കുഞ്ഞു ക്വാഡെന നെഞ്ചേറ്റി ലോകം; പതിനായിരങ്ങളെ സാക്ഷി നിർത്തി റഗ്ബി മൈതാനത്ത്
text_fieldsസിഡ്നി: ഉയരക്കുറവിൻെറ പേരിൽ പരിഹാസമേറ്റ് ജീവൻ വെടിയുമെന്ന് കരഞ്ഞുകൊണ്ട് പറഞ്ഞ ഒമ്പത് വയസ്സുകാരനായ ക് വാഡൻ ബെയ്ൽസിനെ നെഞ്ചേറ്റിയിരിക്കുകയാണ് ലോകം. ഹൃദയം വിങ്ങിപ്പൊട്ടിയുള്ള ക്വാഡൻെറ കരച്ചിൽ അമ്മ യരാക ബെയ് ൽസാണ് ഫേസ്ബുക്ക് ലൈവായി പോസ്റ്റ് ചെയ്തത്.
ക്വാഡനെ പിന്തുണച്ച് ഹോളിവുഡ് താരങ്ങളും സ്പോർട്സ് ഇതിഹാസങ്ങളുമൊക്കെ സമൂഹ മാധ്യമങ്ങളിൽ എത്തിയിരുന്നു. ആസ്ട്രേലിയയിലെ പ്രമുഖ റഗ്ബി ടീമായ ഇൻറിജനസ് ആൾ സ്റ്റാർസ് ടീമാണ് ക്വാഡന് ആദ്യം തന്നെ സ്നേഹമറിയിച്ചവർ. അവരുടെ പ്രധാന മാച്ചിൻെറ തുടക്കത്തിൽ ടീമിനൊപ്പം മൈതാനത്തേക്ക് നടക്കാൻ ക്വാഡനെയും കൂട്ടി. ടീമിൻെറ നായകൻ ജോയൽ തോംസൻെറ കൈ പിടിച്ചുകൊണ്ട് ക്വാഡൻ നടന്നുവരുേമ്പാൾ ഗാലറിയിൽ പതിനായിരങ്ങളുടെ ആർപ്പുവിളിയായിരുന്നു.
രാജ്യത്തിൻെറ പൊന്നോമനയായ ക്വാഡൻ ബെയ്ൽസിനെ തങ്ങളുടെ പ്രിയ ടീമിൻെറ കൂടെ മൈതാനത്ത് കാണാൻ കഴിഞ്ഞത് രോമാഞ്ചമേകിയ കാഴ്ചയായിരുന്നുവെന്ന് ആരാധകർ സമൂഹ മാധ്യമങ്ങളിൽ കുറിച്ചു. നേരത്തെ ക്വാഡൻെറ വിഡിയോ കണ്ട ആൽ സ്റ്റാർസ് ടീം അവന് ആശംസകൾ നേർന്ന് സമൂഹ മാധ്യമങ്ങളിൽ പ്രതികരണം അറിയിച്ചിരുന്നു. വൈകാതെ ക്വാഡനെ നേരിട്ട് പരിചയപ്പെടാനും അവർ സമയം കണ്ടെത്തുകയായിരുന്നു.
പിന്തുണയറിയിച്ച് ഹോളിവുഡ് സൂപ്പർതാരം ഹ്യൂ ജാക്മാൻ
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.