Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightയു.എസ്​ ഒാപണിൽ 102ാം...

യു.എസ്​ ഒാപണിൽ 102ാം വിജയം; റെക്കോഡുമായി സെറീന പ്രീക്വാർട്ടറിൽ​

text_fields
bookmark_border
യു.എസ്​ ഒാപണിൽ 102ാം വിജയം; റെക്കോഡുമായി സെറീന പ്രീക്വാർട്ടറിൽ​
cancel
camera_alt

പ്രീക്വാർട്ടറിൽ കടന്ന സെറീന വില്യംസ്

ന്യൂയോർക്​: ആദ്യ സെറ്റിൽ ഒന്നൊന്നായി പിഴവുകൾ. അൺഫോഴ്​സ്​ഡ്​ എററും ബ്രേക്​ പോയൻറ്​ വഴങ്ങിയും പ്രതിസന്ധിയിലായ നിമിഷങ്ങൾ. എന്നാൽ, തുടർന്നുള്ള രണ്ടു​ സെറ്റിൽ സെറീന മികവിലേക്കുയർന്നു.

ഒന്നാം സെറ്റിലെ തോൽവിക്കു പിന്നാലെ തുടർച്ചയായി രണ്ടു​ സെറ്റ്​ ​ജയിച്ച്​ സെറീന സ്​റ്റൈലിൽ തന്നെ യു.എസ്​ ഒാപൺ വനിത സിംഗ്​ൾസ്​ പ്രീക്വാർട്ടറിലേക്ക്​. കരിയറിലെ 24ാം ഗ്രാൻഡ്​സ്ലാമിലേക്ക്​ കുതിക്കുന്ന സെറീന വില്യംസ്​ അട്ടിമറിക്കാരി െസ്ലാവെയ്​ൻ ​​സ്​റ്റീഫൻസിന്​ മുന്നിലാണ്​ വിറച്ചു ജയിച്ചത്​. സ്​കോർ: 2-6, 6-2, 6-2.

ഒന്നാം സെറ്റിൽ 4-2ന്​ പിന്നിൽ നിൽക്കെ ബ്രേക്​ പോയൻറ്​ മികവിലായിരുന്നു ​െസ്ലാവെയ്​ൻ ​​ജയിച്ചത്​. എതിരാളിയുടെ ക്രോസ്​ കോർട്ട്​, ഫോർഹാൻഡ്​ ഷോട്ടുകൾക്ക്​ മുന്നിൽ സെറീനക്ക്​ താളം വീണ്ടെടുക്കാനായില്ല. എന്നാൽ, ഒന്നാം സെറ്റ്​ കൈവിട്ടശേഷം കളി മാറി.

സെറിന വില്യംസിെൻറ ജയത്തിനു പിന്നാലെ സന്തോഷം പ്രകടിപ്പിക്കുന്ന മകൾ ഒളിമ്പിയയും ഭർത്താവ് അലക്സിസ് ഒഹാനിയനും

തുടരെ എയ്​സുകൾ പറത്തി സെറീന അതിവേഗം പോയൻറുകൾ കൂട്ടി. രണ്ടു​ പോയൻറ്​ മാത്രം നൽകി അടുത്ത രണ്ടു​ സെറ്റും ആധികാരികമായി ജയിച്ച്​ അവർ പ്രീക്വാർട്ടർ ഉറപ്പാക്കി.

യു.എസ്​ ഒാപണിൽ 102ാം ജയം സ്വന്തമാക്കിയ സെറീന വില്യംസ്​ ക്രിസ്​ എവർട്ടി​െൻറ 101 ജയം എന്ന റെക്കോഡും മറികടന്നു. ടൂർണമെൻറ് ചരിത്രത്തിൽ ഏറ്റവും കൂടുതൽ വിജയം നേടിയ താരമെന്ന റെക്കോഡാണ്​ ആറുതവണ യു.എസ്​ ഒാപൺ നേടിയ സെറീന സ്വന്തമാക്കിയത്​.

വനിതകളിൽ വിക്​ടോറിയ അസര​െങ്ക, സോഫിയ കെനിൻ എന്നിവരും പ്രീക്വാർട്ടറിൽ കടന്നു. പുരുഷ വിഭാഗത്തിൽ ഡൊമനിക്​ തീം, ഡാനിൽ മെദ്​വദേവ്​ എന്നിവരും പ്രീക്വാർട്ടറിലെത്തി. ക്രൊയേഷ്യയുടെ മരിൻ സിലിചിനെ 6-2, 6-2, 3-6, 6-3 സ്​കോറിനാണ്​ ​തീം വീഴ്​ത്തിയത്​.

പുരുഷ ഡബ്​ൾസിൽ ഇന്ത്യയുടെ രോഹൻ ബൊപ്പണ്ണ-കാനഡയുടെ ഡെനിസ്​ ഷാപോവലോവ്​ സഖ്യം ആറാം സീഡ്​ ജോടിയെ തോൽപിച്ച്​ ക്വാർട്ടറിലെത്തി. കെവിൻ ക്രാവിസ്​-​ ആന്ദ്രെ മിയസ്​ ജോടിക്കെതിരെയാണ്​ ബൊപ്പണ്ണ സഖ്യത്തി​െൻറ ജയം.

Show Full Article
TAGS:US Open serena williams 
Next Story