ഫ്രഞ്ച് ഓപൺ: ദ്യോക്കോവിച് രണ്ടാം റൗണ്ടിൽ

പാരീസ്: അരങ്ങേറ്റക്കാരൻ അലക്‌സാണ്ടർ കൊവസെവിച്ചിനെ നേരിട്ടുള്ള സെറ്റുകൾ പരാജയപ്പടുത്തി ഫ്രഞ്ച് ഓപണിൽ നൊവാക് ദ്യോക്കോവിച് രണ്ടാം റൗണ്ടിൽ കടന്നു. റോളണ്ട് ഗാരോസിൽ രണ്ട് തവണ ചാമ്പ്യനായ സെർബിയൻ താരം 6-3, 6-2, 7-6 (7-1) എന്നനിലയിലാണ് കൊവസെവിച്ചിനെ പരാജയപ്പെടുത്തിയത്.

23-ാമത് ഗ്രാൻഡ് സ്ലാം സിംഗിൾസ് കിരീടം ലക്ഷ്യമിട്ടാണ് ദ്യോക്കോവിച് ഫ്രഞ്ച് ഓപണിനെത്തിയത്. കളിമൺ കോർട്ട് കീഴടക്കാനായാൽ ഏറ്റവും കൂടുതൽ ഗ്രാൻഡ്സ്ലാം നേടുന്ന പുരുഷ താരമായി മാറും. നിലവിൽ 22 ഗ്രാൻഡ്സ്ലാമുമായി റാഫേൽ നദാലും നൊവാക് ദ്യോക്കോവിച്ചും ഒപ്പത്തിനൊപ്പമാണ്.