Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightഒന്നാം നമ്പറിൽ...

ഒന്നാം നമ്പറിൽ അജയ്യനായി ദ്യോകോ

text_fields
bookmark_border
ഒന്നാം നമ്പറിൽ അജയ്യനായി ദ്യോകോ
cancel

സൂറിച്​: സീസണിൽ ഒരു ഗ്രാൻഡ്​സ്ലാം കിരീടം മാത്രമാണുള്ളതെങ്കിലും ടെന്നിസ്​ റാങ്കിങ്ങിൽ ​നൊവാക്​ ദ്യോകോവിച്​ തന്നെ നമ്പർ വൺ. ആറാം വർഷവും ഒന്നാം നമ്പറുകാരനായി സീസൺ അവസാനിപ്പിക്കാൻ ഒരുങ്ങുകയാണ്​ ദ്യോകോ. വിയന ഒാപൺ എ.ടി.പി ടൂറി​െൻറ ക്വാർട്ടർ ഫൈനലിൽ പ്രവേശിച്ചതോടെയാണ് ഒന്നാം നമ്പറിലെ​ അവസാന വെല്ലുവിളിയും കടന്നത്​. കഴിഞ്ഞ ദിവസം ക്രൊയേഷ്യയുടെ ബോർന കോറിചിനെ 7-6, 6-3 സ്​കോറിനാണ്​ ദ്യോകോവിച്​ തോൽപിച്ചത്​.

നവംബർ പകുതിയോടെയാണ്​ സീസൺ അവസാനിക്കുന്നത്​. എന്നാൽ, മികച്ച ലീഡിൽ ഒന്നാം സ്ഥാനത്തുള്ള ദ്യോകോവിചിന്​​ സാ​േങ്കതികമായി ഇൗ വർഷത്തെ റാങ്കിങ്ങിൽ വെല്ലുവിളിയില്ല. നവംബറിൽ നടക്കുന്ന സോഫിയ ഒാപണിൽനിന്നും റാഫേൽ നദാൽ പിൻവാങ്ങിയതോടെ ഇതു​ കൂടുതൽ എളുപ്പമായി. വിയനയിൽ ദ്യോകോവിച്​ കിരീടമണിഞ്ഞാൽ, സോഫിയ ഒാപണിൽ നദാൽ കളിച്ചാലും പേടിക്കേണ്ടതില്ല. 2011, 2012, 2014, 2015, 2018 വർഷങ്ങളിലാണ്​ ദ്യോകോവിച്​ നേരത്തേ ഒന്നാമനായി സീസൺ പൂർത്തിയാക്കിയത്​. നേട്ടം ആവർത്തിക്കുന്നതോടെ പീറ്റ്​ സാംപ്രാസി​െൻറ റെക്കോഡിനൊപ്പമെത്തും. 1993 മുതൽ 1998 വരെ തുടർച്ചയായി ആറു വർഷമാണ്​ സാംപ്രാസ്​ ഒന്നാമതായത്​. ഏറ്റവും കൂടുതൽ ആഴ്​ചകൾ ഒന്നാം നമ്പറിൽ എന്ന റോജർ ഫെഡററുടെ റെക്കോഡും (310) ദ്യോകോവിചിന്​ (292 ആഴ്​ച) കൈയെത്തും അകലെയാണ്​. ഇൗ നില തുടർന്നാൽ 2021 മാർച്ചോടെ ദ്യോകോ ആ റെക്കോഡും മറികടക്കും.

Show Full Article
TAGS:tennis djokovic 
Next Story