Top
Begin typing your search above and press return to search.
exit_to_app
exit_to_app
roger federer
cancel
Homechevron_rightSportschevron_rightOther Gameschevron_rightTennischevron_rightഫ്രഞ്ച്​ ഓപണിൽനിന്ന്​...

ഫ്രഞ്ച്​ ഓപണിൽനിന്ന്​ പിന്മാറി റോജർ ഫെഡറർ

text_fields
bookmark_border

പാരീസ്​: നാലാം റൗണ്ടിലെത്തിയിട്ടും ഫ്രഞ്ച് ഓപണിൽ നിന്ന് പിന്മാറുകയാണെന്നറിയിച്ച്​ റോജർ ഫെഡറർ. ഈ മാസം അവസാനം തുടങ്ങുന്ന വിംബിൾഡൺ ടൂർണമെൻറിൽ കിരീടം ചൂടുക എന്ന ലക്ഷ്യത്തോടെയാണ്​ താരം കളിമൺ കോർട്ടിൽനിന്ന്​ പിൻമാറുന്നത്​.

'എൻെറ ടീമുമായുള്ള ചർച്ചകൾക്ക് ശേഷം റോളണ്ട് ഗാരോസിൽനിന്ന് പിന്മാറാൻ തീരുമാനിക്കുകയാണ്​. രണ്ട് കാൽമുട്ട് ശസ്ത്രക്രിയകൾക്കും ഒരു വർഷത്തിലധികമുള്ള വിശ്രമത്തിനും ശേഷമാണ്​ കളത്തിലിറങ്ങുന്നത്​. ഈ സമയത്ത്​ ഞാൻ എൻെറ ശരീരം പറയുന്നത്​ അനുസരിക്കാൻ ബാധ്യസ്​ഥനാണ്​. എന്നാൽ മാത്രമേ ആരോഗ്യം വീണ്ടെുക്കാൻ സാധിക്കൂ' -39കാരൻ പറഞ്ഞു.

'പാരീസിൽ മൂന്ന് മത്സരങ്ങൾ വിജയിക്കാനയതിൽ ഞാൻ സന്തോഷവാനാണ്​. കളത്തിൽ തിരിച്ചെത്തുന്നതിനേക്കാൾ വലിയ വികാരമൊന്നുമില്ല' -സ്വിസ്​ താരം കൂട്ടിച്ചേർത്തു.

മണിക്കൂറുകൾ നീണ്ടുനിന്ന പോരാട്ടത്തിനൊടുവിലാണ്​​ ഫെഡററർ പ്രീക്വാർട്ടറിലേക്ക്​ ജയിച്ചുകയറിത്​. 59ാം റാങ്കുകാരനായ ഡൊമിനിക്​ കീപ്​ഫെറായിരുന്നു എതിരാളി. മത്സരത്തിൽ മുൻ ഒന്നാം നമ്പറുകാരൻെറ നിഴൽ മാത്രമാണ്​ ഉണ്ടായിരുന്നത്​.

കാൽമുട്ടിന്​ രണ്ട്​ ശസ്​ത്രക്രിയകൾ കഴിഞ്ഞ്​ തിരിച്ചെത്തിയ ​റോജർ ഫെഡറർ കഴിഞ്ഞ വർഷാരംഭത്തിലെ ആസ്​ട്രേലിയൻ ഓപണിനു ശേഷം പ​ങ്കെടുക്കുന്ന മൂന്നാം ടൂർണമെന്‍റായിരുന്നു ഇത്​​. കളി തുടരുന്നുവെങ്കിൽ തിങ്കളാഴ്ച ഇറ്റലിയുടെ മാറ്റിയോ ബെററ്റിനിയാണ്​ പ്രീക്വാർട്ടറിൽ എതിരാളി.

ബദ്ധവൈരികളായ നൊവാക്​ ദ്യോകോവിച്ച്​, റാഫേൽ നദാൽ എന്നിവർ നേരത്തെ അവസാന 16ൽ ഇടമുറപ്പിച്ചിട്ടുണ്ട്​. കരിയറി​ൽ 20 ഗ്രാൻഡ്​സ്ലാം ​എന്ന അതുല്യ റെക്കോഡ്​ പങ്കിട്ട്​ നിൽക്കുകയാണ്​ ഫെഡററും നദാലും.

അതേസമയം, വിംബിൾഡണിൽ കിരീട​ം ചൂടലാണ്​ തന്‍റെ ലക്ഷ്യമെന്ന്​ ഫെഡറർ നേരത്തെ തന്നെ പ്രഖ്യാപിച്ചിരുന്നു. കളിമൺ കോർട്ടിൽ ഒരു തവണ മാത്രമാണ്​ ഫെഡററിന്​ കപ്പുയർത്താനായിട്ടുള്ളത്​.

ജൂൺ 28നാണ്​ വിംബിൾഡൺ ആരംഭിക്കുക​. ഒമ്പതാം കിരീടം തേടിയാണ്​ ഫെഡററർ വിംബിൾഡണിൽ ഇറങ്ങുക.

Show Full Article
TAGS:roger federer french open 
News Summary - Roger Federer withdraws from French Open
Next Story