡൽഹി: റസ്‌ലിങ് ഫെഡറേഷൻ ഓഫ് ഇന്ത്യ (ഡബ്ല്യു.എഫ്‌.ഐ) തെരഞ്ഞെടുപ്പ് ജൂലൈ ആറിന് നടക്കും. നാലിന് നടത്തുമെന്നായിരുന്നു ഇന്ത്യൻ ഒളിമ്പിക് അസോസിയേഷൻ കഴിഞ്ഞ ദിവസം പ്രഖ്യാപിച്ചതെങ്കിലും വരണാധികാരി ജസ്റ്റിസ് മഹേഷ് മിത്തൽ കുമാർ തെരഞ്ഞെടുപ്പ് വിജ്ഞാപനത്തിലാണ് പുതിയ തീയതി പുറത്തുവിട്ടത്.

ഗുരുതര ലൈംഗികാതിക്രമങ്ങൾ നടത്തിയെന്ന ആരോപണം നേരിടുന്ന ഫെഡറേഷൻ പ്രസിഡന്റും എം.പിയുമായ ബ്രിജ്ഭൂഷൺ ശരൺ സിങ്ങിനെയോ കുടുംബാംഗങ്ങളെയോ കൂട്ടാളികളെയോ തെരഞ്ഞെടുപ്പിൽ മത്സരിക്കാൻ സർക്കാർ അനുവദിക്കില്ലെന്ന് കായിക മന്ത്രി അനുരാഗ് താക്കൂർ പ്രക്ഷോഭകരായ ഗുസ്തി താരങ്ങൾക്ക് ഉറപ്പുനൽകിയിട്ടുണ്ട്.