കണ്ണീരിലും ചിരിതൂകി ഇംഗ്ലണ്ട്​

Harry-Kane-southgate

ക​ണ്ണീ​രാ​ണി​പ്പോ​ൾ ഇം​ഗ്ല​ണ്ടി​​െൻറ തെ​രു​വും മ​ന​സ്സും. സ്വ​പ്​​ന​ങ്ങ​ളു​ടെ രാ​ജ​​ര​ഥ​മേ​റി റ​ഷ്യ​ൻ മ​ണ്ണി​ൽ നി​സ്​​തു​ല നേ​ട്ട​ങ്ങ​ളി​ലേ​ക്ക്​ പ​ന്തു​ത​ട്ടി​യ​വ​ർ ഒ​ടു​വി​ൽ വീ​ണു​ട​ഞ്ഞ പ​ളു​ങ്കു​പാ​ത്ര​മാ​യി മ​ട​ങ്ങി​യി​രി​ക്കു​ന്നു. ഇം​ഗ്ല​ണ്ടി​ന്​ പു​റ​ത്ത്​ ആ​ദ്യ ലോ​ക​ക​പ്പ്​ ഫൈ​ന​ലെ​ന്ന മോ​ഹം സ​ഫ​ല​മാ​കാ​ൻ പോ​കു​ന്നു​വെ​ന്ന്​ കൊ​തി​പ്പി​ച്ച്​​ ഹാ​രി കെ​യ്​​നും സം​ഘ​വും ന​ട​ത്തി​യ കു​തി​പ്പാ​ണ്​ ​ആ​ഘോ​ഷം​പെ​യ്​​ത രാ​വി​ൽ ഒ​ടു​വി​ൽ മു​ന​യൊ​ടി​ഞ്ഞ്​ ക​ണ്ണീ​രാ​യി തൂ​കി​പ്പ​ര​ക്കു​ന്ന​ത്.

ക്രൊ​യേ​ഷ്യ​ക്കെ​തി​രെ ആ​ശി​ച്ച തു​ട​ക്ക​മാ​യി​രു​ന്നു​ ഇം​ഗ്ല​ണ്ടി​ന്. അ​ഞ്ചാം മി​നി​റ്റി​ൽ​ത​ന്നെ കി​ര​ൺ ട്രി​പ്പി​യ​റി​ലൂ​ടെ ഗോ​ളും ലീ​ഡും. നി​ർ​ഭാ​ഗ്യം വ​ഴി​മു​ട​ക്കാ​തി​രു​ന്നു​വെ​ങ്കി​ൽ എ​ന്ന്​ ​മോ​ഹി​ച്ച നി​ര​വ​ധി അ​വ​സ​ര​ങ്ങ​ൾ പി​ന്നെ​യും. ഇം​ഗ്ല​ണ്ടി​ലും അ​ങ്ങ​ക​ലെ ​ലു​ഷ്​​നി​ക്കി സ്​​റ്റേ​ഡി​യ​ത്തി​ലും ഇം​ഗ്ലീ​ഷ്​ പ​താ​ക​​യും ഒ​പ്പം ആ​ർ​പ്പു​വി​ളി​ക​ളും പ​റ​ന്നു​ന​ട​ക്കു​ന്ന​തി​നി​ടെ​യാ​യി​രു​ന്നു 68ാം മി​നി​റ്റി​ൽ ക്രൊ​യേ​ഷ്യ ഗോ​ള​ടി​ച്ച​ത്.

england-fans

ചി​രി കൂ​റു​മാ​റി ഗാ​ല​റി​യി​ലെ ക്രൊ​യേ​ഷ്യ​ൻ ആ​രാ​ധ​ക​രി​ലേ​ക്കും സാ​ഗ്റ​ബി​ലേ​ക്കും പ​ട​ർ​ന്ന​പ്പോ​ഴും ഇം​ഗ്ല​ണ്ടി​നു പു​റ​ത്തെ ആ​ദ്യ ലോ​ക​ക​പ്പ്​ ഫൈ​ന​ൽ അ​വ​ർ​ സ്വ​പ്​​നം​ക​ണ്ടു. അ​ധി​ക​സ​മ​യ​ത്ത്​ ആ​ദ്യ 20ാം മി​നി​റ്റും സ്​​കോ​ർ ബോ​ർ​ഡ്​ പ​ഴ​യ​പ​ടി തു​ട​ർ​ന്ന​പ്പോ​ൾ, പെ​നാ​ൽ​റ്റി വി​ധി പ​റ​യു​മെ​ന്നാ​യി പി​ന്നെ പ്ര​തീ​ക്ഷ. പ​ക്ഷേ, മ​ൻ​സു​കി​ച്ചെ​ന്ന യു​വ​ൻ​റ​സ്​ പോ​രാ​ളി എ​ല്ലാം ത​ക​ർ​ത്ത്​ 110ാം മി​നി​റ്റി​ൽ ജോ​ർ​ഡ​ൻ പി​ക്​​ഫോ​ഡി​നെ കാ​ഴ്​​ച​ക്കാ​ര​നാ​ക്കി സ്​​കോ​ർ ചെ​യ്​​ത​​പ്പോ​ൾ നെ​ഞ്ചു​ത​ക​ർ​ന്ന്​ വി​ല​പി​ക്കാ​നാ​യി​രു​ന്നു ഇം​ഗ്ലീ​ഷ്​ യോ​ഗം.

ആ​ഘോ​ഷ​ത്തി​ലെ ചു​വ​പ്പും വെ​ളു​പ്പും

28 വ​ർ​ഷ​ത്തി​നി​ടെ ഇം​ഗ്ല​ണ്ട്​ ന​ട​ത്തി​യ​ത്​ ച​രി​ത്ര​ക്കു​തി​പ്പാ​യി​രു​ന്നു. ലീ​ഗ്​ മ​ത്സ​ര​ങ്ങ​ളി​ൽ ആ​ദ്യം തു​നീ​ഷ്യ​യെ​യും പി​ന്നെ പാ​ന​മ​യെ​യും അ​നാ​യാ​സം മ​റി​ക​ട​ന്ന​വ​ർ ഗ്രൂ​പ്പി​ലെ അ​പ്ര​ധാ​ന പോ​രി​ൽ ബെ​ൽ​ജി​യ​ത്തി​ന്​ ‘തോ​റ്റു​കൊ​ടു​ത്ത്​’ പ​ഴി​യേ​റെ കേ​ട്ടു. പ്രീ​ക്വാ​ർ​ട്ട​റി​ൽ കൊ​ളം​ബി​യ​യോ​ട്​ വി​യ​ർ​ത്തെ​ങ്കി​ലും ക്വാ​ർ​ട്ട​റി​ൽ സ്വീ​ഡ​ൻ എ​തി​രാ​ളി​യേ ആ​യി​ല്ല. ഇൗ ​സം​ഘം ക​പ്പു​മാ​യേ മ​ട​ങ്ങൂ എ​ന്നാ​യി അ​തോ​ടെ, ഇം​ഗ്ല​ണ്ടി​ലെ ആ​ര​വം. പി​റ​ന്ന നാ​ട്ടി​ലേ​ക്ക്​ തി​രി​കെ​യെ​ത്തു​ന്നു​വെ​ന്ന്​ ഉ​റ​പ്പി​ച്ച്​ ഇം​ഗ്ല​ണ്ടി​ലെ ഒാ​രോ ക​ളി​ഭ്രാ​ന്ത​നും പി​ന്നെ ചു​ണ്ടി​ൽ ‘ക​മി​ങ്​ ഹോം’ ​ഗാ​നം മൂ​ളി. 1966ൽ ​ക​പ്പു​യ​ർ​ത്തി​യ സം​ഘം അ​ന്നും പി​ന്നെ​യും കാ​ഴ്​​ച​വെ​ച്ച വ​ലി​യ മു​ഹൂ​ർ​ത്ത​ങ്ങ​ളും അ​രു​താ​ത്ത​ത്​ ന​ട​ന്ന​തി​​െൻറ ഒാ​ർ​മ​​പ്പെ​ടു​ത്ത​ലു​ക​ളും എ​ല്ലാം ചേ​ർ​ത്ത ഗാ​നം രാ​ജ്യ​ത്തി​ന​ക​ത്തും പു​റ​ത്തും ​ഒ​രു​പോ​ലെ ഹി​റ്റാ​യി.

സൗ​ത്ത്​ ​ഗേ​റ്റാ​ണ്​ താ​രം

കോ​ച്ചു​മാ​രെ അം​ഗീ​ക​രി​ക്കാ​ൻ മ​ടി​ക്കു​ന്ന നാ​ട്ടു​കാ​ർ ഇ​ത്ത​വ​ണ സ​മൂ​ഹ​മാ​ധ്യ​മ​ങ്ങ​ളി​ൽ സൗ​ത്ത്​ ​ഗേ​റ്റി​​െൻറ വാ​ഴ്​​ത്തു​പാ​ട്ടു​ക​ൾ​ക്ക്​ മ​ാ​ത്രം സ​മ​യം ക​ണ്ടു. റ​ഷ്യ​യി​ലേ​ക്ക്​ പ​റ​ക്കും​മു​​​ന്നേ ഒാ​രോ താ​ര​ത്തെ​യും ഒ​ഫീ​ഷ്യ​ലി​നെ​യും വ​രാ​നി​രി​ക്കു​ന്ന ക​ടു​ത്ത മ​ത്സ​ര​ങ്ങ​ൾ​ക്ക്​ എ​ങ്ങ​നെ ഒ​രു​ക്കി​യെ​ന്നും അ​താ​ണ്​ മൈ​താ​ന​ത്ത്​ ക​ണ്ട​തെ​ന്നും ക​ളി​യെ​ഴു​ത്തു​കാ​ർ മു​ത​ൽ ശ​രാ​ശ​രി ആ​രാ​ധ​ക​ർ വ​രെ പു​ക​ഴ്​​ത്തി. ടീ​മി​​െൻറ സ​മൂ​ഹ​മാ​ധ്യ​മ വ​ക്​​താ​വ്​ ജിം ​ലു​ക്കാ​സി​ന്​ സൗ​ത്ത്​ ​ഗേ​റ്റ്​ എ​ഴു​തി​യ വൈ​കാ​രി​ക​ത​യേ​റെ നി​റ​ഞ്ഞ ക​ത്ത്​ ഏ​റെ കൈ​യ​ടി​വാ​ങ്ങി. ‘ഇൗ ​ലോ​ക​ക​പ്പ്​ നി​ങ്ങ​ൾ​ക്ക്​ മ​റ​ക്കാ​നാ​വാ​ത്ത ഒാ​ർ​മ​ക​ൾ പ​ല​തും ന​ൽ​കാ​നി​രി​ക്കു​ന്നു​വെ​ന്നാ​യി​രു​ന്നു’ ക​ത്തി​ലെ ഉ​ള്ള​ട​ക്കം. ക​ളി തോ​റ്റ്​ മാ​നം പോ​യി മ​ട​ങ്ങി​യി​ട്ടും യു​വ​സം​ഘ​ത്തി​നും കോ​ച്ച്​ സൗ​ത്ത്​ ​ഗേ​റ്റി​നും  അ​ഭി​വാ​ദ്യ​മ​ർ​പ്പി​ക്കു​ന്ന​തി​ൽ  ഇം​ഗ്ലീ​ഷ്​ ആ​രാ​ധ​ക​ർ ഒ​രി​ക്ക​ലും പി​ശു​ക്ക്​ കാ​ണി​ച്ച​തേ​യി​ല്ല. ‘‘സ്വ​പ്​​നം കാ​ണാ​നും ഇ​ച്ഛ ന​ട​പ്പാ​ക്കാ​നും പ​ഠി​പ്പി​ച്ച ഇൗ ​ക​ളി​സം​ഘ​ത്തി​ൽ അ​ഭി​മാ​നി​ക്കു​ന്നു​വെ​ന്നാ​യി​രു​ന്നു’’ -ഒ​രു ആ​രാ​ധ​ക​​െൻറ ട്വി​റ്റ​ർ കു​റി​പ്പ്. ‘‘മ​ന​സ്സ്​ നി​രാ​ശ​മാ​യി​പ്പോ​യെ​ങ്കി​ലും ഇൗ ​ടീം അ​ഭി​മാ​നം ന​ൽ​കു​ന്നു​വെ​ന്നും നി​ങ്ങ​ൾ​ക്ക്​ ത​ല​യു​യ​ർ​ത്തി​ത്ത​ന്നെ മ​ട​ങ്ങാ​മെ​ന്നും’’ വി​ല്യം രാ​ജ​കു​മാ​ര​ൻ കു​റി​ച്ചു.

england-fans

ആ​ദ്യാ​ന്തം ഹാ​രി കെ​യ്​​ൻ

റ​ഷ്യ​ൻ ലോ​ക​ക​പ്പി​ലെ സു​വ​ർ​ണ ബൂ​ട്ടി​ന​രി​കെ കാ​ര്യ​മാ​യ എ​തി​രാ​ളി​ക​ളി​ല്ലാ​തെ നി​ൽ​ക്കു​ന്ന 24കാ​ര​നാ​യ ക്യാ​പ്​​റ്റ​ൻ ഹാ​രി കെ​യ്​​നും അ​തി​ലും ചെ​റു​പ്പ​മു​ള്ള യു​വ സം​ഘ​വും പ​ന്തു​ത​ട്ടു​ന്ന മൈ​താ​ന​ത്ത്​ മ​റ്റു ടീ​മു​ക​ൾ​ക്ക്​ എ​ന്തു കാ​ര്യ​മെ​ന്ന മ​ട്ടി​ലാ​യി​രു​ന്നു ക്വാ​ർ​ട്ട​ർ പി​ന്നി​ട്ട​തോ​ടെ ടീ​മി​​െൻറ ആ​ത്​​മ​വി​ശ്വാ​സം. അ​താ​ണ്, സെ​മി​യി​ൽ വി​ന​യാ​യ​തും.​ ക്രൊ​യേ​ഷ്യ​യെ എ​തി​രാ​ളി​യാ​യി​ക്ക​ണ്ട്​ പ്ലാ​ൻ എ​യും ബി​യും ഒ​രു​ക്കു​ന്ന​തി​നു പ​ക​രം ടീം ​ൈ​ഫ​ന​ലി​ലെ​ത്തി​യെ​ന്ന ത​ര​ത്തി​ൽ വീ​മ്പു പ​റ​ഞ്ഞ​ത്​ പ​രാ​ജ​യം വി​ളി​ച്ചു​വ​രു​ത്തു​ക​യാ​യി​രു​ന്നു​വെ​ന്ന്​ മു​ൻ പ്രീ​മി​യ​ർ ലീ​ഗ്​ താ​രം റോ​യ്​ കീ​ൻ ആ​ണ​യി​ടു​ന്നു. 

COMMENTS

Please Note: ഇവിടെ കൊടുക്കുന്ന അഭിപ്രായങ്ങള്‍ മാധ്യമത്തിന്‍െറ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. 'മംഗ്ലീഷില്‍' എഴുതുന്ന അഭിപ്രായങ്ങള്‍ പോസ്റ്റ് ചെയ്യുന്നതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക

top