ഹോക്കി: നിലവിലെ ജേതാക്കളായ അർജന്‍റീനയെ തകർത്ത്​ ഇന്ത്യ ക്വാർട്ടറിൽ

ടോക്യേ: നിലവിലെ ജേതാക്കളായ അർജന്‍റീനയെ 3-1ന്​ തകർത്ത്​ ഇന്ത്യൻ പുരുഷ ഹോക്കി ടീം ഒളിമ്പിക്​സ്​ ക്വാർട്ടർ ഫൈനലിലെത്തി.

വരുൺ കുമാർ, വിവേക്​ പ്രസാദ്​, ഹർമൻപ്രീത്​ സിങ്​ എന്നിവരാണ്​ ഇന്ത്യക്കായി വലകുലുക്കിയത്​. മൂന്ന്​ ജയവുമായി​ ഇന്ത്യക്ക്​ ഒമ്പത്​ പോയിന്‍റായി. ഗ്രൂപ്പിൽ ഒരു മത്സരം മാത്രം ശേഷിക്കേ മൂന്നാം സ്​ഥാനക്കാരായ സ്​പെയിനിനേക്കാൾ അഞ്ച്​ പോയിന്‍റ്​ ലീഡുണ്ട്​ ഇന്ത്യക്ക്​.

ഗ്രൂപ്പ്​ ഘട്ടത്തിലെ രണ്ടാം മത്സരത്തിൽ ആസ്​ട്രേലിയയോട്​ 7-1ന്​ തോറ്റ ശേഷം ഉഗ്രൻ തിരിച്ചുവരവാണ്​ ഇന്ത്യ നടത്തിയത്​. വമ്പൻ തോൽവിയിൽ നിന്നുണ്ടായ ​ഗോൾ വ്യത്യാസം കുറക്കാൻ അവസാന മത്സരങ്ങളിൽ നിന്ന്​ ഇന്ത്യക്കായി. ആസ്​ട്രേലിയക്ക്​ ശേഷം ഗ്രൂപ്പ്​ എയിൽ നിന്ന്​ ക്വാർട്ടർ യോഗ്യത നേടുന്ന രണ്ടാമത്തെ ടീമായി ഇന്ത്യ.