Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightTennischevron_rightകളിമൺ കോർട്ടിലെ...

കളിമൺ കോർട്ടിലെ രാജാവിന്​ അടിതെറ്റി; ചരിത്രമെഴുതി ദ്യോകോവിച്​

text_fields
bookmark_border
nadal, Djokovic
cancel

പാരീസ്​: കളിമൺ കോർട്ടിന്‍റെ രാജാവിന്​ വീണ്ടും അടിപതറി. റൊളാൻഡ്​ ഗാരോസിൽ റാഫേൽ നദാലിനെ രണ്ട്​ വട്ടം തോൽപിക്കുന്ന ആദ്യ താരമെന്ന നേട്ടം ലോക ഒന്നാം നമ്പർ താരം നൊവാക്​ ദ്യോകോവിച്​ സ്വന്തമാക്കി. 13 തവണ ജേതാവായ നദാലിനെ നാല്​ സെറ്റ്​ നീണ്ടുനിന്ന പോരാട്ടത്തിൽ മറികടന്ന്​ ദ്യോകോ ഫ്രഞ്ച്​ ഓപൺ ഫൈനലിൽ കടന്നു. സ്​കോർ: 3-6, 6-3, 7-6, 6-2.

2005ൽ അരങ്ങേറ്റം കുറിച്ച ശേഷം കളിമൺ കോർട്ടിൽ 108 മത്സരങ്ങൾ കളിച്ച നദാൽ ആകെ മൂന്ന്​ മത്സരങ്ങളിൽ മാത്രമാണ്​ തോൽവി വഴങ്ങിയത്​. 2015 ഫ്രഞ്ച്​ ഓപൺ ക്വാർട്ടറിലായിരുന്നു കളിമൺ കോർട്ടിൽ ദ്യോകോ ആദ്യം നദാലിനെ തോൽപിച്ചത്​. പാരീസിൽ അവസാനം നടന്ന നാല്​ ഗ്രാൻഡ്​സ്ലാം ഫൈനലുകളിലും നദാലായിരുന്നു ജേതാവ്​.

ഇത്​ അഞ്ചാം തവണയാണ്​ ദ്യോകോവിച്​ ഫ്രഞ്ച്​ ഓപൺ ഫൈനലിലെത്തുന്നത്​. 2016ൽ സെർബിയൻ താരം ഇവിടെ ജേതാവായിരുന്നു. ആദ്യ സെറ്റ്​ വിജയിച്ച ശേഷം ആദ്യമായാണ്​ നദാൽ റൊളാൻഡ്​ ഗാരോസിൽ ഒരു മത്സരം തോൽക്കുന്നത്​.

ഞായറാഴ​്​ച നടക്കുന്ന ഫൈനലിൽ ഗ്രീസിന്‍റെ സ്റ്റിഫാനോസ്​ സിറ്റ്​സിപാസാണ്​ ദ്യോകോയുടെ എതിരാളി. ജർമനിയുടെ അലക്​സാണ്ടർ സ്വരേവിനെ തോൽപിച്ചായിരുന്നു സിറ്റ്​സിപാസിന്‍റെ ഫൈനൽ പ്രവേശനം. ​

Show Full Article
TAGS:French Open 2021 novak djokovic rafael nadal Stefanos Tsitsipas 
News Summary - Novak Djokovic ends Rafael Nadal's reign at French Open Face Tsitsipas in Final
Next Story