Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightത​നിക്കൊപ്പമെത്തിയ...

ത​നിക്കൊപ്പമെത്തിയ നദാലിനെ​ അഭിനന്ദിച്ച്​ ഫെഡറർ; കയ്യടിക്കാം ഈ സ്​പിരിറ്റിന്​

text_fields
bookmark_border
ത​നിക്കൊപ്പമെത്തിയ നദാലിനെ​ അഭിനന്ദിച്ച്​ ഫെഡറർ;  കയ്യടിക്കാം ഈ സ്​പിരിറ്റിന്​
cancel

ജനീവ: ടെന്നീസ്​ ചരിത്രത്തിലെ വിശേഷ സുദിനമാണിന്ന്​. റോജർ ഫെഡററുടെ 20 ഗ്രാൻഡ്​ സ്ലാമുകളെന്ന റെക്കോർഡിനൊപ്പം​ റാഫേൽ നദാൽ ഓടിയെത്തിയിരിക്കുന്നു. ഇരുപത്തിയൊന്നാം നൂറ്റാണ്ടിലെ ടെന്നീസ്​ കളങ്ങളിലെ ചിരവൈരികളായ ഇരുവരും കളിയാരാധകരെ ഉന്മാദത്തോളം എത്തിച്ചവരാണ്​. നൊവാക്​ ദ്യോകോവിചിനെ കലാശപ്പോരിൽ തരിപ്പണമാക്കി 13ാം ഫ്രഞ്ച്​ ഓപ്പണും 20ാം ഗ്രാൻഡ്​സ്ലാമും നേടിയതിന്​ പിന്നാലെ നദാലിനെ അഭിനന്ദിച്ച് 'ചിരവൈരിയായ'​ ഫെഡററെത്തി.

''ഒരു വ്യക്തിയെന്ന നിലയിലും ഒരു ചാമ്പ്യൻ എന്ന നിലയിലും ഞാൻ എ​െൻറ സുഹൃത്ത്​ റാഫയെ അങ്ങേയറ്റം ബഹുമാനിക്കുന്നു. ഒരുപാട്​ വർഷങ്ങളായി എതിരാളികളായി തുടരുന്ന ഞങ്ങൾ അന്യോന്യം കൂടുതൽ ഉയരങ്ങളിലേക്ക്​ തള്ളിവിടുകയായിരുന്നു. 20 ഗ്രാൻഡ്​സ്ലാം എന്ന നേട്ടം നദാലിനെ ശരിക്കും അഭിനന്ദിക്കാനുള്ള അവസരമാക്കുന്നു. റോളണ്ട്​ ​ഗാരോയിൽ 13 കിരീടങ്ങളെന്ന നദാലി​െൻറ നേട്ടം അവിസ്​മരണീയമാണ്​. അദ്ദേഹത്തിന്​ കൂടെയുള്ളവരെയും ഞാൻ അഭിനന്ദിക്കുന്നു. കാരണം ഒരാൾക്ക്​ തനിച്ച്​ ഇതൊന്നും സാധ്യമാകുകയില്ല. 20 കിരീടങ്ങളെന്നത്​ ഞങ്ങളുടെ യാത്രയിലെ ഒരു ചുവട്​മാത്രമാണ്. നിങ്ങൾ അതർഹിക്കുന്നു റാഫാ.. '' -ഫെഡറർ ഫേസ്​ബുക്കിൽ കുറിച്ചു.



സ്വിറ്റ്​സർലൻറുകാരനായ ഫെഡററിന്​ 39ഉം സ്​പാനിഷ്​ താരം നദാലിന്​ 34 വയസ്സും പിന്നിട്ടും കഴിഞ്ഞു. 17 ഗ്രാൻഡ്​സ്ലാം കിരീടങ്ങൾ സ്വന്തമായുള്ള സെർബിയയുടെ നൊവാക്​ ദ്യോകോവിചാണ്​ ഇരുവർക്കും വെല്ലുവിളിയായി കളത്തിൽ തുടരുന്നതാരം.

ഞായറാഴ്​ച നടന്ന ഫ്രഞ്ച്​ ഓപ്പണിൽ ആധികാരികമായിട്ടായിരുന്നു നദാലി​െൻറ വിജയം. മത്സരത്തി​െൻറ ആദ്യ സെറ്റിൽ സമ്പൂർണ ആധിപത്യം നദാൽ നേടി. എന്നാൽ, രണ്ടാം സെറ്റി​െൻറ ആദ്യ ഗെയിം നേടി ദ്യേകോവിച്ച് മത്സരത്തിലേക്ക്​ തിരിച്ചുവരുമെന്ന്​ തോന്നിച്ചെങ്കിലും നദാൽ വിട്ടുകൊടുത്തില്ല. മൂന്നാമത്തെ സെറ്റിൽ​ ദ്യോകോവിച്ച്​ ഏറെനേ​രം പിടിച്ചുനിന്നെങ്കിലും അന്തിമ വിജയം നദാലിന്​ തന്നെയായിരുന്നു. രണ്ട്​ മണിക്കൂറും 41 മിനിറ്റും​ നീണ്ട പോരിനൊടുവിലാണ്​ നദാൽ 13ാം ഫ്രഞ്ച്​ കിരീടമുയർത്തിയത്​. ഫ്രഞ്ച്​ ഒാപണിലെ നദാലി​െൻറ 100ാം മത്സരവിജയം കൂടിയായിരുന്നു ഞായറാഴ്​ചത്തേത്​.

Show Full Article
TAGS:Roger Federer rafael nadal 
Next Story