തൊട്ടതെല്ലാം പൊന്നാക്കുന്ന സിദാൻ മാജിക്​

മഡ്രിഡ്​: സിനദിൻ സിദാൻ എന്ന ലോകഫുട്​ബാളിലെ മികവുറ്റ ​േപ്ല മേക്കർ, പരിശീലകക്കുപ്പായത്തിലും അതേ മികവ്​ നിലനിർത്തു​േമ്പാൾ അദ്ദേഹത്തി​​െൻറ കോച്ചിങ്​ സീക്രട്ടിന്​ പിന്നാലെയാണ്​ ഫുട്​ബാൾ ലോകം. അലക്​സ്​ ഫെർഗൂസനും, ആഴ്​സൻ വെങ്ങറും, ഹൊസെ മൗറീന്യോയും, പെപ്​ ഗ്വാർഡിയോളയും, യുർഗൻ ​േക്ലാപ്പും ഉൾപ്പെടെയുള്ള സമകാലിക ഫുട്​ബാളിലെ സൂപ്പർകോച്ചുമാരുടെ ഉന്നതിയിലേക്കൊന്നും കോച്ച്​ സിദാനെ പ്രതിഷ്​ഠിക്കാനായി​ട്ടില്ലെങ്കിലും തൊട്ടതെല്ലാം പൊന്നാക്കി മാറ്റുന്ന മാന്ത്രിക വിദ്യ അദ്ദേഹത്തി​​െൻറ കൈയിലുണ്ട്​.

റാഫേൽ ബെനിറ്റസി​​െൻറ പിൻഗാമിയായി 2016ൽ രണ്ടാം ഡിവിഷൻ ടീമി​​െൻറ പരിശീലക സ്​ഥാനത്തു നിന്നാണ്​ സിദാൻ റയൽ സീനിയർ ടീമിനൊപ്പം ചേരുന്നത്​. 2016 ജനുവരി മുതൽ 2018 മേയ്​ വരെ രണ്ടു സീസൺ മാത്രം. എന്നാൽ, ഇക്കാലയളവിൽ നേടിയത്​ മൂന്ന്​ ചാമ്പ്യൻസ്​ ലീഗും ഒരോ ലാ ലിഗ, സൂപ്പർ കോപ്പ, രണ്ടു വീതം യുവേഫ സൂപ്പർകപ്പും, ക്ലബ്​ ലോകകപ്പും.

ക്രിസ്​റ്റ്യാനോ റൊണാൾഡോക്കൊപ്പം സിദാനും പടിയിറങ്ങിയെങ്കിലും വെറും 10 മാസത്തിനു ശേഷം അദ്ദേഹം തിരികെയെത്തി. ഇതിനിടെ രണ്ടു പരിശീലകരെ പരീക്ഷിച്ച്​ പരാജയപ്പെട്ട റയൽ വീണ്ടും സിദാനിൽ അഭയംതേടിയെന്ന്​ പറയുന്നതാണ്​ ശരി. 2019 മാർച്ചിൽ തിരികെയെത്തു​േമ്പാൾ ക്രിസ്​റ്റ്യാനോ റൊണാൾഡോയില്ലാത്ത ടീമിലേക്കായിരുന്നു തിരിച്ചുവരവ്​. പക്ഷേ, അപ്പോഴേക്കും അദ്ദേഹം കളിക്കാരുടെ കോച്ചായി മാറി. അതിന്​ മുമ്പ്​ രണ്ട്​ സീസണിൽ തോറ്റ അതേ ടീമുമായി തന്നെ ഭാഗ്യ പരീക്ഷണം. 

പാതി ഫോമിൽ മാത്രമായിരുന്നു തിബോ കർടുവ, മാഴ്​സലോ, ലൂകാ മോഡ്രിഡ്​, ടോണി ക്രൂസ്​, ഗാരെത്​ ബെയ്​ൽ തുടങ്ങിയ​വരെ കോർത്ത്​ പിടിച്ച്​ സെർജിയോ റാ​മോസ്​, റാഫേൽ വറാനെ, ഡാനി കാർവയാൽ, കാസ്​മിറോ എന്നിവർക്കൊപ്പം ടീമാക്കി മാറ്റി. എഡൻ ഹസാഡും ലൂകോ ജോവിച്ചും പുതു താരങ്ങളയെത്തിയെങ്കിലും സീസണി​​െൻറ ആദ്യ പകുതി ഇവർക്ക്​ പരിക്കും ഫോമില്ലയ്​മയുടെയും കാലമായിരുന്നു. 

കോവിഡ്​ ലോക്​ഡൗണി​​െൻറ മൂന്നു മാസത്തെ ഇടവേളയാണ്​ റയലിന്​ പുനർജീവൻ നൽകിയത്​. ലീഗ് പുനരാരംഭിക്കുന്ന ഘട്ടത്തില്‍ പിന്നിലായിരുന്നുവെങ്കിലും, സിദാ​​െൻറ ലക്ഷ്യം തുടര്‍ വിജയങ്ങളായിരുന്നു. ജൂൺ 14ന്​ സീസൺ കിക്കോഫിനു ശേഷം കണക്കുകൂട്ടൽ പോലെ തുടർച്ചയായ പത്ത്​ ജയത്തിലൂടെ റയൽ തിരക്കഥ പൂർത്തിയാക്കി. താൽകാലിക തട്ടകമായ എസ്​റ്റാഡിയോ ആൽഫ്രെഡോ ഡിസ്​റ്റിഫാനോ ഭാഗ്യ വേദിയായി.