Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightഫ്രഞ്ച്​ ഓപൺ ഫൈനലിനിടെ ...

ഫ്രഞ്ച്​ ഓപൺ ഫൈനലിനിടെ കുഞ്ഞ്​ ആരാധകന്‍റെ 'കോച്ചിങ്​'; മത്സരശേഷം​ റാക്കറ്റ്​ സമ്മാനിച്ച്​ ദ്യോകോവിച്​

text_fields
bookmark_border
Novak-Djokovic-racquet-gifting
cancel

പാരീസ്​: ഫ്രഞ്ച്​ ഓപൺ ഫൈനൽ മത്സരത്തിനിടെ തനിക്ക്​ 'കോച്ചിങ്' നടത്തിയ​ കുഞ്ഞ്​ ആരാധകന് റാക്കറ്റ്​ സമ്മാനിച്ച​്​ ലോക ഒന്നാം നമ്പർ ടെന്നിസ്​ താരം നൊവാക്​ ദ്യോകോവിച്. ഞായറാഴ്ച കരിയറിലെ 19ാം ​ഗ്രാൻഡ്​സ്ലാം കിരീടം സ്വന്തമാക്കിയതിന്​ പിന്നാലെയായിരുന്നു ദ്യോകോവിച്​ കുഞ്ഞ്​ ആരാധകനെ ഞെട്ടിച്ചത്​.

പ്രിയ താരത്തിന്‍റെ റാക്കറ്റ്​ സമ്മാനമായി ലഭിച്ചതോടെ ബാലൻ സന്തോഷം കൊണ്ട്​ തുള്ളിച്ചാടി. സ്റ്റിഫാനോസ്​ സിറ്റ്​സിപാസിനെതിരായ ഫൈനൽ മത്സരത്തിലുടനീളം തനിക്കായി ആർപ്പു വിളിച്ച ബാലനെ കുറിച്ച്​ ദ്യോകോവിച്​ മത്സര ശേഷമുള്ള വാർത്താ സമ്മേളനത്തിൽ സംസാരിച്ചു.

'അവന്‍റെ ശബ്​ദം മത്സരത്തിലുടനീളം എന്‍റെ ചെവിയിൽ മുഴങ്ങിക്കൊണ്ടിരുന്നു. ഞാൻ രണ്ട്​ സെറ്റിന്​ പിറകിൽ നിൽക്കു​േമ്പാൾ പ്രത്യേകിച്ച്​. അവൻ എന്നെ പ്രോത്സാഹിപ്പിക്കുകയായിരുന്നു. അവൻ എനിക്ക്​ തന്ത്രങ്ങൾ വരെ പറഞ്ഞു തരുന്നുണ്ടായിരുന്നു' -ദ്യോകോവിച്​ പറഞ്ഞു.

അഞ്ച്​ സെറ്റ്​ നീണ്ട മാരത്തൺ പോരാട്ടത്തിൽ ഗ്രീക്ക്​ താരമായ സിറ്റ്​സിപാസിനെ 6-7, 2-6, 6-3, 6-2, 6-4 എന്ന സ്​കോറിനാണ്​ ​െസർബിയൻ താരം തോൽപിച്ചത്​.

ഇതോടെ 20 ഗ്രാൻഡ്​സ്ലാം കിരീടങ്ങൾ വീതമുള്ള റോജർ ഫെഡററിന്‍റെയും റാഫേൽ നദാലിന്‍റെയും ഒപ്പമെത്താൻ ഒരു കിരീടം കൂടി മതി ദ്യോകോക്ക്​. 52 വർഷത്തിനിടെ എല്ലാ മേജർ കിരീടങ്ങളും രണ്ടുതവണ നേടുന്ന ആദ്യ താരമായി ദ്യോകോവിച്​ മാറി.

Show Full Article
TAGS:novak djokovic French Open 2021 tennis 
News Summary - Novak Djokovic gifts French Open title-winning racquet to boy coached him during final
Next Story