'എനിക്ക്​ വേണ്ടി മെഡൽ നേടണമെന്ന്​ അവളോട്​ പറഞ്ഞു'-ചരിത്ര നേട്ടത്തിന്​ പിന്നാലെ പി.വി. സിന്ധുവിന്‍റെ പിതാവ്

ടോക്യോ: ഒളിമ്പിക്​സ്​ വനിത വിഭാഗം ബാഡ്​മിന്‍റണിൽ വെങ്കല മെഡൽ സ്വന്തമാക്കി പി.വി. സിന്ധു ചരിത്രം കുറിച്ചിരുന്നു. ടോക്യോയിൽ ചൈനയുടെ ഹി ബിങ്​ ജിന്‍റാവോയെ നേരിട്ടുള്ള ​സെറ്റുകൾക്കാണ്​​ സിന്ധു തകർത്തത്​.

രണ്ടാം വ്യക്തിഗത ഒളിമ്പിക്​ മെഡൽ സ്വന്തമാക്കിയ സിന്ധു ഈ നേട്ടം കൈവരിക്കുന്ന രണ്ടാമത്തെ ഇന്ത്യൻ താരവും ആദ്യ ഇന്ത്യൻ വനിതയുമാണ്​. റിയോ ഒളിമ്പിക്​സിൽ വെള്ളിയായിരുന്നു സിന്ധു നേടിയത്​​. അടുത്തടുത്ത ഒളിമ്പിക്​സുകളിൽ മെഡൽ സ്വന്തമാക്കുന്ന നാലാമത്തെ വനിത ഷട്ടിൽ താരമാണ്​ സിന്ധു. മകളുടെ മെഡൽ നേട്ടത്തിൽ അതീവ സന്തുഷ്​ടനായ പിതാവ്​ പി.വി. രമണ കോച്ച്​ പാർക്​ തേ സുങിന്​ നന്ദി പറഞ്ഞു.

'അവളുടെ കോച്ച്​ പാർക്കിന്​ നന്ദി പറയാൻ ഞാൻ ആഗ്രഹിക്കുന്നു. അദ്ദേഹം ഇതിനായി ഏറെ കഷ്​ട​െപട്ടു. ഒളിമ്പിക്​ അസോസിയേഷൻ, സർക്കാർ, സ്​പോൺസർമാർ എല്ലാവർക്കും നന്ദി. അവൾ രാജ്യത്തിനായി മെഡൽ നേടിയതിൽ എനിക്ക്​ വളരെയേ​െറ സന്തോഷമുണ്ട്​. അടുത്തടുത്ത ഒളിമ്പിക്​സുകളിൽ മെഡൽ സ്വന്തമാക്കുന്ന ആദ്യ ഇന്ത്യൻ വനിതയായി എന്‍റെ മകൾ മാറിയതിൽ അതിയായ ആഹ്ലാദവാനാണ്​ ഞാൻ' -രമണ പറഞ്ഞു.

ശനിയാഴ്​ച തായ്​വാന്‍റെ തായ്​ സു യിങിനോട്​ സെമിഫൈനലിൽ തോറ്റതിന്​ പിന്നാലെ സിന്ധു സങ്കടത്തിലായിരുന്നു. ശനിയാഴ്ച സിന്ധുവുമായി ഫോണിൽ ബന്ധപ്പെട്ട രമണ തനിക്കായി വെങ്കല മെഡൽ നേടിയെടുക്കണമെന്ന്​ മകളോട്​ ആവശ്യപ്പെടുകയായിരുന്നു. ചൈനക്കാരിയായ എതിരാളിയുടെ വിഡിയോകൾ കാണിച്ച്​ മത്സരത്തിന്​ നന്നായി ഒരുങ്ങാനും രമണ സഹായിച്ചു.

'ഇന്നലെ ഞാൻ അവളുമായി സംസാരിച്ചിരുന്നു...വിജയിച്ച്​ വരാൻ പറഞ്ഞു... എനിക്ക്​ വേണ്ടി ജയിക്കണമെന്ന്​ പറഞ്ഞു. കഴിഞ്ഞ ദിവസം മകൾ നല്ല സങ്കടത്തിലായിരുന്നു. തുടർച്ചയായി മത്സരങ്ങൾ കളിക്കുന്നതിനാൽ ​ഹി ബിങ്​ ജിന്‍റാവോക്ക്​ അധിക സമയം പിടിച്ചു നിൽക്കാനാകില്ലെന്ന്​ പറഞ്ഞു. എതിരാളിയെ കുറിച്ച്​ പഠിക്കാനായി വിഡിയോകൾ അയച്ച്​ ​െകാടുത്തു. എല്ലാത്തിലും ഉപരി അവൾ നല്ല അക്രമണോത്സുകതയോടെയാണ്​ കളിച്ചത്​' -രമണ പറഞ്ഞു.

ആഗസ്റ്റ്​ മൂന്നിനാണ്​ സിന്ധു ഡൽഹിയിൽ തിരികെ വിമാനമിറങ്ങുന്നത്​. സിന്ധു അടുത്ത ഒളിമ്പിക്​സിലും മാറ്റുരക്കുമെന്ന്​ രമണ ആത്മവിശ്വാസം പ്രകടിപ്പിച്ചു.