Begin typing your search above and press return to search.
proflie-avatar
Login
exit_to_app
exit_to_app
അരിശംമൂത്ത്​ പുറത്തേക്ക്​ അടിച്ച പന്ത്​ അമ്പയറുടെ മുഖത്ത്​; ​ദ്യോകോവിചിനെ യു.എസ്​ ഓപണിൽ നിന്ന്​ അയോഗ്യനാക്കി
cancel
Homechevron_rightSportschevron_rightOther Gameschevron_rightTennischevron_rightഅരിശംമൂത്ത്​...

അരിശംമൂത്ത്​ പുറത്തേക്ക്​ അടിച്ച പന്ത്​ അമ്പയറുടെ മുഖത്ത്​; ​ദ്യോകോവിചിനെ യു.എസ്​ ഓപണിൽ നിന്ന്​ അയോഗ്യനാക്കി

text_fields
bookmark_border

ന്യൂയോർക്ക്​: ലോക ഒന്നാം നമ്പർ ​താരം നൊവാക്​ ദ്യോകോവിച്ചിനെ യു.എസ്​ ഓപണിൽ നിന്നും അയോഗ്യനാക്കി. മത്സരത്തിനിടയിൽ താരം പുറത്തേക്ക്​ തട്ടിയ പന്ത്​ അമ്പയറുടെ മുഖത്ത്​ കൊണ്ടതോടെയാണ്​ നടപടി സ്വീകരിച്ചത്​.


നാലാം റൗണ്ട് മത്സരത്തിൽ പാബ്ലോ കരേനോ ബുസ്​റ്റക്കെതിരായ മത്സരത്തിലാണ്​ സംഭവം. ആദ്യ സെറ്റിൽ പോയൻറ്​ നഷ്​ടമായതിനാലാണ്​ താരം കോപിതനായി പന്ത്​ ബാക്ക്​ കോർട്ടിലേക്ക്​​ തട്ടിയത്​. ഇത്​ വനിത ലൈൻ റഫറിയുടെ മുഖത്ത്​ പതിക്കുകയായിരുന്നു. ഉടൻ തന്നെ താരം റഫറിയുടെ അടുത്ത്​​ ചെന്ന്​ ക്ഷമാപണം നടത്തി. വേദന സഹിക്കവയ്യാതെ റഫറി നിലത്ത്​ ഇരിക്കുന്നതും വിഡിയോയിൽ കാണാം.


ഇതോടെ, ടൂർണമെൻറ്​ റഫറി സോറെന ​ഫ്രീമെൽ, ചെയർ അമ്പയർമാരായ ഒറീ​ലെ ട്യൂർ​ട്ടെ, ആന്ദ്രെ എഗ്​ലി എന്നിവരുമായി സംസാരിച്ച്​ താരത്തിന്​ ടൂർണമെൻറിൽ തുടരാൻ ആവില്ലെന്ന്​ അറിയിക്കുകയായിരുന്നു. മൂന്ന്​ തവണ യു.എസ്​ ഓപൺ നേടിയ ദ്യോകോവിച്ചിന്​ ഇതോടെ കോർട്ട്​ വിടേണ്ടിവന്നു. 2,50,000 യു.എസ്​ ഡോളർ പിഴയും ഒടുക്കണം.


സംഭവത്തിൽ ക്ഷമാപണം അറിയിച്ച്​ താരം ഇൻസ്​​റ്റഗ്രാമിൽ നീണ്ട കുറിപ്പെഴുതി. 19ാം ഗ്രാൻഡ്​സ്ലാം ലക്ഷ്യമി​ട്ടെത്തിയ താരത്തിന്​ വൻ തിരിച്ചടിയായി ഇത്​.

സമാനമായ സംഭവം 1995ലും ഉണ്ടായിരുന്നു. വിംബ്​ൾടൺ ടൂർണമെൻറിൽ ടിം ​ഹെൻമാനായിരുന്നു ഇതേ കുറ്റത്തിന്​ പുറത്താക്കപ്പെട്ടത്​.

ക്ഷോഭം അതിര്​ വിടരുത്​..

ഗ്രാൻഡ്​സ്ലാം റൂൾ ബുക്ക്​ പ്രകാരം ഏതെങ്കിലും കളിക്കാര​​െൻറ മത്സരത്തിനിടയിലെ വഴിവിട്ട പെരുമാറ്റംമൂലം മാച്ച്​ ഒഫിഷ്യൽ, എതിർ കളിക്കാരൻ, കാണികൾ എന്നിവർക്ക്​ പരിക്കേൽക്കുകയോ മുറിവേൽക്കുകയോ ചെയ്​താൽ ഉത്തരവാദിയായ താരം അ​േയാഗ്യനാക്കപ്പെടും. മനഃപൂർവമോ, അല്ലാതെയോ ആണെങ്കിലും കളിക്കാരൻതന്നെയാണ്​ ഉത്തരവാദി.

1995 വിംബ്​ൾഡണിൽ സമാനമായൊരു സംഭവത്തിൽ അയോഗ്യനാക്കപ്പെട്ട ടിം ഹെൻമാൻ ദ്യോകോവിചിനെതിരായ നടപടിയെ ശരിവെക്കുന്നു. യു.എസ്​ ഒാപണിലൂടെ ദ്യോകോ നേടിയ റാങ്കിങ്​ പോയൻറ്​ നഷ്​ടമാവും. പ്രീക്വാർട്ടറിൽ പ്രവേശിച്ചതിനുള്ള സമ്മാനത്തുകയായി 25,000 ഡോളർ പിഴയായും ഇൗടാക്കും. ​േദ്യാകോയുടെ പുറത്താവലോടെ ഇൗ സീസൺ യു.എസ്​ ഒാപണിൽ ഒരു പുതിയ ​ജേതാവിനായി കാത്തിരിക്കാം.

1995 ടിം ഹെൻമാൻ

ഒാപൺ ​യുഗത്തിൽ സമാനമായൊരു സംഭവത്തിൽ അയോഗ്യനാക്കപ്പെട്ട ആദ്യതാരമാണ്​ ടിം ഹെൻമാൻ. 1995 വിംബ്​ൾഡൺ ഡബ്​ൾസ്​ മത്സരത്തിനിടെ ബാൾ ഗേളി​െൻറ തലക്ക്​ പന്തടിച്ചതിനായിരുന്നു അയോഗ്യനാക്കിയത്​. പിന്നീട്​ ജെഫ്​ ടറാ​േങ്കാ (1995 വിംബ്​ൾഡൺ), ഡേവിഡ്​ നൽബന്ദിയാൻ (2012, ക്വീൻസ്​ ക്ലബ്​) എന്നിവരും അയോഗ്യരാക്കപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Novak DjokovicUS open
Next Story