Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightയു.എസ്​. ഓപൺ: കന്നി...

യു.എസ്​. ഓപൺ: കന്നി ഗ്രാൻഡ്​ ​സ്​ലാമിൽ മുത്തമിട്ട്​ ഡൊമിനിക്​ തീം

text_fields
bookmark_border
യു.എസ്​. ഓപൺ: കന്നി ഗ്രാൻഡ്​ ​സ്​ലാമിൽ മുത്തമിട്ട്​ ഡൊമിനിക്​ തീം
cancel

ന്യൂയോർക്​​: 2020 യു.എസ്​ ഒാപൺ പുരുഷ സിംഗ്​ൾസ്​ ജേതാവായ ഡൊമനിക്​ തീമിനെ തിരിച്ചുവരവുകളുടെ വലിയതമ്പുരാൻ എന്നു​ വിളിച്ചാൽ തെറ്റില്ല. അസാധ്യമെന്നുറപ്പിച്ച വീഴ്​ചയിൽനിന്നായിരുന്നു ഡൊമിനിക്​ തീമി​െൻറ തിരിച്ചുവരവും കിരീടനേട്ടവും. ജർമനിയുടെ അലക്​സാണ്ടർ സ്വരേവിനെതിരായ ഫൈനലിൽ ആദ്യ രണ്ടു സെറ്റിൽ വലിയ തോൽവികൾ, മൂന്നാം സെറ്റിൽ പിന്നിൽനിന്നശേഷം ഒരു കച്ചിത്തുരുമ്പിൽ പിടിച്ച്​ ചെറുത്തുനിൽപ്​​. തുടർന്ന്​ രണ്ടു സെറ്റ്​ ജയിച്ച്​ (2-2) കളി അഞ്ചാം സെറ്റിലേക്ക്​. അവിടെ ടൈബ്രേക്കറിലൂടെ ജയം.

യു.എസ്​ ഒാപണി​െൻറ ചരിത്രംപോലും എഴുന്നേറ്റുനിന്ന്​ കൈയടിച്ച പോരാട്ടവീര്യം. യു.എസ്​ ഒാപണിൽ 71 വർഷത്തിനിടെ ആദ്യ രണ്ടു​ സെറ്റ്​ തോറ്റശേഷം, തുടർച്ചയായി മൂന്നു​ സെറ്റും ജയിച്ച്​ കിരീടമണിയുന്ന ആദ്യ താരമെന്ന റെക്കോഡ്​ കൂടി സ്വന്തമാക്കിയാണ്​ ഒാസ്​ട്രിയക്കാരനായ തീം ആർതർ ആഷെ സ്​റ്റേഡിയം വിട്ടത്​. സ്​കോർ: 2-6, 4-6, 6-4, 6-3, 7-6 (8-6). അഞ്ചു സെറ്റി​െൻറ മാരത്തൺ അങ്കം നാലു​ മണിക്കൂർ നീണ്ടുനിന്നു.

''ശരീരത്തേക്കാൾ കരുത്തുറ്റതായിരുന്നു ഇന്ന്​ എ​െൻറ ആത്മവിശ്വാസം. അതിരറ്റ സന്തോഷം'' -അവിസ്​മരണീയ ജയത്തെ ഒറ്റവാക്കിൽ തീം വിശേഷിപ്പിച്ചത്​ ഇങ്ങനെ. മാറിമറിഞ്ഞ അവസാന സെറ്റിലെ ​ടൈബ്രേക്കറിൽ മൂന്നാം ചാമ്പ്യൻഷിപ്​​ പോയൻറാണ്​ വിധി നിർണയിച്ചത്​. സ്വരേവി​െൻറ ബാക്​ഹാൻഡ്​ ഷോട്ട്​ പുറത്തേക്കുപറ​ന്നതോടെ ​​തീം ബേസ്​ലൈനിനു​ പുറത്ത്​ മറിഞ്ഞുവീണു ഇരുകൈകളുംകൊണ്ട്​ മുഖംപൊത്തി​ കിരീടാഘോഷത്തിന്​ തുടക്കംകുറിച്ചു. മണിക്കൂറുകൾ മാറിമറിഞ്ഞ ഉദ്വേഗപോരാട്ടത്തിന്​ ആവേശകരമായ സമാപനം. മുമ്പ്​ മൂന്നു തവണ ഫൈനലിൽ കണ്ണീരോടെ മടങ്ങാൻ വിധിക്കപ്പെട്ട ഒാസ്​ട്രിയക്കാര​െൻറ കന്നി ഗ്രാൻഡ്​സ്ലാം. ''ഇന്ന്​ ഞങ്ങൾ രണ്ടുപേരും വിജയികളായിരുന്നെങ്കിൽ എന്ന്​ ആഗ്രഹിച്ചുപോവുന്നു. ഞങ്ങൾ ഇരുവരും ഇൗ കിരീടത്തിന്​ അർഹരാണ്​'' -തീം പറയുന്നു. കോവിഡ്​ കാലത്ത്​ അടുത്തിടപഴകിയുള്ള അഭിനന്ദനങ്ങൾക്ക്​ വിലക്കുള്ളപ്പോഴും കൈകൊടുത്തും കെട്ടിപ്പിടിച്ചും പരസ്​പരം അഭിനന്ദിച്ചാണ്​ ഉറ്റകൂട്ടുകാർ കളംവിട്ടത്​.

ആരും തോറ്റില്ല

ആദ്യ സെറ്റിൽ രണ്ടു​ സർവ്​ ​ബ്രേക്ക്​ ചെയ്​ത്​ പോയൻറ്​ പിടിച്ചാണ്​ സ്വരേവ്​ മുന്നേറിയത്​. ​ബാക്​ഹാൻഡിലും ഫോർഹാൻഡിലും മികച്ചുനിന്ന സ്വരേവ്​ കളംനിറഞ്ഞ​േപ്പാൾ തീമിന്​ ഏറെ തവണ പിഴച്ചു. രണ്ടാം സെറ്റിൽ 5-1ന്​ ഏറെ പിന്നിൽനിന്നശേഷമാണ്​ തീം നാലു​ പോയ​െൻറങ്കിലും നേടിയത്​. മൂന്നാം സെറ്റിലും സ്വരേവ്​ അ​നായാസേന പോയൻറ്​ നേടുന്നതായിരുന്നു കണ്ടത്​. മൂന്നാം ഗെയിമിൽ സ്വരേവ്​ സർവ്​ ബ്രേക്ക്​ ചെയ്​തു (2-1). എന്നാൽ, അടുത്ത ഗെയിമിൽ ബ്രേക്​ പോയൻറുമായി തീം ഒപ്പമെത്തിയതോടെ കളി പതുക്കെ മാറിത്തുടങ്ങി. അതായിരുന്നു ഒാസ്​ട്രിയൻ താരത്തി​െൻറ കിരീടത്തിലേക്കുള്ള 'ബ്രേക്​ ത്രൂ'വും. പിന്നെ ഒപ്പത്തിനൊപ്പം മുന്നേറി. പത്താം ഗെയിംമിൽ വീണ്ടും ബ്രേക്​ പോയൻറുമായി (6-4) സെറ്റും ജയിച്ചതോടെ ​കളിമാറി. നാലും അഞ്ചും സെറ്റിൽ ഇരുവരും ക്ഷീണിച്ചതോടെ പോയൻറുകൾ വേഗത്തിൽ വീണുകൊണ്ടിരുന്നു. ടൈബ്രേക്കറിൽ ഭാഗ്യത്തി​െൻറ കരുതൽ തീമിനൊപ്പമായതോടെ ഒാസ്​ട്രിയൻമണ്ണിലേക്ക്​ കന്നി ഗ്രാൻഡ്​സ്ലാം പിറന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:grand slamAlexander Zverevdominic thiemUS Open 2020
Next Story