പരിക്ക്​: ഫ്രഞ്ച്​ ഒാപണിൽ നിന്നും സെറീന പിൻവാങ്ങി

പാരിസ്​: 24ാം ഗ്രാൻഡ്​സ്ലാം എന്ന മോഹം ഉപേക്ഷിച്ച്​ ഫ്രഞ്ച്​ ഒാപണിൽനിന്നു സെറീന വില്യംസ്​ പിൻവാങ്ങി. തിങ്കളാഴ്​ച രണ്ടാം റൗണ്ടിൽ പ്രവേശിച്ച സെറീന പരിക്കിനെ തുടർന്നാണ്​ പിൻവാങ്ങാൻ തീരുമാനിച്ചത്​.

അക്കിലസ്​ ഞരമ്പിലെ വേദന കാരണം ഏറെ പ്രയാസപ്പെട്ടായിരുന്നു ആദ്യ റൗണ്ട്​ മത്സരം പൂർത്തിയാക്കിയത്​. 23 ഗ്രാൻഡ്​സ്ലാം നേടിയ സെറീനക്ക്​, മാർഗരറ്റ്​ കോർട്ടി​െൻറ റെ​ക്കോഡിനൊപ്പമെത്താൻ ഒരു കിരീടത്തിനായുള്ള കാത്തിരിപ്പ്​ ഇതോടെ വീണ്ടും നീളുകയാണ്​.

2017 ആസ്​ട്രേലിയൻ ഒാപണോടെയാണ്​ 23ാം കിരീടത്തിലെത്തിയത്​. പിന്നീട്​, വിംബ്​ൾഡണിലും യു.എസ്​ ഒാപണിലുമായി നാലു​ ഫൈനൽ കളിച്ചെങ്കിലും കിരീടവിജയം അനുഗ്രഹിച്ചില്ല.