പടക്കംപൊട്ടിച്ചതിനെ വിമർശിച്ച പത്താന്​ വിദ്വേഷ കമൻറുകൾ; ട്വിറ്ററിനോട്​ ഫയർ ട്രക്​ ആവശ്യപ്പെട്ട്​ താരം

ന്യൂഡൽഹി:: കോവിഡ് 19 മഹാമാരിയുടെ​ പശ്ചാത്തലത്തിൽ പ്രധാനമന്ത്രി നരേന്ദ്ര മോദി ആഹ്വാനം ചെയ്​ത ഐക്യദീപം തെള ിയിക്കൽ ആഘോഷമാക്കിയവർക്കെതിരെ നിരവധിയാളുകളാണ്​ വിമർശനവുമായി എത്തിയിരിക്കുന്നത്​. ക്രിക്കറ്റ്​ താരങ്ങളും സിനിമാ സാംസ്​കാരിക പ്രവർത്തകരും രാഷ്​ട്രീയക്കാരും രാജ്യത്ത്​ പ്രഖ്യാപിച്ച ലോക്​ഡൗണും സാമൂഹിക അകലം പാലിക്ക ാനുള്ള കർശന ഉത്തരവും ലംഘിച്ച്​ തീപ്പന്തങ്ങളുമായി തെരുവിലിറങ്ങിയതിനെ നിശിതമായി വിമർശിച്ചിരുന്നു​.

എന്നാ ൽ, ഇത്തരത്തിൽ പടക്കംപൊട്ടിച്ച്​ ആഘോഷിച്ച രീതിയെ കളിയാക്കിക്കൊണ്ട്​ ട്വീറ്റ്​ ചെയ്​ത മുൻ ഇന്ത്യൻ ഫാസ്റ്റ് ​ ബൗളർ ഇർഫാൻ പത്താന്​ ലഭിച്ചത്​ കൂടുതലും വിദ്വേഷ കമൻറുകൾ. ആളുകൾ പടക്കം പൊട്ടിക്കാൻ തുടങ്ങുന്നത്​ വരെ എല്ലാം മികച്ചതായിരുന്നു എന്നാണ്​ പത്താൻ ട്വീറ്റ്​ ചെയ്​തത്​. പടക്കം പൊട്ടിക്കുന്നതിനിടെ ഇന്നലെ ജയ്​പൂരിൽ കെട്ടിടത്തിന്​ തീപിടിച്ചിരുന്നു.

പതിനായിരത്തോളം ലൈക്കുകൾ ലഭിച്ച ട്വീറ്റിന്​ താഴെ ചിലർ മോശം കമൻറുകൾ നിരന്തരം പോസ്റ്റ് ചെയ്യാൻ തുടങ്ങുകയായിരുന്നു. പത്താ​​െൻറ എല്ലാ ട്വീറ്റുകളിലും മോദി വിരോധമാണെന്നും മുസ്​ലിമായത്​ കൊണ്ടാണ്​ ഇത്തരം ട്വീറ്റുകൾ ഇടുന്നതെന്നും ചിലർ പറഞ്ഞു. െഎ.പി.എൽ കളിക്കു​േമ്പാഴും ലോകകപ്പ്​ ജയിച്ചപ്പോഴും പടക്കം പൊട്ടിക്കു​േമ്പാൾ ഒരു വാക്ക്​ മിണ്ടാത്തവരാണ്​ വെറും ഒമ്പത്​ മിനിറ്റ്​ പടക്കം പൊട്ടിച്ചതിന്​ വിമർശിക്കുന്നതെന്ന്​ മറ്റൊരു കമൻറ്​.

It was so good untill ppl started bursting crackers #IndiaVsCorona

— Irfan Pathan (@IrfanPathan) April 5, 2020

തനിക്ക്​ നേരെ മോശം കമൻറുകളുമായി എത്തിയ ചിലരുടെ ട്വീറ്റ് സ്​ക്രീൻ ഷോ​െട്ടടുത്ത് താരം തന്നെ​ പങ്കുവെച്ചു​.​ ​​ഞങ്ങൾക്ക്​ ഫയർ ട്രക്കുകൾ ആവശ്യമുണ്ട്​. സഹായിക്കാമോ...? ട്വിറ്റർ ഇന്ത്യയെ മെൻഷൻ ചെയ്​തു കൊണ്ട്​ ഇർഫാൻ ചോദിച്ചു. പത്താനെ പിന്തുണച്ച്​ കൊണ്ട്​ നിരവധി പേരാണ്​ പുതിയ ട്വീറ്റിന്​ താഴെ എത്തിയത്​.

We need fire trucks can u help? @TwitterIndia pic.twitter.com/6sT92n9HRP

— Irfan Pathan (@IrfanPathan) April 6, 2020

ഇന്നലെ, രോഹിത്​ ശർമയും ആളുകൾ ദീപം തെളിയിക്കൽ ആഘോഷമാക്കിയതിനെ എതിർത്ത്​ സമൂഹ മാധ്യമത്തിൽ എത്തിയിരുന്നു. ‘‘എല്ലാവരും വീടുകളിൽ തന്നെയിരിക്കൂ. തെരുവുകളിൽ പോയി ആഘോഷിക്കാതിരിക്കൂ. ലോകകപ്പ്​ കിട്ടാൻ കുറച്ചു സമയം കൂടി ബാക്കിയുണ്ട്​’’- ഇങ്ങനെയായിരുന്നു രോഹിതിന്‍റെ ട്വീറ്റ്​.