ലോ​ക​കപ്പ് യോ​ഗ്യ​ത: വീ​ണ്ടും ജോ​റാ​യി ജോ​ർ​ഡ​ൻ; ഒ​മാ​ൻ വീ​ണു

മ​സ്ക​ത്ത്: ലോ​ക​ക​പ്പ് യോ​ഗ്യ​ത മ​ത്സ​ര​ത്തി​ലെ നി​ർ​ണാ​യ​ക ക​ളി​യി​ൽ ഒ​മാ​ന് തോ​ൽ​വി. സു​ൽ​ത്താ​ൻ ഖാ​ബൂ​സ് സ്​​പോ​ർ​ട്സ് കോം​പ്ല​ക്സി​ൽ ക​ഴി​ഞ്ഞ ദി​വ​സം ന​ട​ന്ന മ​ത്സ​ര​ത്തി​ൽ ജോ​ർ​ഡ​ൻ എ​തി​രി​ല്ലാ​ത്ത മൂ​ന്നു ഗോ​ളി​നാ​ണ് സു​ൽ​ത്താ​നേ​റ്റി​നെ പ​രാ​ജ​യ​പ്പെ​ടു​ത്തി​യ​ത്. ഇ​തോ​ടെ ഗ്രൂ​പ്പി​ൽ നി​ന്ന് നേ​രി​ട്ട് ​ലോ​ക​ക​പ്പ് നേ​ടാ​മെ​ന്നു​ള്ള ഒ​മാ​ന്റെ സ്വ​പ്ന​വും പൊ​ലി​ഞ്ഞു.

ഗ്രൂ​പ് ബി​യി​ൽ ഒ​രു ക​ളി മാ​ത്രം ശേ​ഷി​ക്കെ ഒ​മ്പ​തു മ​ത്സ​ര​ത്തി​നി​ന്ന് 16 പോ​യ​ന്റു​മാ​യി ജോ​ർ​ഡ​ൻ ര​ണ്ടാം സ്ഥാ​ന​ത്താ​ണു​ള്ള​ത്. 12പോ​യ​ന്റു​മാ​യി ഇ​റാ​ഖ് മൂ​ന്നും പ​ത്തു പോ​യ​ന്റു​മാ​യി ഒ​മാ​ൻ നാ​ലാം സ്ഥാ​ന​ത്തു​മാ​ണു​ള്ള​ത്. ഗ്രൂ​പ്പി​ൽ​നി​ന്ന് ഇ​തി​ന​കം ദ​ക്ഷി​ണ കൊ​റി​യ സ്ഥാ​നം ഉ​റ​പ്പി​ച്ചി​ട്ടു​ണ്ട്. ഗ്രൂ​പ്പി​ലെ ആ​ദ്യ ര​ണ്ട് സ്ഥാ​ന​ക്കാ​രാ​ണ് നേ​രി​ട്ട് ലോ​ക​ക​പ്പി​ന് യോ​ഗ്യ​ത നേ​ടു​ക.

മൂ​ന്നും നാ​ലും സ്ഥാ​ന​ക്കാ​ർ യോ​ഗ്യ​ത മ​ത്സ​ര​ങ്ങ​ളു​ടെ നാ​ലാം റൗ​ണ്ടി​ൽ പ്ര​വേ​ശി​ക്കും. ഒ​മാ​ന് മു​മ്പി​ൽ ഇ​നി ​​​​​​പ്ലേ​ഓ​ഫ് സാ​ധ്യ​ത​ക​ളാ​ണു​ള്ള​ത്. ജൂ​ൺ പ​ത്തി​ന് ഫ​ല​സ്തീ​നെ​തി​രെ ന​ട​ക്കു​ന്ന മ​ത്സ​ര​മാ​കും ഒ​മാ​ന്റെ മു​ന്നോ​ട്ടു​ള്ള പോ​ക്ക് നി​ർ​ണ​യി​ക്കു​ക.

ക​ഴി​ഞ്ഞ ദി​വ​സം ന​ട​ന്ന ക​ളി​യി​ൽ ജോ​ർ​ഡ​ന്റെ സ്റ്റാ​ർ സ്‌​ട്രൈ​ക്ക​ർ അ​ലി ഒ​ൽ​വാ​ന്റെ ഹാ​ട്രി​ക്ക് പ്ര​ക​ട​ന​മാ​ണ് സ​ന്ദ​ർ​ശ​ക​ർ​ക്ക് മി​ന്നും വി​ജ​യ​മൊ​രു​ക്കി​യ​ത്. പ​ന്ത​ട​ക്ക​ത്തി​ൽ മു​ന്നി​ട്ടു​നി​ന്നെ​ങ്കി​ലും ജോ​ർ​ഡ​ന്റെ പ്ര​തി​രോ​ധ മ​തി​ൽ ​ഭേ​ദി​ക്കാ​നാ​ക​ത്ത​താ​ണ് തി​രി​ച്ച​ടി​യാ​യ​ത്. തു​ട​ക്ക​ത്തി​ൽ പ​തി​യെ ആ​യി​രു​ന്നു ഇ​രു​ടീ​മു​കും തു​ട​ങ്ങി​യി​രു​ന്ന​ത്. പ്ര​തി​രോ​ധ​ത്തി​ന് ഊ​ന്ന​ൽ ന​ൽ​കി​യ​തി​നാ​ൽ ആ​ദ്യ മി​നി​റ്റു​ക​ളി​ൽ ക​ളി വി​ര​സ​ത​യാ​ണ് സ​മ്മാ​നി​ച്ച​ത്.

ഇ​തി​നി​ടെ 11ാ മി​നി​റ്റി​ൽ ജോ​ർ​ഡ​ന്റെ മ​ന്നേ​റ്റ​താ​രം മൂ​സ അ​ൽ ത​മാ​രി വ​ല കു​ലു​ക്കി​യെ​ങ്കി​ലും റ​ഫ​റി ഓ​ഫ്സൈ​ഡ് വി​സി​ൽ വി​ളി​ച്ചു. തൊ​ട്ട​ടു​ത്ത നി​മി​ഷ​ത്തി​ൽ കൗ​ണ്ട​ർ അ​റ്റാ​ക്കി​ലൂ​ടെ ഒ​മാ​ൻ മി​ക​ച്ച അ​വ​സ​രം സൃ​ഷ്ടി​ച്ചു. അ​ബ്ദു​ൽ റ​ഹ്മാ​ൻ അ​ൽ മു​ഷൈ​ഫ്രി​യു​ടെ ശ​ക്ത​മാ​യ ഷോ​ട്ട് ഇ​ട​തു പോ​സ്റ്റി​ൽ​നി​ന്ന് നേ​രി​യ വ്യ​ത്യാ​സ​ത്തി​ലാ​ണ് ഒ​ഴി​ഞ്ഞു പോ​യ​ത്. ഒ​ടു​വി​ൽ ആ​ദ്യ പ​കു​തി​യു​ടെ അ​ധി​ക സ​മ​യ​ത്ത് പെ​നാ​ൽ​റ്റി​യി​ലൂ​ടെ അ​ലി ഒ​ൽ​വാ​ൻ ജോ​ർ​ഡ​നെ മു​​ന്നി​ലെ​ത്തി​ച്ചു. ര​ണ്ടാം പ​കു​തി​യി​ൽ സ​മ​നി​ല പി​ടി​ക്കാ​നു​ള്ള ല​ക്ഷ്യ​വു​മാ​യി​ട്ടാ​ണ് റെ​ഡ്‍വാ​രി​യേ​ഴ്സ് ഇ​റ​ങ്ങി​യ​ത്. ​

ഇ​ട​തു വ​ല​തു​വി​ങ്ങു​ക​ളി​ലൂ​ടെ മി​ക​ച്ച മു​ന്നേ​റ്റം ന​ട​ത്തി​യെ​ങ്കി​ലും ഗോ​ൾ മാ​ത്രം അ​ക​ന്നു​നി​ന്നു. 52-ാം മി​നി​റ്റി​ൽ, യാ​സാ​ൻ അ​ൽ നൈ​മ​ത്തി​ന്റെ അ​സി​സ്റ്റി​ൽ ഒ​ൽ​വാ​ൻ ടീ​മി​ന്റെ ലീ​ഡ് ഇ​ര​ട്ടി​യാ​ക്കു​ക​യും ചെ​യ്തു. 12 മി​നി​റ്റു​ക​ൾ​ക്ക് ശേ​ഷം മൂ​സ അ​ൽ ത​മാ​രി​യു​ടെ മ​നോ​ഹ​ര​മാ​യ പാ​സി​ൽ​നി​ന്ന് ക്ലോ​സ് റേ​ഞ്ചി ഷോ​ട്ടി​ലൂ​ടെ ഒ​ൽ​വാ​ൻ ഹാ​​ട്രി​ക്കും സ്വ​ന്ത​മാ​ക്കി. തി​രി​ച്ച​ടി​ക്കാ​ൻ ​ഒ​മാ​ൻ ശ്ര​മം ന​ട​ത്തി​യെ​ങ്കി​ലും ല​ക്ഷ്യം കാ​ണാ​തെ​പോ​കു​ക​യാ​യി​രു​ന്നു.

പെ​രു​ന്നാ​ൾ ത​ലേ​ദി​വ​സം ന​ട​ന്ന ക​ളി​കാ​ണാ​നാ​യി നൂ​റു​ക​ണ​ക്കി​ന് ഒ​മാ​ൻ ആ​രാ​ധ​ക​രാ​ണ് ബൗ​ഷ​ർ സ്റ്റേ​ഡി​യ​ത്തി​ലേ​ക്ക് എ​ത്തി​യി​രു​ന്ന​ത്.