സൂ​പ്പ​ർ താ​ര​ങ്ങ​ൾ ബൂ​ട്ട​ഴി​ക്കു​ന്നു; ഇ​തി​ഹാ​സ​ങ്ങ​ൾ​ക്ക്​ വിട

കാൽപന്ത്​ മൈതാനങ്ങളിൽ ശിശിരകാലം സമ്മാനിച്ച ആ യുഗ പ്രതിഭകൾ പോയ്​ മറഞ്ഞു. ഒരു മായാജാലക്കാര​​​െൻറ കൈയടക്കവുമാ യി പന്തിൽ തീർത്ത ഇന്ദ്രജാലത്തിലും, മൈതാനത്ത്​ രചിച്ച ഇതിഹാസകാവ്യങ്ങളിലു​മെല്ലാം അവർ ഒാർക്കപ്പെടും. യൂറോപ്പ ിലും ഇതര വൻകരകളിലുമായി ഒരു സീസണിന്​ കൊടിയിറങ്ങു​േമ്പാൾ കളിയുടെ നല്ലകാലത്തോട്​ യാത്രപറഞ്ഞിറങ്ങുകയാണ്​ ഒര ു പിടി സൂപ്പർ താരങ്ങൾ. യൊൻ ക്രൈഫും മാർകോ വാൻബാസ്​റ്റനും റുഡ്​ ഗുള്ളിറ്റുമെല്ലാം ചേർന്ന്​ ലോകമെങ്ങുമുള്ള ആ രാധക മനസ്സിലേക്ക്​ ഒാറഞ്ച്​ നിറത്തെയും ഡച്ച്​ ഫുട്​ബാളിനെയും തിരുകികയറ്റി​യശേഷം അവർക്ക്​ വീണുകിട്ടിയ രണ്ട് ​ ഭാഗ്യങ്ങളായിരുന്നു റോബിൻ വാൻപെഴ്​സിയും ആർയൻ റോബനും. സിനദിൻ സിദാനും തിയറി ഒൻറിയും നടത്തിയ ഫ്രഞ്ച്​ ജൈത്രയ ാത്രയുടെ അവശേഷിപ്പായിരുന്നു ഫ്രാങ്ക്​ റിബറി.

ബാഴ്​സലോണയുടെയും ​സ്​പെയിനി​​​െൻറയും കളി കണ്ടാൽ ഇന്നും ആരാധകർ മധ്യനിരയിലെ സുന്ദര മുഖത്തെ പരതും - ആ​ പേരാണ്​ സാവി ഹെർണാണ്ടസ്​. ഇവരുടെ സമകാലികനായി ഇറ്റലിയിലും എ.എസ്​ റോമയിലും മധ്യനിരയുടെ കാവലാളായാ ഡാനിയേൽ ഡി റോസി, ഗോൾ കീപ്പറായി ചെക്ക്​ റിപ്പബ്ലിക്കിലും​ ചെൽസിയിലും ആഴ്​സനലിലും രണ്ടു പതിറ്റാണ്ട്​ വാണ പീറ്റർ ചെക്ക്​....കൊടിയിറങ്ങുന്ന സീസണോടെ കാൽപന്ത്​ മൈതാനിയിൽ നിന്നും അപ്രത്യക്ഷ്യരാവുന്ന ഇതിഹാസങ്ങളാണിത്​. വർഷങ്ങൾക്ക്​ മു​േമ്പ ദേശീയ ടീമുകളിൽ നിന്നും അപ്രത്യക്ഷരായ ഇവരെ ക്ലബ്​ കുപ്പായത്തിൽ കാണുന്ന ആശ്വാസത്തിലായിരുന്നു ​ആരാധകർ. ഇന്ന്​ ആ പ്രതീക്ഷയും അവസാനിക്കുന്നു. പന്തിനും ബൂട്ടിനുമിടയിൽ സുന്ദരമായ സ്​പർശംകൊണ്ട്​ കവിത രചിച്ച ഇതിഹാസങ്ങൾ മൈതാനത്തില്ല.

ബൈ ബൈ ‘റോബറി’
ആർയൻ റോബൻ (36); ഫ്രാങ്ക്​ റിബറി (35)
ബയേൺ മ്യുണിക്​ എന്ന ജർമൻ ക്ലബ്​ ഫുട്​ബാളിലെ ഒാരോ കിരീടവും കവരു​േമ്പാൾ മുന്നേറ്റത്തിൽ ആർയൻ റോബനും, ഫ്രാങ്ക്​ റിബറിയുമുണ്ടായിരുന്നു. കഴിഞ്ഞ പത്തുവർഷത്തിലേറെയായി ജർമൻ ക്ലബി​​​െൻറ എഞ്ചിൻ ഇൗ ഡച്ച്​ -ഫ്രഞ്ച്​ ബൂട്ടുകളിലായിരുന്നു. 2010 ലോകകപ്പിൽ നെതർലൻഡ്​സിനെ ഫൈനൽ വരെയെത്തിച്ച റോബൻ മാജിക്കും, ഫ്രാൻസി​െന സിദാനൊപ്പം 2006 ലോകകപ്പ്​ റണ്ണേഴ്​സ്​ ആക്കി തുടങ്ങിയ റിബറി വിസ്​മയവും അവരുടെ കരിയറിലെ ഏറ്റവും തിളക്കമേറിയ കാലത്താണ്​ ബയേൺ മ്യുണികിൽ ഒന്നിക്കുന്നത്​. റോബൻ റയൽ മഡ്രിഡിൽ നിന്ന്​ 2009ലും, റിബറി മാഴ്​സലേയിൽ നിന്ന്​ 2007ലും. പിന്നീട്​ ക്ലിൻസ്​മാൻ, വാൻഗാൽ, പെപ്​ ഗ്വാർഡിയോള മുതൽ ഇപ്പോൾ നിക്​ ​കൊവാക്​ വരെയുള്ള പരിശീലകരുടെ വജ്രായുധമായി ‘റോബറി’യുണ്ടായിരുന്നു. പ്രായമേറുന്തോറും വീര്യം കൂടിയവർ ഒമ്പത്​ ബുണ്ടസ്​ ലിഗ കിരീടം, അഞ്ച്​ ജർമൻ കപ്പ്​, ഒരു ചാമ്പ്യൻസ്​ ലീഗ്​ (2013), സൂപ്പർ കപ്പ്​ (2013), ക്ലബ്​ ലോകകപ്പ്​ (2013) നേട്ടങ്ങളിൽ നിർണായക സാന്നിധ്യമായി.

കളിയിലെ വീറും വാശിയും കൂടു​േമ്പാൾ സൗഹൃദത്തിൽ പലപ്പോഴും വിള്ളൽ വീണിരുന്നു. എന്നാൽ, അവർ തന്നെ അതിനെ തേച്ച്​മായ്​ച്ച്​ ഉൗഷ്​മളമാക്കിമാറ്റിയെന്നത്​ ചരിത്രം. 2012 ഏപ്രിലിൽ ഒരു മത്സര ശേഷം റിബറിയു​െട ഇടികൊണ്ട്​ മൂക്കിൽ നിന്ന്​ ചോരയൊലിച്ച റോബൻ വാർത്തയായി. ഫ്രീകിക്കിനെ ചൊല്ലിയുള്ള തർക്കം ഇടിയായപ്പോൾ ഇനിയൊരിക്കലും ഒന്നിച്ച്​​ കളിക്കില്ലെന്നായിരുന്നു റോബ​​​െൻറ ശപഥം. പക്ഷേ, അതെല്ലാം ​കളിയിലെ സൗഹൃദത്തിൽ അലിഞ്ഞുപോയി. ഒരു വർഷം കഴിഞ്ഞ്​ ചാമ്പ്യൻസ്​ ലീഗ്​​ ഫൈനലിൽ ബൊറൂസിയക്കെതിരെ കിക്കെടുക്കാൻ റിബറി തന്നെ റോബനെ ക്ഷണിച്ചപ്പോൾ മധുരമായൊരു മാപ്പുപറച്ചിലായി. ആ ഗോളിലായിരുന്നു ബയേണി​​​െൻറ ട്രിപ്പ്​ൾ കിരീട നേട്ടം. ഏറ്റവും ഒടുവിൽ ‘റോബറി’ യുഗത്തിന്​ അന്ത്യം കുറിക്ക്​ വിടവാങ്ങു​േമ്പാൾ അവസാന മത്സരത്തിൽ ഒന്നിച്ച്​ കളിച്ച്​ ഗോളടിച്ചാണ്​ പടിയിറക്കം.

ഡാനിയേൽ ഡി റോസി (35)
ഫ്രാൻസിസ്​കോ ടോട്ടിയെന്ന സൂപ്പർ താരത്തി​നു പിന്നാലെ എ.എസ്​ റോമയിലൂടെ മറ്റൊരു ഇറ്റാലിയൻ ഇതിഹാസം കൂടി അസ്​തമിക്കുന്നു. റോസി 2000ൽ റോമ യൂത്ത്​ ടീമിലെത്തു​േമ്പാൾ പ്രായം 17. അടുത്ത വർഷം സീനിയർ ടീമിലെത്തിയ താരം നീണ്ട 19 വർഷം ടീമി​​​െൻറ മധ്യനിരയിലെ നെടും തൂണായി നിലകൊണ്ടു. 2006ൽ ഇറ്റലി ലോകചാമ്പ്യന്മാരാവു​േമ്പാൾ ഫൈനലിൽ പെനാൽറ്റി ലക്ഷ്യത്തിലെത്തിച്ചും നിർണായക സാന്നിധ്യമായ റോസി കളിമതിയാക്കു​േമ്പാൾ നഷ്​ടമാവുന്നത്​ ഒരു ഇതിഹാസ കാലം.

ഗുഡ്​ബൈ സാവി (39)
സ്​പെയിനും, ബാഴ്​സലോണയും കടന്ന പരിമളം ഖത്തറിലെ അൽസാദ്​ ക്ലബിലൂടെ ഏഷ്യയിലും വിശീടിച്ചാണ്​ സാവി ഹെർണാണ്ടസ്​ എന്ന ജീനിയസ്​ ബൂട്ടഴിക്കുന്നത്​. 2014 ലോകകപ്പിനു പിന്നാലെ സ്​പാനിഷ്​ കുപ്പായവും, 2015ൽ ബാഴ്​സലോണയിൽ നിന്നും വിടവാങ്ങിയ സാവിയുടെ നല്ല കാലം അന്നേ കഴിഞ്ഞിരുന്നു. പിന്നീട്​ ഖത്തർ ക്ലബിലൂടെ ഫുട്​ബാൾ ബ്രാൻഡ്​ അംബാസിഡറായി തുടർന്ന സാവി പന്തുകളിയോട്​ തന്നെ ഇപ്പോൾ യാത്രയാവുകയാണ്​.

പീറ്റർ ചെക്ക്​ (36)
ഇംഗ്ലീഷ്​ ക്ലബ്​ ഫുട്​ബാളിലെ സൂപ്പർ ഗോളിയെന്ന പേര്​ നിലനിർത്തിയാണ്​ ചെക്ക്​ താരം പീറ്റർ ചെക്കി​​​െൻറ പടിയിറക്കം. ചെൽസിയിലും ആഴ്​സനലിലുമായി 443 മത്സരങ്ങളിൽ 202എന്ന ക്ലീൻ ഷീറ്റ്​ ​െ​റക്കോഡ്​ തന്നെ ഗോൾ പോസ്​റ്റിനു കീഴിലെ വിസ്​മയത്തിന്​ അടിവരയിടുന്നു. 2002 മുതൽ 2016 വരെ ചെക്ക്​ റിപ്പബ്ലിക്കിനായി കളിച്ച ചെക്ക്​, 11 വർഷമാണ്​ ചെൽസിയുടെ വലകാത്തത്​. പിന്നീട്​ 2015ൽ ആഴ്​സനലിലെത്തി. ഇപ്പോൾ വിടവാങ്ങാനൊരുങ്ങു​േമ്പാൾ ഒരു മോഹം മാത്രം. ഇൗ മാസം 30 യൂറോപ ലീഗ്​ ഫൈനലിൽ ചെൽസിയും ആഴ്​സനലും ഏറ്റുമുട്ടു​േമ്പാൾ ത​​​െൻറ പഴയ ക്ലബിനെതിരെ വലകാത്ത്​ കിരീടവും ചൂടിപടിയിറങ്ങാനാണ്​ ചെക്കി​​​െൻറ മോഹം.

റോബിൻ വാൻ പേഴ്​സി (35)
കാൽ പന്തിലെ മറ്റൊരു ഡച്ച്​ വസന്തം കൂടി അവസാനിക്കുന്നു. മുൻ നിരയിൽ നിന്ന്​ ചടുല നീക്കങ്ങളും പാറിപ്പറന്ന ഹെഡ്​ഡറുകളുമായി വിസ്​മയിപ്പിച്ച റോബിൻ വാൻ​ പേഴ്​സി. 2017ൽ നെതർലൻഡ്​സ്​ കുപ്പാമഴിച്ച വാൻ​േപഴ്​സി, ത​​​െൻറ ആദ്യ കാല ക്ലബായ ഫെയ്​നൂർദിലൂടെയാണ്​ കരിയർ അവസാനിപ്പിക്കുന്നത്​. 2004 മുതൽ 2012 വരെ ആഴ്​സനലിനായും, 2012-15 മാഞ്ചസ്​റ്റർ യുനൈറ്റഡിനായും കളിച്ച ശേഷം ഫെനർബാഷെ (2015-18) വഴിയാണ്​ ഫെയ്​നൂർദിലെത്തുന്നത്​. അവിടെ നിന്ന്​ മധുര സ്​മരണയോടെ പടിയിറക്കവും.

​ആന്ദ്രെ ബർസാഗ്ലി (38)
ഇറ്റാലിയൻ പ്രതിരോധ മാതൃകയുടെ ഒടുവിലത്തെ തൂണുകളിലൊന്നാണ്​ ആന്ദ്രെ ബർസാഗ്ലി. കന്നവാരോയുടെയും മറ്ററാസിയുടെയും നിഴലായി നിന്ന്​ കളി തുടങ്ങിയ സ​​െൻറർ ബാക്ക്​ 2011 മുതൽ യുവൻറസിലുണ്ട്​. 205 മത്സരങ്ങളിൽ ഇറ്റാലിയൻ ടീമി​​​െൻറ പ്രതിരോധത്തിലുള്ള താരത്തിന്​ ഇക്കുറി ഏതാനും മത്സരങ്ങളിൽ മാത്രമേ അവസരം ലഭിച്ചുള്ളൂ.