വനിത ഫുട്ബാൾ ഹോസ്റ്റൽ ഒഴിപ്പിച്ചു; കായികതാരങ്ങൾ ‘പെരുവഴിയിൽ’

കൊ​ച്ചി: സം​സ്ഥാ​ന​ത്താ​ദ്യ​മാ​യി സ്റ്റേ​റ്റ് സ്പോ​ർ​ട്സ് കൗ​ൺ​സി​ലി​നു കീ​ഴി​ൽ ആ​രം​ഭി​ച്ച വ​നി​ത ഫു​ട്ബാ​ൾ അ​ക്കാ​ദ​മി​യു​ടെ ഭാ​ഗ​മാ​യു​ള്ള ഹോ​സ്റ്റ​ൽ പൂ​ട്ടി. ഇ​തേ തു​ട​ർ​ന്ന് ഇ​വി​ടെ താ​മ​സി​ച്ച് പ​രി‍ശീ​ല​നം നേ​ടി​ക്കൊ​ണ്ടി​രു​ന്ന താ​ര​ങ്ങ​ൾ പെ​രു​വ​ഴി​യി​ലാ​യി. ക​ട​വ​ന്ത്ര​യി​ൽ സ്വ​കാ​ര്യ വ്യ​ക്തി​യു​ടെ കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന ഹോ​സ്റ്റ​ലാ​ണ് വാ​ട​ക ക​രാ​ർ അ​വ​സാ​നി​ച്ച​തി​നെ തു​ട​ർ​ന്ന്​ പൂ​ട്ടി​യ​ത്​. ഇ​തു​മൂ​ലം 20ലേ​റെ താ​ര​ങ്ങ​ൾ​ക്ക്​ പ​രി​ശീ​ല​ന​ത്തി​ന് അ​വ​സ​ര​മി​ല്ലാ​തെ സ്വ​ന്തം വീ​ട്ടി​ൽ നി​ൽ​ക്കേ​ണ്ട സാ​ഹ​ച​ര്യ​മാ​ണ്. തി​ങ്ക​ളാ​ഴ്ച സ്കൂ​ൾ തു​റ​ന്നി​ട്ടും ഹോ​സ്റ്റ​ൽ സൗ​ക​ര്യ​മി​ല്ലാ​ത്ത​തി​നാ​ൽ പ​രി​ശീ​ല​നം മാ​ത്ര​മ​ല്ല, ക്ലാ​സും മു​ട​ങ്ങി​യ​തി​ന്‍റെ ആ​ശ​ങ്ക​യി​ലാ​ണ് ഇ​വ​ർ.

വി​വി​ധ കാ​റ്റ​ഗ​റി​യി​ൽ കേ​ര​ള ടീ​മി​ന്‍റെ ക്യാ​പ്റ്റ​ൻ​മാ​രാ​യ​വ​രും സു​ബ്ര​തോ ചാ​മ്പ്യ​ൻ​ഷി​പ്പി​ന് യോ​ഗ്യ​ത നേ​ടി​യ​വ​രു​മെ​ല്ലാം അ​ക്കാ​ദ​മി താ​ര​ങ്ങ​ളി​ലു​ണ്ട്. മു​ഖ്യ​മ​ന്ത്രി​യു​ടെ 100 ദി​ന ക​ർ​മ​പ​രി​പാ​ടി​യി​ൽ ഉ​ൾ​പ്പെ​ടു​ത്തി സ്പോ​ർ​ട്സ് കൗ​ൺ​സി​ലി​നു കീ​ഴി​ൽ 2022ലാ​ണ് എ​റ​ണാ​കു​ളം പ​ന​മ്പി​ള്ളി ന​ഗ​ർ കേ​ന്ദ്രീ​ക​രി​ച്ച് അ​ണ്ട​ർ 14 വ​നി​ത ഫു​ട്ബാ​ൾ അ​ക്കാ​ദ​മി ആ​രം​ഭി​ച്ച​ത്. സ്പോ​ർ​ട്സ് അ​ക്കാ​ദ​മി ഗ്രൗ​ണ്ടി​ലാ​ണ് ഇ​വ​രു​ടെ പ​രി​ശീ​ല​നം.

ഇ​തോ​ട​നു​ബ​ന്ധി​ച്ച് ക​ട​വ​ന്ത്ര മെ​ട്രോ സ്റ്റേ​ഷ​നു സ​മീ​പം വ​നി​ത ഹോ​സ്റ്റ​ലും ആ​രം​ഭി​ച്ചു. മൂ​ന്നു വ​ർ​ഷ​മാ​യ​തോ​ടെ കെ​ട്ടി​ട ഉ​ട​മ വാ​ട​ക കൂ​ട്ടി​ച്ചോ​ദി​ക്കു​ക​യും ഇ​തി​ന് കൗ​ൺ​സി​ൽ ത​യാ​റാ​വാ​ത്ത​തി​നെ തു​ട​ർ​ന്ന് ഒ​ഴി​യാ​ൻ ആ​വ​ശ്യ​പ്പെ​ടു​ക​യു​മാ​യി​രു​ന്നു. ഇ​തേ​തു​ട​ർ​ന്ന് മാ​ർ​ച്ചി​ൽ ഹോ​സ്റ്റ​ൽ പൂ​ട്ടി​യ​പ്പോ​ൾ ത​ന്നെ വി​ദ്യാ​ർ​ഥി​ക​ൾ സ്വ​ന്തം സാ​ധ​ന​ങ്ങ​ളു​മാ​യാ​ണ് മ​ട​ങ്ങി​യ​ത്. സ്കൂ​ൾ തു​റ​ക്കും മു​മ്പേ ഹോ​സ്റ്റ​ൽ ശ​രി​യാ​കും എ​ന്നാ​ണ് അ​റി​യി​ച്ചി​രു​ന്ന​തെ​ങ്കി​ലും ഇ​തു​വ​രെ ഒ​ന്നു​മാ​കാ​ത്ത​തി​നാ​ൽ ആ​ർ​ക്കും തി​രി​ച്ചു​വ​രാ​ൻ സാ​ധി​ച്ചി​ട്ടി​ല്ല. ഇ​തി​നി​ടെ ഹോ​സ്റ്റ​ലി​ലെ ക​ട്ടി​ൽ, മേ​ശ തു​ട​ങ്ങി​യ ഉ​പ​ക​ര​ണ​ങ്ങ​ൾ കൊ​ണ്ട് ബോ​യ്സ് ഹോ​സ്റ്റ​ലി​ലെ മെ​സ് നി​റ​ച്ച​തി​നാ​ൽ, ഇ​വി​ടു​ത്തെ പ്ര​വ​ർ​ത്ത​ന​വും താ​ളം തെ​റ്റി.

കൊ​ച്ചി ഫോ​ർ​ഷോ​ർ റോ​ഡി​ലെ ട്രൈ​ബ​ൽ കോം​പ്ല​ക്സി​ലേ​ക്ക് ഹോ​സ്റ്റ​ൽ മാ​റ്റു​ന്ന​തി​നു​ള്ള നീ​ക്ക​ങ്ങ​ൾ ന​ട​ന്നു​വ​രി​ക​യാ​ണ്. ഇ​തി​നാ​യി പ​ട്ടി​ക വ​ർ​ഗ വി​ക​സ​ന വ​കു​പ്പി​ന്‍റെ അ​നു​മ​തി തേ​ടി​യു​ള്ള അ​പേ​ക്ഷ സ​മ​ർ​പ്പി​ച്ചി​ട്ടു​ണ്ടെ​ന്ന് ബ​ന്ധ​പ്പെ​ട്ട​വ​ർ വ്യ​ക്ത​മാ​ക്കു​ന്നു. എ​ന്നാ​ൽ, ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി ഹോ​സ്റ്റ​ൽ മാ​റു​മ്പോ​ഴേ​ക്ക് പ​രി​ശീ​ല​ന​ത്തി​ന്‍റെ ന​ല്ലൊ​രു കാ​ല​യ​ള​വും അ​വ​സാ​നി​ക്കു​മെ​ന്ന ആ​ധി​യി​ലാ​ണ് കു​ട്ടി​ക​ളെ​ല്ലാം.