Begin typing your search above and press return to search.
exit_to_app
exit_to_app
ഫിനിഷിങ്​ ലൈനിൽ ​െമഡലായി വിരിഞ്ഞ്​ അപൂർവ സൗഹൃദം; മാരത്തണിനിടെ വേഗം കുറച്ചും കൂട്ടിയും വെള്ളിയും വെങ്കലവും പിടിച്ച്​ അബ്​ദി കൂട്ടുകെട്ട്​
cancel
Homechevron_rightSportschevron_rightTokyo Olympicschevron_rightഫിനിഷിങ്​ ലൈനിൽ...

ഫിനിഷിങ്​ ലൈനിൽ ​െമഡലായി വിരിഞ്ഞ്​ അപൂർവ സൗഹൃദം; മാരത്തണിനിടെ വേഗം കുറച്ചും കൂട്ടിയും വെള്ളിയും വെങ്കലവും പിടിച്ച്​ അബ്​ദി കൂട്ടുകെട്ട്​

text_fields
bookmark_border


ടോക്യോ: കെനിയൻ ഇതിഹാസം ഇലിയഡ്​ കിപ്​ചോഗെയിലേക്കു മാത്രമായിരുന്നു ഒളിമ്പിക്​ മാരത്തൺ മത്സരം നടന്ന സപ്പോറോയിൽ ലോകം കൺപാർത്തുനിന്നത്​. 40 കിലോമീറ്ററിലേറെയുള്ള മാരത്തൺ ഓട്ടത്തിൽ മൂന്നിൽ രണ്ടു ദൂരം പിന്നിടു​േമ്പാഴേക്ക്​ എതിരാളികളിലേറെയും ബഹുദൂരം പിന്നിൽ. അവസാന അഞ്ചു കിലോമീറ്ററിലാക​ട്ടെ, സ്വർണ നേട്ടത്തിലേക്ക്​ കെനിയൻ ഇതിഹാസം ഒറ്റക്കും.

അവശേഷിച്ച വെള്ളിയും വെങ്കലവും തേടിയായിരുന്നു​ മറ്റുള്ളവരുടെ ഓട്ടം. അപ്പോഴാണ്​ രണ്ടു താരങ്ങളുടെ അപൂർവ സൗഹൃദം ചുറ്റും നിന്നവരുടെ കണ്ണുനിറച്ചത്​. വെള്ളിയിലേക്ക്​ അതിവേഗം കുതിച്ച അബ്​ദി നാജിയേ എന്ന ഡച്ചുകാരൻ ഇടക്ക്​ വേഗം കുറച്ച്​ പിന്നിലുള്ള താരത്തിന്​ ആവേശം പകരുന്നു. ബെൽജിയം ജഴ്​സിയണിഞ്ഞ ബശീർ അബ്​ദിയായിരുന്നു ഫിനിഷിങ്​ ലൈനിലെ ഈ അപൂർവ കൂട്ട്​. ഒരേ നാട്ടിൽ ജനിച്ച്​ ചെറുപ്പത്തിലേ രണ്ടു യൂറോപ്യൻ രാജ്യങ്ങളിലേക്ക്​ കുടിയേറിയവർ ദീർഘദൂര ഓട്ടത്തിലെ അപൂർവ സൗഹൃദത്തിനുടമകൾ.

പരസ്​പരം പ്രോൽസാഹിപ്പിച്ച്​ ഇരുവരും വേഗംകുറച്ചും കൂട്ടിയും മെഡലിലേക്ക്​ കിതച്ചോടിയപ്പോൾ പിന്നിലുണ്ടായിരുന്ന മറ്റു കെനിയൻ താരങ്ങൾക്ക്​ ഒപ്പം പിടിക്കാനായില്ല. അവസാന ഫലം വരു​േമ്പാൾ അബ്​ദി നാജിയേക്ക്​ വെള്ളിയും ബശീർ അബ്​ദിക്ക്​ വെങ്കലവും.

''അവസാന 800 മീറ്ററിൽ വേഗം കൂട്ടണമെന്നുണ്ടായിരുന്നു, അപ്പോഴാണ്​ ബശീറിനെ കുറിച്ച്​ ചിന്തിച്ചത്​. അതോടെ, അവൻ കൂടെ വര​ട്ടെ​യെന്നായി''- മത്സര ശേഷം നാജിയേ പറഞ്ഞു. ''അവനെ സഹായിക്കാനായിരുന്നു ശ്രമം. ''പേശീവലിവ്​ അവനെ അലട്ടിയിരുന്നു. എന്നിട്ടും ഞാനവനെ കാത്തുനിന്നു. അടുത്തെത്തിയതോടെ ഇനി ഓടാമെന്നായി. വേഗം കൂട്ടി മുന്നിലെത്തിയ ശേഷം പലവട്ടം അവനെ നോക്കിക്കൊണ്ടിരുന്നു. പിറകിലേക്ക്​ നോക്കക്കൊണ്ടിരിക്കുന്നത്​ അപകടകരമായിരുന്നു''- ചിരി കലർത്തി അബ്​ദിയുടെ വാക്കുകൾ. സുഹൃത്തില്ലായിരുന്നുവെങ്കിൽ അവസാന മൂന്നു കിലോമീറ്റർ പൂർത്തിയാക്കാൻ പ്രയാസപ്പെടുമായിരുന്നുവെന്ന്​ ബശീർ അബ്​ദിയും പറയുന്നു.

ഇരുവരും പരസ്​പരം പിന്തുണ നൽകി മെഡലിലേക്ക്​ ഓടിയെത്തിയപ്പോൾ പിറകിലായത്​ കെനിയൻ താരങ്ങൾ. കിപ്​ചോഗെക്കൊപ്പം മെഡൽ പ്രതീക്ഷിച്ച ചെറോണോ ഉൾപെടെ താരങ്ങളെ കടന്നായിരുന്നു ഇരുവരുടെയും​ മെഡൽ മുത്തം.

Show Full Article
TAGS:Olympics 2021 Athletics-Friendship first Nageeye waves Abdi marathon finish 
News Summary - Athletics-Friendship first as Nageeye waves Abdi over marathon finish
Next Story