ഫ്ര​ഞ്ച് ഓ​പ​ൺ: ഇ​ഗ ഫൈനലിൽ, സ്വ​രേ​വ് സെമിയിൽ

പാ​രി​സ്: ഫ്ര​ഞ്ച് ഓ​പ​ണി​ൽ തു​ട​ർ​ച്ച​യാ​യ നാ​ലാം വ​ർ​ഷ​വും സെ​മിയിലെത്തി ജ​ർ​മ​നി​യു​ടെ അ​ല​ക്സാ​ണ്ട​ർ സ്വ​രേ​വ്. ആ​സ്ട്രേ​ലി​യ​ൻ താ​രം അ​ല​ക്സ് ഡി ​മി​നോ​റി​നെ നേ​രി​ട്ടു​ള്ള സെ​റ്റു​ക​ളി​ൽ വീ​ഴ്ത്തി​യാ​ണ് നാ​ലാം സീ​ഡാ​യ 27കാ​ര​ൻ റൊ​ളാ​ങ് ഗാ​രോ​യി​ൽ ച​രി​ത്രം കു​റി​ച്ച​ത്.

ക​ഴി​ഞ്ഞ മൂ​ന്ന് ത​വ​ണ​യും അ​വ​സാ​നം പ​രാ​ജ​യ​പ്പെ​ട്ടെ​ങ്കി​ലും ഇ​ത്ത​വ​ണ ക​പ്പു​മാ​യി മ​ട​ങ്ങു​ക​യെ​ന്ന സു​വ​ർ​ണ മു​ഹു​ർ​ത്ത​ത്തി​ന​രി​കെ​യാ​ണ് താ​രം. സെ​മി​യി​ൽ നോ​ർ​വേ​യു​ടെ ഏ​ഴാം സീ​ഡ് കാ​സ്പ​ർ റൂ​ഡാ​ണ് സ്വ​രേ​വി​ന് എ​തി​രാ​ളി. നൊ​വാ​ക് ദ്യോ​കോ​വി​ച്ച് പ​രി​ക്കു​മാ​യി പി​ൻ​വാ​ങ്ങി​യ​തി​നെ തു​ട​ർ​ന്ന് ക്വാ​ർ​ട്ട​റി​ൽ വാ​ക്കോ​വ​ർ ല​ഭി​ച്ചാ​ണ് റൂ​ഡ് അ​വ​സാ​ന നാ​ലി​ലെ പോ​രാ​ട്ട​ത്തി​നെ​ത്തു​ന്ന​ത്. കാ​ൽ​മു​ട്ടി​ന് പ​രി​ക്കേ​റ്റ ദ്യോ​കോ​വി​ച്ചി​ന് അ​ടി​യ​ന്ത​ര ശ​സ്ത്ര​ക്രി​യ ന​ട​ത്തി​യി​രു​ന്നു. ര​ണ്ടാം സെ​മി​യി​ൽ ര​ണ്ടാം സീ​ഡാ​യ ഇ​റ്റാ​ലി​യ​ൻ താ​രം ജാ​നി​ക് സി​ന്ന​ർ സ്പാ​നി​ഷ് അ​തി​കാ​യ​നാ​യ കാ​ർ​ലോ​സ് അ​ൽ​കാ​ര​സു​മാ​യി ഏ​റ്റു​മു​ട്ടും.

വ​നി​ത​ക​ളി​ൽ ലോ​ക ഒ​ന്നാം ന​മ്പ​ർ താ​രം ഇ​ഗ സ്വി​യാ​റ്റ​ക് തു​ട​ർ​ച്ച​യാ​യ മൂ​ന്നാം വ​ർ​ഷ​വും ഫ്ര​ഞ്ച് ഓ​പ​ൺ ഫൈ​ന​ലി​ലെ​ത്തി. അ​മേ​രി​ക്ക​യു​ടെ കൊ​ക്കോ ഗോ​ഫി​നെ 6-2 6-4 ന് ​നേ​രി​ട്ടു​ള്ള സെ​റ്റു​ക​ളി​ൽ വീ​ഴ്ത്തി​യാ​ണ് താ​രം കി​രീ​ട​ത്തു​ട​ർ​ച്ച​യി​ലേ​ക്ക് ഒ​രു ചു​വ​ട് അ​രി​കെ​യെ​ത്തി​യ​ത്.

അ​തി​നി​ടെ, ഡ​ബ്ൾ​സി​ൽ ഇ​ന്ത്യ​ൻ പ്ര​തീ​ക്ഷ​യാ​യി​രു​ന്ന രോ​ഹ​ൻ ബൊ​പ്പ​ണ്ണ- മാ​ത്യു എ​ബ്ഡ​ൻ സ​ഖ്യം സെ​മി​യി​ൽ തോ​റ്റ് പു​റ​ത്താ​യി. ബോ​ള​ല്ലി- വാ​വ​സോ​റി കൂ​ട്ടു​കെ​ട്ടാ​ണ് ഒ​ന്നി​നെ​തി​രെ ര​ണ്ട് സെ​റ്റു​ക​ൾ​ക്ക് ജ​യം പി​ടി​ച്ച​ത്.