ശരത് കമൽ അന്താരാഷ്ട്ര ടി.ടി ഫെഡ. അത്‍ലറ്റ്സ് കമീഷനിൽ

ന്യൂഡൽഹി: ഇത്തവണത്തെ ഖേൽരത്ന ജേതാവ് ഒളിമ്പ്യൻ അജന്ത ശരത് കമൽ അന്താരാഷ്ട്ര ടേബ്ൾ ടെന്നിസ് ഫെഡറേഷൻ അത്‍ലറ്റ്സ് കമീഷനിലേക്ക് തിരഞ്ഞെടുക്കപ്പെടുന്ന ആദ്യ ഇന്ത്യക്കാരനായി.

നാല് വർഷത്തേക്ക് വിവിധ വൻകരകളിൽ നിന്ന് എട്ട് താരങ്ങളെയാണ് തിരഞ്ഞെടുത്തത്. ശരത്തിന് 187 വോട്ട് ലഭിച്ചു. ഏറ്റവും കൂടുതൽ വോട്ട് കിട്ടിയവരിൽ രണ്ടാമനാണ് ഈ ചെന്നൈ സ്വദേശി.