Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightഎന്തുകൊണ്ട്​...

എന്തുകൊണ്ട്​ റെയ്​നക്ക്​ ഇന്ത്യൻ ടീമിൽ ഇടമില്ലാതായി; കാരണം വ്യക്​തമാക്കി എം.എസ്​.കെ പ്രസാദ്​

text_fields
bookmark_border
എന്തുകൊണ്ട്​ റെയ്​നക്ക്​ ഇന്ത്യൻ ടീമിൽ ഇടമില്ലാതായി; കാരണം വ്യക്​തമാക്കി എം.എസ്​.കെ പ്രസാദ്​
cancel

ന്യൂഡൽഹി: എന്തുകൊണ്ടാണ്​ തനിക്ക്​ ഇന്ത്യൻ ടീമിൽ ഇടമില്ലാത്തതെന്ന് വ്യക്​തമാക്കണമെന്ന്​​ ക്രിക്കറ്റ് താരം സുരേഷ്​ റെയ്​ന സെലക്​ടർമാരോട്​ ആവശ്യപ്പെട്ടത്​ വാർത്തയായിരുന്നു. മുതിർന്ന കളിക്കാരുടെ കാര്യത്തില്‍ സെലക്ടര്‍മാര്‍ കുറച്ചുകൂടി ഉത്തരവാദിത്തം കാണിക്കേണ്ടിയിരുന്നുവെന്നും കാരണം പോലും വ്യക്തമാക്കാതെയാണ്​ തന്നെ ടീമില്‍ നിന്ന്‌ പുറത്താക്കിയത്​ എന്നുമായിരുന്നു റെയ്​നയുടെ ആരോപണം. എന്നാൽ, താരത്തെ പുറത്താക്കിയതിനുള്ള കാരണം വ്യക്​തമാക്കിയിരിക്കുകയാണ്​ മുന്‍ ബി.സി.സി.ഐ ചീഫ് സെലക്ടര്‍ എം.എസ്‌.കെ പ്രസാദ്.

മോശം ഫോമാണ്​ റെയ്​നക്ക്​ വിനയായതെന്ന്​ പ്രസാദ്​ വ്യക്​തമാക്കി. മുൻ ഇന്ത്യൻ താരം വി.വി.എസ്​ ലക്ഷ്​മണെ ഉദാഹരണമാക്കിയെടുത്ത അദ്ദേഹം പറഞ്ഞത്​. -1999ല്‍ ടെസ്റ്റ് ടീമില്‍ നിന്നും മോശം ഫോമിനെ തുടർന്ന്​ പുറത്തായപ്പോള്‍ ലക്ഷ്​മൺ ആഭ്യന്തര ക്രിക്കറ്റില്‍ 1,400ല്‍പ്പരം റണ്‍സ് അടിച്ചുകൂട്ടി. തുടർന്ന്​ താരം ടീമിലെ സ്ഥാനം ചോദിച്ചുവാങ്ങുകയായിരുന്നു. ടീമിൽ നിന്നും പുറത്തുപോകേണ്ടി വരുന്ന മുതിർന്ന താരങ്ങളിൽ നിന്നും പ്രതീക്ഷിക്കുന്നത്​ അതാണ്. ദേശീയ വാർത്ത ഏജൻസിയായ പി.ടി.ഐയോട്​ സംസാരിക്കുകയായിരുന്നു അദ്ദേഹം.

എന്നാൽ, നിർഭാഗ്യമെന്ന്​ പറയ​ട്ടെ റെയ്​നയുടെ കാര്യത്തിൽ അത്തരമൊരു പ്രകടനം കണ്ടില്ല. ആഭ്യന്തര ക്രിക്കറ്റിൽ കഴിവ്​ തെളിയിക്കാൻ റെയ്​ന ശ്രമിച്ചില്ല. ഇൗ കാലഘട്ടത്തിൽ നിരവധി യുവതാരങ്ങൾ ഇന്ത്യയുടെ എ ടീമിന്​ വേണ്ടിയും രഞ്ജി ട്രോഫിയിലും മികച്ച പ്രകടനം നടത്തിയാണ്​ ഇന്ത്യൻ ടീമിൽ ഇടം നേടിയത്​. സെലക്​ടർമാർ രഞ്​ജി ട്രോഫി മത്സരങ്ങൾ കാണാറില്ലെന്ന ആരോപണം നിരാശാജനകമാണ്​. കഴിഞ്ഞ നാല്​ വർഷങ്ങൾക്കിടയിൽ സെലക്ഷൻ കമ്മിറ്റി മെംബർമാർ എത്ര രഞ്​ജി മത്സരങ്ങൾ കണ്ടിട്ടുണ്ടെന്നതി​​െൻറ മുഴുവൻ കണക്കുകളും ബി.സി.സി.​ ഐയുടെ പ​ക്കലുണ്ടെന്നും എം.എസ്​.കെ പ്രസാദ്​ വ്യക്​തമാക്കി.

2018 ജൂലൈയിൽ ഇംഗ്ലണ്ടിനെതിരെ ആണ്​ റെയ്​ന അവസാനമായി ഇന്ത്യൻ ജഴ്​സിയിൽ കളിച്ചത്​. 2019 ആഗസ്​റ്റിൽ കാൽമുട്ടിനേറ്റ പരിക്കിനെ തുടർന്ന്​ റെയ്​ന ശസ്​ത്രക്രിയക്ക്​ വിധേയനായിരുന്നു. ഇന്ത്യക്ക്​ വേണ്ടി 226 ഏകദിനങ്ങളും 78 ടി20യും 18 ടെസ്റ്റുകളുമാണ്​ റെയ്​ന ഇതുവരെ കളിച്ചത്​. ടീമിൽ നിന്നും പുറത്തുപോയതിന്​ പിന്നാലെ 2018-19 സീസണിൽ അഞ്ച്​ രഞ്​ജി മത്സരങ്ങളാണ്​ റെയ്​ന കളിച്ചത്​. അതിൽ രണ്ട്​ അർധ സെഞ്ച്വറികൾ അടക്കം താരം 243 റൺസെടുത്തിരുന്നു​. കഴിഞ്ഞ ​ ഐ.പി.എൽ സീസണിൽ ചെന്നൈ സൂപ്പർ കിങ്​സിന്​ വേണ്ടി 17 മാച്ചുകളിലായി 243 റൺസും താരം അടിച്ചുകൂട്ടിയിരുന്നു.

Show Full Article
TAGS:suresh raina MSK Prasad indian cricket team 
Next Story