മ​നം നി​റ​ച്ച മാ​റ​ക്കാ​ന

മാ​റ​ക്കാ​ന... ആ ​പേ​രെ​ഴു​തി​യ കൂ​റ്റ​ൻ എ​ടു​പ്പ്​ നേ​രി​ൽ ക​​ണ്ട നി​മി​ഷം...!! ഇ​ന്നും മ​ന​സ്സി​ലു​ണ്ട്. എ​ത്ര​യോ വാ​യി​ച്ച, എ​ഴു​തി​യ, ​ടെ​ലി​വി​ഷ​നി​ലും പ​ത്ര-​മാ​ഗ​സി​നു​ക​ളി​ലും ക​ണ്ട ​വി​ഖ്യാ​ത സ്​​റ്റേ​ഡി​യം ഇ​താ ക​ൺ​മു​ന്നി​ൽ. 2016 റി​യോ ഒ​ളി​മ്പി​ക്​​സി​​െൻറ ഉ​ദ്​​ഘാ​ട​ന ച​ട​ങ്ങ്​ മാ​റ​ക്കാ​ന​യി​ലാ​യി​രി​ക്കു​മെ​ന്ന്​ അ​റി​ഞ്ഞ​ത്​ മു​ത​ലു​ള്ള കാ​ത്തി​രി​പ്പാ​യി​രു​ന്നു. ആ​ഗ​സ്​​റ്റ്​ അ​ഞ്ച്. റി​യോ ഡി ​ജ​നീ​റോ ന​ഗ​ര​ത്തി​​െൻറ ഒ​രു മൂ​ല​യി​ലു​ള്ള ഒ​ളി​മ്പി​ക്​ പാ​ർ​ക്കി​ലെ മെ​യി​ൻ പ്ര​സ്​ സ​െൻറ​റി​ൽ നി​ന്നി​റ​ങ്ങി സം​ഘാ​ട​ക​രൊ​രു​ക്കി​യ ബ​സി​ൽ ക​യ​റി​യി​രു​ന്നു.

വീ​തി​യേ​റി​യ പാ​ത​യി​ലൂ​ടെ ബ​സ്​ കു​തി​ച്ചു. ലാ​റ്റി​ന​മേ​രി​ക്ക​യി​ലെ ആ​ദ്യ സ​ന്ദ​ർ​ശ​ന​ത്തി​ലെ കൗ​തു​ക കാ​ഴ്​​ച​ക​ൾ​ക്കാ​യി ക​ണ്ണു തു​റ​ന്നു​പി​ടി​ച്ചു. അ​ര​മ​ണി​ക്കൂ​ർ പി​ന്നി​ട്ട​തോ​ടെ ബ​സ്​ വീ​തി കു​റ​ഞ്ഞ പാ​ത​യി​ലേ​ക്കി​റ​ങ്ങി. മ​ര​ങ്ങ​ൾ അ​തി​രി​ട്ട ന​ട​പ്പാ​ത​യി​ലൂ​ടെ ജ​നം കൂ​ട്ടം കൂ​ട്ട​മാ​യി പാ​ട്ടും പാ​ടി ഒ​ഴു​കു​ക​യാ​ണ്. ബ​സി​​െൻറ വേ​ഗം കു​റ​ഞ്ഞു.
കേ​ര​ള​ത്തി​ലെ ഏ​തൊ​രു ചെ​റു​പ​ട്ട​ണ​ത്തി​ലെ​യും റോ​ഡ്​ യാ​ത്ര​പോ​ലെ​ത​ന്നെ. ഒ​രു പ്ര​ധാ​ന വ്യ​ത്യാ​സം പാ​ത​യോ​ര​ത്തെ ക​ട​ക​ളി​ലെ​ല്ലാം  പ്ര​ധാ​ന ക​ച്ച​വ​ടം ബി​യ​ർ ആ​ണ്. പ്രാ​യ ലിം​ഗ​​ഭേ​ദ​മി​ല്ലാ​തെ ബി​യ​ർ മോ​ന്തി​യാ​ണ്​ ജ​നം ന​ട​ന്നു നീ​ങ്ങു​ന്ന​ത്. സു​ര​ക്ഷാ പ​രി​ശോ​ധ​ന​ക്കാ​യു​ള്ള നീ​ണ്ട കാ​ത്തി​രി​പ്പി​നൊ​ടു​വി​ൽ ‘മാ​റ​ക്കാ​ന പ്ര​വേ​ശ​നം’. 

* * * * * *
സ്​​റ്റേ​ഡി​യ​ത്തി​ലി​രു​ന്ന ഓ​രോ നി​മി​ഷ​വും മ​ന​സ്സി​ലൂ​ടെ വി​സ്​​മ​യ ച​രി​ത്ര​ത്തി​​െൻറ ഘോ​ഷ​യാ​ത്ര​യാ​യി​രു​ന്നു. മാ​റ​ക്കാ​ന സ്​​റ്റേ​ഡി​യം ക​ട​ന്നു​വ​രാ​ത്ത കാ​ൽ​പ​ന്ത്​ ച​രി​ത​മു​ണ്ടോ.
ഫു​ട്​​ബാ​ൾ ച​ക്ര​വ​ർ​ത്തി പെ​ലെ​യു​ടെ ആ​യി​രാ​മ​ത്തെ ഗോ​ൾ പി​റ​ന്ന പു​ൽ​മൈ​താ​നം ഇ​താ​യി​രു​ന്നു. 1969ൽ ​സാ​േ​ൻ​റാ​സി​നു​വേ​ണ്ടി നേ​ടി​യ പെ​നാ​ൽ​റ്റി ഗോ​ൾ. അ​തി​നും നാ​ലു വ​ർ​ഷം മു​മ്പാ​യി​രു​ന്നു ‘ക​റു​ത്ത മു​ത്തി’​​െൻറ വി​ഖ്യാ​ത​മാ​യ ബൈ​സി​ക്കി​ൾ ഗോ​ൾ​കി​ക്ക്​ മാ​റ​ക്കാ​ന​യെ കോ​രി​ത്ത​രി​പ്പി​ച്ച​ത്.

1950 ജൂ​ലൈ 16ന്​  ​ഫി​ഫ ലോ​ക​ക​പ്പി​ലെ ഫൈ​ന​ൽ റൗ​ണ്ട്​ മ​ത്സ​ര​ത്തി​ൽ ര​ണ്ടു​ ല​ക്ഷ​ത്തോ​ളം  ബ്ര​സീ​ലു​കാ​ർ  തി​ങ്ങി​നി​റ​ഞ്ഞ്​ സ്വ​ന്തം ടീ​മി​​െൻറ ​ആ​ദ്യ ലോ​ക​ക​പ്പ്​ നേ​ട്ട​ത്തി​നാ​യി ആ​ർ​പ്പു​വി​ളി​ച്ച​ത്​ ഇൗ ​ഗാ​ല​റി​പ്പ​ട​വി​ലാ​യി​രു​ന്നി​ല്ലേ. അ​വ​സാ​നം ഉ​റു​ഗ്വാ​യ്​​യോ​ട്​ തോ​റ്റ്​ ക​ണ്ണീ​രൊ​ലി​പ്പി​ച്ചു നി​ന്ന ഒ​രു ജ​ന​ത ത​ല​താ​ഴ്​​ത്തി ഇ​രി​പ്പി​ടം വി​ട്ടു​പോ​യ ദു​ര​ന്ത​ദി​നം എ​ങ്ങ​നെ​യാ​യി​രു​ന്നി​രി​ക്കും...

ആ​ദ്യ​മാ​യി സ്വ​ന്തം മ​ണ്ണി​ൽ വി​രു​ന്നെ​ത്തി​യ ലോ​ക​ക​പ്പി​ൽ ചാ​മ്പ്യ​ൻ​മാ​രാ​കു​മെ​ന്ന്​ ഉ​റ​പ്പി​ച്ച്, അ​തു​​ കേ​മ​മാ​യി ആ​ഘോ​ഷി​ക്കാ​ൻ വേ​ണ്ടി​ത്ത​ന്നെ​യാ​ണ്​ ബ്ര​സീ​ൽ ലോ​ക​ത്തെ ഏ​റ്റ​വും വ​ലി​യ സ്​​റ്റേ​ഡി​യം റി​യോ ഡി ​ജ​നീ​റോ ന​ഗ​ര​ത്തി​​െൻറ പ്രാ​ന്ത​ത്തി​ൽ കെ​ട്ടി​പ്പൊ​ക്കി​യ​ത്. അ​താ​ണ്​ ആ ​നാ​ട്ടു​കാ​രു​ടെ നെ​ഞ്ചി​ൽ ഇ​ന്നും നീ​റ്റ​ലു​ണ്ടാ​ക്കു​ന്ന ക​ണ്ണീ​രോ​ർ​മ​യാ​യി അ​ന്ന്​ അ​വ​സാ​നി​ച്ച​ത്. പി​ന്നീ​ടൊ​രു ലോ​ക​ക​പ്പ്​ ഫൈ​ന​ൽ​ മാ​റ​ക്കാ​ന​യി​ൽ ന​ട​ന്ന​ത്​ 64 വ​ർ​ഷ​ങ്ങ​ൾ​ക്കു ശേ​ഷം. പ​ക്ഷേ, സ്വ​ന്തം ടീം ​സെ​മി​യി​ൽ​ത​ന്നെ തോ​റ്റു മ​ട​ങ്ങി​യി​രു​ന്നു. ​ ജ​ർ​മ​നി-​അ​ർ​ജ​ൻ​റീ​ന​ ഫൈ​ന​ൽ കാ​ണാ​നെ​ത്തി​യ​ത്​ 74,738 പേ​ർ. ആ​ളു കു​റ​യാ​ൻ കാ​ര​ണം ​ബ്ര​സീ​ൽ നേ​ര​ത്തേ പു​റ​ത്താ​യ​ത്​ മാ​ത്ര​മാ​യി​രു​ന്നി​ല്ല. 2010ൽ ​സ്​​റ്റേ​ഡി​യം ന​വീ​ക​രി​ച്ച്​ മ​നോ​ഹ​ര​മാ​ക്കി​യ​പ്പോ​ൾ ഇ​രി​പ്പി​ട സൗ​ക​ര്യം 78,838 പേ​ർ​ക്കാ​യി കു​റ​ച്ചി​രു​ന്നു.

* * * * * *
ഏ​താ​നും ദി​വ​സ​ങ്ങ​ൾ ക​ഴി​ഞ്ഞ്​ ഒ​രി​ക്ക​ൽ കൂ​ടി മാ​റ​ക്കാ​ന​യി​ലെ​ത്താ​ൻ നി​യോ​ഗം. ആ​ദ്യ​ത്തേ​ത്​ വ​ർ​ണം പെ​യ്​​തി​റ​ങ്ങി​യ ഉ​ദ്​​ഘാ​ട​ന ക​ലാ​വി​രു​ന്നു കാ​ണാ​നാ​യി​രു​ന്നെ​ങ്കി​ൽ കാ​ൽ​പ​ന്തു​ക​ളി​യെ മ​ന​സ്സി​ലേ​റ്റു​ന്ന ഏ​തൊ​രാ​ളു​ടെ​യും ഉ​ള്ളി​ലെ അ​ണ​യാ​ത്ത അ​ഭി​ലാ​ഷം സ​ഫ​ല​മാ​ക്കാ​നു​ള്ള അ​വ​സ​ര​മാ​യി​രു​ന്നു ഇ​ത്ത​വ​ണ. മാ​റ​ക്കാ​ന​യു​ടെ പ​ട​വി​ലി​രു​ന്നു ഒ​രു ക​ളി​യെ​ങ്കി​ലും കാ​ണാ​ൻ ഏ​തു കാ​യി​ക​പ്രേ​മി​യാ​ണ്​ മോ​ഹി​ക്കാ​തി​രി​ക്കു​ക. അ​തും ബ്ര​സീ​ൽ-​ജ​ർ​മ​നി ഫൈ​ന​ൽ. 
അ​ഞ്ചു ത​വ​ണ ലോ​ക​ക​പ്പ്​ നേ​ടി​യി​ട്ടും ഇ​തു​വ​രെ കൈ​യി​ലൊ​തു​ക്കാ​നാ​വാ​ത്ത ഒ​ളി​മ്പി​ക്​ കി​രീ​ടം സ്വ​ന്ത​മാ​ക്കാ​ൻ പ​റ്റി​യ അ​വ​സ​രം ഇ​തു​ത​ന്നെ​യെ​ന്ന്​ ബ്ര​സീ​ൽ നി​ശ്ച​യി​ച്ചു​റ​പ്പി​ച്ച​പോ​ലെ​യാ​യി​രു​ന്നു ആ ​മ​ത്സ​രം.

പ​ക്ഷേ, മ​ത്സ​രം അ​ധി​ക സ​മ​യ​ത്തേ​ക്കും ഷൂ​ട്ടൗ​ട്ടി​ലേ​ക്കും നീ​ണ്ട​തോ​ടെ പി​രി​മു​റു​ക്ക​മാ​യി. കാ​ര​ണം ഇ​ത്​ മാ​റ​ക്കാ​ന​യാ​ണ്. 50ലെ ​ക്രൂ​ര​ത കാ​ലം ആ​വ​ർ​ത്തി​ക്കു​മോ. തി​ങ്ങി​നി​റ​ഞ്ഞ സ്​​റ്റേ​ഡി​യ​ത്തി​ൽ ഓ​രോ മ​നു​ഷ്യ​​െൻറ​യും വേ​വ​ലാ​തി ​ശ്​​ശ്​​ശ്...​ എ​ന്ന ശ​ബ്​​ദ​മാ​യി അ​ല​യൊ​ലി​യു​ണ്ടാ​ക്കി. ര​ണ്ടു വ​ർ​ഷം മു​മ്പ്​ സ്വ​ന്തം മ​ണ്ണി​ൽ 7-1ന്​ ​നാ​ണം കെ​ടു​ത്തി​യ ജ​ർ​മ​നി​യോ​ട്​  ബ്ര​സീ​ലി​ന്​ പ​ക​രം വീ​​ട്ടേ​ണ്ട അ​വ​സ​ര​മാ​ണ്. ഇ​തും കൈ​വി​ട്ടാ​ൽ മാ​റ​ക്കാ​ന​ക്കും ബ്ര​സീ​ലി​നും ഇ​നി​യും ക​ര​യാ​നാ​വി​ല്ല.

പ​ക്ഷേ, ആ ​രാ​ത്രി മ​ഞ്ഞ​പ്പ​ട​യു​ടേ​ത്​ ത​ന്നെ​യാ​യി. ഷൂ​ട്ടൗ​ട്ടി​ലെ അ​വ​സാ​ന​കി​ക്ക്​ നെ​യ്​​മ​ർ വ​ല​യി​ലേ​ക്ക്​ അ​ടി​ച്ചു​ക​യ​റ്റി​യ​പ്പോ​ൾ സ്​​റ്റേ​ഡി​യം ഇ​ര​മ്പി​യാ​ർ​ത്ത​ത്​ ഭൂ​ക​മ്പ​മാ​യാ​ണ്​ അ​നു​ഭ​വ​പ്പെ​ട്ട​ത്. ​പ്ര​സ്​ ബോ​ക്​​സി​​ലെ ബ്ര​സീ​ൽ മാ​ധ്യ​മ​പ്ര​വ​ർ​ത്ത​ക​ർ എ​ല്ലാം മ​റ​ന്ന്​ തു​ള്ളി​ച്ചാ​ടി.
ആ ​ഇ​ര​മ്പം പി​ന്നെ​യും എ​ത്ര​യോ ക​ഴി​ഞ്ഞാ​ണ്​ അ​ട​ങ്ങി​യ​ത്. മ​ത്സ​ര​ശേ​ഷം മാ​റ​ക്കാ​ന​ക്ക്​ ചു​റ്റു​മു​ള്ള പാ​ത​ക​ളി​ലെ നി​യോ​ൺ വെ​ളി​ച്ച​ത്തി​ൽ ബി​യ​റും ബ്ര​സീ​ലു​കാ​രും ഒ​ഴു​കി​പ്പ​ര​ന്ന്​ വ​ലി​യ ചി​രി​യാ​യി. ആ ​ചി​രി​യി​ല​ലി​ഞ്ഞ്​ ഞങ്ങൾ, മാധ്യമ​പ്രവർത്തകരും ന​ട​ന്നു.

* * * * *
ആ​ഗ​സ്​​റ്റ്​ 20ലെ ​ആ രാ​ത്രി സാ​ക്ഷാ​ൽ നെ​യ്​​മ​ർ പ​ന്തു​മാ​യി ആ​ടി​ത്തി​മി​ർ​ക്കു​ന്ന​ത്, സ​ഹ​ക​ളി​ക്കാ​ർ​ക്കൊ​പ്പം മൈ​താ​ന​ത്ത്​ ആ​ഹ്ലാ​ദ​നൃ​ത്തം ച​വി​ട്ടു​ന്ന​ത്, ബ്ര​സീ​ൽ ആ​ദ്യ​മാ​യി ഒ​ളി​മ്പി​ക്​ വി​ജ​യ​പീ​ഠം ക​യ​റു​ന്ന​ത്, മ​ഞ്ഞ​യ​ണി​ഞ്ഞ മാ​റ​ക്കാ​ന തി​ര​മാ​ല​യാ​യി ത്ര​സി​ക്കു​ന്ന​ത്, ക​ളി ക​ഴി​ഞ്ഞി​റ​ങ്ങി​യ ആ​ബാ​ല​വൃ​ദ്ധം തെ​രു​വി​ൽ ആ​ടി​യും പാ​ടി​യും ദേ​ശീ​യ​പ​താ​ക വീ​ശി​യും മ​തി​മ​റ​ക്കു​ന്ന​ത്... എ​ല്ലാം എ​ല്ലാം എ​ല്ലാം നേ​രി​ൽ ക​ണ്ട​തി​​​െൻറ ത്രി​ൽ ഇ​പ്പോ​ഴും മാ​റി​യി​ട്ടി​ല്ല.