യു. എസ് ഓപ്പൺ: ദിമിത്രേവിനോട് പരാജയപ്പെട്ട് റോജർ ഫെഡറർ പുറത്ത്
text_fieldsന്യൂയോർക്ക്: അഞ്ച് തവണ ചാമ്പ്യനായ ലോക സൂപ്പർതാരം റോജർ ഫെഡറർ യു.എസ് ഓപ്പണിൽ നിന്നും പുറത്ത്. ക്വാർട്ടർ ഫൈനലിൽ ബൾഗേറിയയുടെ ഗ്രിഗർ ദിമിത്രേവ് ആണ് സ്വിസ് ഇതിഹാസത്തെ പരാജയപ്പെടുത്തിയത്. സ്കോർ: 6-3, 4-6, 6-3, 4-6, 2-6.
മത്സരത്തിൻെറ ആദ്യഘട്ടത്തിൽ പരുക്കേറ്റത് ഫെഡറർക്ക് തിരിച്ചടിയായി. സീഡില്ലാ താരമായ ദിമിത്രേവിന് വെല്ലുവിളിയാകാൻ ഫെഡറർക്ക് കഴിഞ്ഞില്ല. 38 കാരനായ ഫെഡറർ മുമ്പ് നടന്ന ഏഴ് മത്സരങ്ങളിലും ദിമിത്രേവിനെ പരാജയപ്പെടുത്തിയിരുന്നു. തൻെറ 46-ാമത് ഗ്രാൻസ്ലാം സെമി ഫൈനൽ ബെർത്ത് ആണ് ഫെഡറർക്ക് നഷ്ടമായത്.
അതേസമയം റഷ്യയുടെ ഡാനിൽ മെദ്വദേവ് മൂന്ന് തവണ ജേതാവായ സ്റ്റാൻ വാവ്റിങ്കയെ പരാജയപ്പെടുത്തി തന്റെ ആദ്യ ഗ്രാൻസ്ലാം സെമി ഫൈനലിലേക്ക് മുന്നേറി. സ്കോർ: 7-6 (8/6), 6-3, 3-6, 6-1. 28കാരനായ ദിമിത്രേവ് സെമിയിൽ ഡാനിൽ മെദ്വദേവിനെ നേരിടും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.