ഒളിമ്പിക്സ്​​ ട്രാക്കിൽ ജാബിർ; നിരാശയിലും 'മനംനിറഞ്ഞ്​' കുടുംബം

മലപ്പുറം: ഒളിമ്പിക്​സിൽ രാജ്യത്തിനായി 400 മീറ്റർ ഹർഡിൽസിൽ മത്സരിച്ച ​എം.പി. ജാബിറി​െൻറ കുടുംബത്തിന്​ വെള്ളിയാഴ്​ച നിരാശക്കപ്പുറം സന്തോഷത്തി​െൻറ കൂടി ദിനമായിരുന്നു. മത്സരം വീക്ഷിക്കുന്നതിനായി ജാബിറ​ി​െൻറ കുടുംബവും അടുപ്പമുള്ളവരുമെല്ലാം നേരത്തേ തന്നെ ആനക്കയം മുടിക്കോടിലെ വീട്ടിലെത്തി.

50.77 സെക്കൻഡിൽ​ ജാബിർ ഹീറ്റ്​സിൽ അവസാന സ്ഥാനത്ത്​ ഫിനിഷ്​ ചെയ്​തപ്പോൾ ഉമ്മക്കും സഹോദരിക്കും 'ഹൃദയംപൊട്ടി'. മുൻ മത്സരങ്ങളിൽ ജാബിർ കാഴ്ചവെച്ച മികച്ച പ്രകടനം ഒളിമ്പിക്​സിൽ തുടരാനാവാത്തതാണ്​ കുടുംബത്തെ സങ്കടത്തിലാക്കിയത്​. അതേസമയം, നിരാശയുണ്ടെങ്കിലും പിതാവ്​ ഹംസക്കും മാതാവ്​ ഷെറീനക്കും സഹോദരങ്ങൾക്കും ഇതൊരു അഭിമാന നിമിഷം തന്നെയായിരുന്നു. ലോകവേദിയിൽ വിദേശ താരങ്ങൾക്കൊപ്പം രാജ്യത്തി​െൻറ അഭിമാനമായ ജാബിറി​െൻറ കാൽവെപ്പുകൾ കുടുംബത്തോടൊപ്പം നാട്ടുകാരെയും ആവേശത്തിലാക്കി. പി.ടി. ഉഷക്കു​ശേഷം 400 മീറ്റർ ഹർഡിൽസിൽ മത്സരിക്കുന്ന ആദ്യ മലയാളിയെന്ന പ്ര​േത്യകതയും ജാബിറി​െൻറ ഒളിമ്പിക്സ്​​ മത്സരത്തിന്​ മാറ്റുകൂട്ടി.

മത്സരം കഴിഞ്ഞശേഷം ജാബിർ വീട്ടിലേക്ക്​ വിളിച്ചിരുന്നു. കാലിന്​ പരിക്കേറ്റിട്ടുണ്ടെന്നും പ്രതീക്ഷിച്ച പോലെ മത്സരിക്കാനായില്ലെന്നും കുടുംബത്തോട്​ പറഞ്ഞു. മക​ന്​ ഒളിമ്പിക്സ്​​ ട്രാക്കിൽ ഇന്ത്യക്കുവേണ്ടി മത്സരിക്കാനായതിൽ അഭിമാനവും സന്തോഷവുമുണ്ടെന്ന്​ പിതാവ്​ ഹംസയും മാതാവ്​ ഷെറീനയും 'മാധ്യമ'ത്തോട്​ പറഞ്ഞു. കാലിനേറ്റ പരിക്കും കോവിഡ്​ പ്രതിസന്ധിയിൽ പരി​ശീലനം കുറഞ്ഞതും പ്രകടനത്തെ ബാധിച്ചെന്നും രാജ്യമൊന്നടങ്കം നൽകിയ പിന്തുണ വലുതായിരുന്നുവെന്നും മാതാപിതാക്കൾ പറഞ്ഞു.

പട്യാലയിൽ നടന്ന അന്തർസംസ്ഥാന അത്​ലറ്റിക്സ് ചാമ്പ്യൻഷിപ്പിപ്പിൽ 400 മീറ്റർ ഹർഡിൽസിൽ 49.78 സെക്കൻഡിൽ ഫിനിഷ് ചെയ്താണ്​ നാവിക ഉദ്യോ​ഗസ്ഥനായ ജാബിർ ​ഒളിമ്പിക്സ്​​ യോ​ഗ്യത നേടിയത്. ലോക റാങ്കിങ്ങിൽ 32ാം സ്ഥാനക്കാരനാണ്​​.