Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightയു.എസ്​ ഒാപൺ: നമ്പർ വൺ...

യു.എസ്​ ഒാപൺ: നമ്പർ വൺ അട്ടിമറി

text_fields
bookmark_border
യു.എസ്​ ഒാപൺ: നമ്പർ വൺ അട്ടിമറി
cancel

ന്യൂയോർക്​: സൂപ്പർതാരങ്ങളുടെ അഭാവത്തിൽ യു.എസ്​ ഒാപണിൽ ടോപ്​ സീഡായ കരോലിന പ്ലിസ്​കോവക്ക്​ രണ്ടാം റൗണ്ടിൽതന്നെ മടക്കം. വനിത സിംഗ്​ൾസിലെ ശ്രദ്ധേയ അട്ടിമറിയിൽ ഫ്രാൻസി​െൻറ കരോലിൻ ഗ്രാഷ്യയാണ്​ നേരിട്ടുള്ള സെറ്റിന്​ പ്ലിസ്​കോവയെ മടക്കിയത്​. സ്​കോർ 6-1, 7-6.

റാങ്കിങ്ങിൽ മുൻനിരയിലുള്ള ആഷ്​ലി ബാർതി, സിമോണ ഹാലെപ്​ എന്നിവരുടെ അസാന്നിധ്യത്തിൽ ആരാധകരുടെ കിരീട ഫേവറിറ്റായ ചെക്ക്​ താരത്തിന്​ ചെറുത്തുനിൽപിന​ുള്ള സമയം പോലും നൽകാതെയാണ്​ ഗ്രാഷ്യ അട്ടിമറിച്ചത്​.

പുരുഷ സിംഗ്​ൾസിൽ ആദ്യ സെറ്റിലെ അപ്രതീക്ഷിത തിരിച്ചടിക്കു പിന്നാലെ ഉയിർത്തെഴുന്നേറ്റ നൊവാക്​ ദ്യോകോവിച്​ മൂന്നാം റൗണ്ടിൽ കടന്നു. ബ്രിട്ട​െൻറ കെയ്​ൽ എഡ്​മണ്ടാണ്​ ടൈബ്രേക്കറിലേക്ക്​ നീണ്ട ഒന്നാം സെറ്റിൽ ദ്യോകോയെ ഞെട്ടിച്ചത്​.

എന്നാൽ, അടുത്ത മൂന്ന്​ സെറ്റുകളിൽ ഒന്നാം നമ്പറുകാരൻ പതിവ്​ ക്ലാസിലേക്കുയർന്നു. എഡ്​മണ്ടി​െൻറ അടവുകളെല്ലാം തച്ചുടച്ച്​ അനായാസ ജയവുമായി മൂന്നാം റൗണ്ടിൽ. സ്​കോർ 6-7, 6-3, 6-4, 6-2.

മുൻനിര​ സീഡുകളായ അലക്​സാണ്ടർ സ്വരേവ്​, സ്​റ്റെഫാനോസ്​ സിറ്റ്​സിപാസ്​, ഡേവിഡ്​ ​േഗാഫിൻ എന്നിവരും അടുത്ത റൗണ്ടിൽ കടന്നു. അമേരിക്കൻ താരം മാക്​സിം ക്രേസിക്കെതിരെ നേരിട്ടുള്ള സെറ്റിനായിരുന്നു സിറ്റ്​സിപാസി​െൻറ ജയം. സ്വരേവ്​, അമേരിക്കയുടെ ബ്രണ്ടൻ നകാഷിമയെ നാല്​ സെറ്റ്​ മത്സരത്തിലും വീഴ്​ത്തി.

വനിത സിംഗ്​ൾസിൽ, ആഞ്​ജലിക്​ കെർബർ, നവോമി ഒസാക, പെട്ര ക്വിറ്റോവ എന്നിവരും മൂന്നാം റൗണ്ടിൽ കടന്നു. കറുത്തവർക്കുവേണ്ടിയുള്ള അവകാശപ്പോരാട്ടത്തിലൂടെ യു.എസ്​ ഒാപണി​െൻറ താരമായി മാറിയ ഒസാക, ഇറ്റാലിയൻ താരം കാമില ജോർജിയെ 6-1, 6-2 സ്​കോറിനാണ്​ വീഴ്​ത്തിയത്​. പ്രീ ഒാപൺ ചാമ്പ്യൻഷിപ്പി​െൻറ ഫൈനലിൽ പരിക്കി​െൻറ ആശങ്കയിലായിരുന്ന താരം യു.എസ്​ ഒാപണിലെ രണ്ട്​ കളിയിലും ആധികാരിക ജയത്തോടെയാണ്​ മുന്നേറുന്നത്​. പുരുഷ ഡബ്​ൾസിൽ ഇന്ത്യയുടെ ദിവിഷ്​ ഷരൺ-സെർബിയയുടെ നികോള കാസിച്​ സഖ്യം ആദ്യ റൗണ്ടിൽതന്നെ പുറത്തായി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:US openCAROLINE GARCIA
Next Story