Begin typing your search above and press return to search.
exit_to_app
exit_to_app
Homechevron_rightSportschevron_rightTokyo Olympicschevron_rightപൊരുതി വീണ് ഇന്ത്യ;...

പൊരുതി വീണ് ഇന്ത്യ; വെങ്കല മെഡൽ പോരാട്ടത്തിൽ ബ്രിട്ടനോട്​ തോൽവി

text_fields
bookmark_border
പൊരുതി വീണ് ഇന്ത്യ; വെങ്കല മെഡൽ പോരാട്ടത്തിൽ ബ്രിട്ടനോട്​ തോൽവി
cancel

ടോക്യോ: ഗ്രൂപ്പ്​ ഘട്ടത്തിൽ തകർത്തു വിട്ടതിന്‍റെ ആത്​മവിശ്വാസവുമായി എത്തിയ ഗ്രേറ്റ്​ ബ്രിട്ടനെ വിറപ്പിച്ചുവിട്ട്​ ഇന്ത്യൻ വനിതകൾ. ഒളിമ്പിക്​സ്​ ഹോക്കിയിലെ വെങ്കല മെഡൽ മത്സരത്തിൽ 4-3 എന്ന സ്​കോറിന്​ ഇന്ത്യ അടിയറവ്​ പറഞ്ഞത്​. പേരും പെരുമയുമായെത്തിയ ബ്രിട്ടനെ തെല്ലും കൂസാതെയാണ്​ മത്സരത്തിലുടനീളം ഇന്ത്യൻ ടീം കളിച്ചത്​. കളിയിൽ രണ്ട്​ ഗോളിന്​ ബ്രിട്ടൻ മുന്നിലെത്തിയെങ്കിലും മൂന്ന്​ ഗോൾ തിരിച്ചടിച്ച്​ ലീഡെടുത്തതിന്​ ശേഷമാണ്​ ഇന്ത്യ പരാജയം സമ്മതിച്ചത്​​.

രണ്ടാം ക്വാർട്ടറിന്‍റെ തുടക്കത്തിൽ തന്നെ ഗോൾ നേടി ബ്രിട്ടൻ മുന്നിലെത്തി. സിയാൻ റായ്​റെയാണ്​ ബ്രിട്ടനായി ഗോൾ നേടിയത്​. 16ാം മിനിറ്റിലായിരുന്നു ഗോൾ. ​ രണ്ടാം ക്വാർട്ടറിൽ തന്നെ രണ്ടാമത്തെ ഗോളും സ്​കോർ ചെയ്​ത് ബ്രിട്ടൻ​ ലീഡുയർത്തിയതോടെ ഇന്ത്യൻ വനിതകൾ സമ്മർദത്തിലായി. 24ാം മിനിറ്റിൽ സായ്​ റോബ്​ട്​സിലൂടെയായിരുന്നു ബ്രിട്ടന്‍റെ രണ്ടാം ഗോൾ. സമ്മർദത്തിന്​ വഴങ്ങാതെ ഗുർജിത്​ കൗറിലൂടെ ഇന്ത്യ ഒരു ഗോൾ തിരിച്ചടിച്ചു. പെനാൽറ്റി കോർണറിലൂടെയായിരുന്നു ഗുർജീത്​ കൗറിന്‍റെ ഗോൾ. രണ്ടാം ക്വാർട്ടറിൽ തന്നെ ഇന്ത്യ ബ്രിട്ടനുമായി സമനില പിടിച്ചു. ഗുർജിത്​ കൗർ തന്നെയായിരുന്നു രണ്ടാം ഗോളും നേടിയത്​. പിന്നീട്​ വന്ദന കടാരിയയിലൂടെ മൂന്നാം ഗോളും നേടി ബ്രിട്ടനെതിരെ ഇന്ത്യ ലീഡടെുത്തു. എന്നാൽ, നാലാം ക്വാർട്ടറിന്‍റെ തുടക്കത്തിൽ തന്നെ ഗോൾ നേടി ബ്രിട്ടൻ നിർണായകമായ ലീഡും മത്സരവും തിരിച്ചു പിടിച്ചു. പിയേന വെബാണ്​ ബ്രിട്ടനായി നിർണായക ഗോൾ സ്വന്തമാക്കിയത്​.

മുൻ ചാമ്പ്യൻമാരായ ബ്രിട്ടൻ അനായാസമായി ഇന്ത്യയെ കീഴടക്കാമെന്ന്​ മനസിലുറപ്പിച്ച്​ തന്നെയാണ്​ വെങ്കൽ മെഡൽ പോരാട്ടത്തിനായി എത്തിയത്​. എന്നാൽ, 130 കോടി ജനങ്ങളുടെ പ്രതീക്ഷയുമായി കളത്തിലിറങ്ങിയ ഇന്ത്യക്ക്​ അത്ര പെ​ട്ടെന്ന്​ ബ്രിട്ടന്​ മുന്നിൽ അടിയറവ്​ പറയാൻ സാധിക്കുമായിരുന്നില്ല. ആസ്​ട്രേലിയ അടക്കമുള്ള വമ്പൻമാരെ മുട്ടുകുത്തിച്ചെത്തിയ ഇന്ത്യ ആ പെരുമക്കൊത്ത പ്രകടനം ബ്രിട്ടനെതിരെയും പുറത്തെടുത്തു. അവസാന മത്സരഫലത്തിൽ ഇന്ത്യ പിന്നിലായെങ്കിലും വനിത ഹോക്കിയിലെ പുതുയുഗപ്പിറവിക്ക്​ തുടക്കമിട്ടാണ്​ അവർ ടോക്യോയിൽ നിന്നും മടങ്ങുന്നത്​.

Show Full Article
TAGS:Olympics 2021 
News Summary - indian Hockey match
Next Story