Begin typing your search above and press return to search.
exit_to_app
exit_to_app
Homechevron_rightSportschevron_rightTokyo Olympicschevron_right'അരിഗാതോ' ടോക്യോ;...

'അരിഗാതോ' ടോക്യോ; ഇനി പാരീസിൽ കാണാം

text_fields
bookmark_border
tokyo olympics closing seremony
cancel

ടോക്യോ: വിശ്വകായിക മാമാങ്കമായ ഒളിമ്പിക്​സിന്​ ജപ്പാൻ തലസ്​ഥാനമായ ടോക്യോയിൽ കൊടിയിറങ്ങി. കോവിഡ്​ പ്രതിസന്ധി ഘട്ടത്തിലും ഒരുമയോടെ നിന്ന് ഗെയിംസ് പൂർത്തിയാക്കാൻ സാധിച്ചതിന്‍റെ സന്തോഷത്തിലായിരുന്നു കായിക താരങ്ങളും സംഘാടകരും.

സമാപന ചടങ്ങിൽ ഗുസ്​തി താരവും വെങ്കല മെഡൽ ജേതാവുമായ ബജ്​രംഗ്​ പൂനിയയാണ്​ ഇന്ത്യൻ പതാകയേന്തിയത്​. കണ്ണഞ്ചിപ്പിക്കുന്ന അഴകിൽ ലൈറ്റ്​ഷോയും കലാപരിപാടികളും സമാപന ചടങ്ങിന്​ ദൃശ്യചാരുതയേകി. 2024ൽ ഫ്രാൻസിന്‍റെ​ തലസ്​ഥാനമായ പാരീസിലാണ്​ അടുത്ത ഒളിമ്പിക്​സ്​. രാജ്യാന്തര ഒളിമ്പിക്​ അസോസിയേഷൻ അധ്യക്ഷൻ തോമസ്​ ബാഹ്​ ഒളിംപിക് പതാക അടുത്ത ആതിഥേയരായ പാരിസ് നഗരത്തിന്‍റെ മേയർ ആൻ ഹിഡാൽഗോക്ക്​ കൈമാറി.

'ഇത് പ്രതീക്ഷ നൽകുന്നു, ഇത് നമുക്ക് ഭാവിയിൽ വിശ്വാസം നൽകുന്നു. ടോക്യോ ഒളിമ്പിക്സിൽ​ പ്രതീക്ഷയുടെയും ഐക്യത്തിന്‍റെയും സമാധാനത്തിന്‍റെയു മത്സരങ്ങളായിരുന്നു. ഇത്​ സാധ്യമാക്കിയതിൽ ജപ്പാൻ ജനതക്ക്​ അങ്ങേയറ്റം അഭിമാനിക്കാം. എല്ലാ അത്‌ലറ്റുകളുടെയും പേരിൽ ഞങ്ങൾ നന്ദി പറയുന്നു... നന്ദി ടോക്യോ, ജപ്പാൻ'-തോമസ്​ ബാഹ്​ പറഞ്ഞു. പിന്നാലെ 32ാം ഒളിമ്പിക്​സിന്​ തിരശീല വീണതായി അദ്ദേഹം പ്രഖ്യാപിച്ചു. ശേഷം ഒളിമ്പിക്​ ദീപശിഖ അണച്ചു. പിന്നാലെ ജപ്പാനീസ്​ ഭാഷയിൽ നന്ദി എന്ന്​ അർഥം വരുന്ന 'അരിഗാതോ' എന്ന സന്ദേശം നാഷനൽ സ്​റ്റേഡിയത്തിൽ പ്രദർശിക്കപ്പെട്ടു.

സമാപന ചടങ്ങിനിടെ വിവിധ രാജ്യങ്ങളിൽ നിന്നുള്ള ആരാധകരുടെ വിഡിയോ ഒളിമ്പിക്​ സ്​റ്റേഡിയത്തിലെ സ്​ക്രീനിൽ പ്രദർശിപ്പിച്ചു. മത്സരം പൂർത്തിയാക്കുന്ന താരങ്ങൾ 48 മണിക്കൂറിനുള്ളിൽ മടങ്ങണമെന്നതിനാൽ പ്രമുഖ താരങ്ങളിൽ പലരും സമാപനചടങ്ങിൽ പ​ങ്കെടുത്തില്ല.

കോവിഡ് വ്യാപനത്തിന്‍റെ പശ്ചാത്തലത്തിൽ 'ഒരുമിച്ച്' എന്ന വാക്ക് കൂടി 'കൂടുതൽ വേഗത്തിൽ, ഉയരത്തിൽ, കരുത്തോടെ' എന്ന ഒളിംപിക്സ് ആപ്തവാക്യത്തിലേക്ക് എഴുതിചേർത്താണ് ടോക്യോ ഒളിംപിക്സിന് തിരശീല വീണത്.

​റിയോയിലും ലണ്ടനിലും നിലനിർത്തിയ ഒളിമ്പിക്​ ചാമ്പ്യൻ കിരീടം ടോക്യോയിലും അമേരിക്ക തുടർന്നു. സ്വർണത്തിളക്കത്തിൽ ഒരു പണത്തൂക്കം മുന്നിൽനിന്ന്​ ഒന്നാം സ്​ഥാനവുമായി മടങ്ങാനൊരുങ്ങിയ ചൈനയെ അവസാന ദിവസം നേടിയ മെഡലുകളിൽ മറികടന്നാണ്​ യു.എസ്​ ഇത്തവണയും ഒന്നാമ​െതത്തിയത്​. അവസാന ദിവസമായ ഞായറാഴ്ച വനിതകളുടെ ബാസ്​കറ്റ്​ബാളിലും വോളിബാളിലുമുൾപെടെ യു.എസ്​ മൂന്ന്​ സ്വർണം നേടിയപ്പോൾ ചൈന പിന്നാക്കം പോയതാണ്​​ അമേരിക്കയെ ഒന്നാമതെത്തിച്ചത്​.

യു.എസിന്​ 39ഉം ചൈനക്ക്​ 38ഉമാണ്​ സ്വർണ നേട്ടം. 41 ​വെള്ളിയും 33 വെങ്കലവുമായി 112 യു.എസ്​ മെഡലുകൾ സ്വന്തമാക്കിയപ്പോൾ ചൈനയുടെ നേട്ടം 32 വെള്ളിയും 18 വെങ്കലവുമുൾപെടെ 88 ആണ്​. റഷ്യൻ ഒളിമ്പിക്​ കമ്മിറ്റിയാണ്​ മൊത്തം എണ്ണത്തിൽ മൂന്നാമത്​- 70 മെഡലുകൾ.

ഇന്ത്യക്കും ചരിത്രം പിറന്ന ഒളിമ്പിക്​ മാമാങ്കമാണ്​ ടോകിയോ. ഒരു സ്വർണവും രണ്ടു വെള്ളിയും നാലു വെങ്കലവുമായി ഏഴു മെഡലുകൾ ഇതുവരെ ഇന്ത്യ സ്വന്തമാക്കിയിട്ടുണ്ട്​.

Show Full Article
TAGS:tokyo olympics 2021 Paris Olympics 
News Summary - ARIGATO Tokyo 2021 Closing Ceremony see you in paris 2024
Next Story