ഫ്രഞ്ച് ഓപൺ; ചാമ്പ്യൻ ഇഗ ക്വാർട്ടറിൽ

പാ​രി​സ്: നി​ല​വി​ലെ ചാ​മ്പ്യ​ൻ ഇ​ഗ സ്വി​യാ​റ്റെ​ക് ഫ്ര​ഞ്ച് ഓ​പ​ൺ ടെന്നിസ് ക്വാ​ർ​ട്ട​റി​ൽ. ക​ടു​ത്ത പോ​രാ​ട്ട​ത്തി​ൽ എ​ലി​ന റി​ബാ​കി​ന​യെ വീ​ഴ്ത്തി​യാ​ണ് താ​രം കി​രീ​ട​ത്തി​ലേ​ക്ക് നി​ർ​ണാ​യ​ക ചു​വ​ടു​വെ​ച്ച​ത്. ആ​ദ്യ സെ​റ്റി​ൽ അ​നാ​യാ​സം കീ​ഴ​ട​ങ്ങി​യ ഇ​ഗ അ​ടു​ത്ത ര​ണ്ടു സെ​റ്റും ​പൊ​രു​തി നേ​ടി ജ​യ​മു​റ​പ്പി​ക്കു​ക​യാ​യി​രു​ന്നു.

സ്കോ​ർ 1-6 6-3 7-5. ക​ഴി​ഞ്ഞ വ​ർ​ഷ​ത്തെ ഫൈ​ന​ലി​സ്റ്റാ​യ ജാ​സ്മി​ൻ പാ​വോ​ലി​നി​യെ ക​ട​ന്ന് യു​ക്രെ​യ്ൻ താ​രം എ​ലി​ന സ്വി​റ്റോ​ളി​ന​യും ക്വാ​ർ​ട്ട​റി​ലെ​ത്തി. ക​ന​ത്ത പോ​രാ​ട്ടം ക​ണ്ട ആ​ദ്യ ര​ണ്ട് സെ​റ്റു​ക​ളി​ൽ വി​ജ​യം ഇ​രു​പ​ക്ഷ​ത്തു​മാ​യ​പ്പോ​ൾ നി​ർ​ണാ​യ​ക​മാ​യ മൂ​ന്നാം സെ​റ്റി​ൽ എ​തി​രാ​ളി​ക്ക് അ​വ​സ​ര​മേ​തും ന​ൽ​കാ​തെ സ്വി​റ്റോ​ളി​ന ക​ളി പി​ടി​ക്കു​ക​യാ​യി​രു​ന്നു. സ്കോ​ർ 4-6, 7-6 (6), 6-1. ഇ​രു​വ​രും ത​മ്മി​ലാ​ണ് ക്വാ​ർ​ട്ട​ർ പോ​രാ​ട്ടം.

അ​തേ സ​മ​യം, അ​വ​സാ​ന ഇ​ന്ത്യ​ൻ പ്ര​തീ​ക്ഷ​യും അ​വ​സാ​നി​പ്പി​ച്ച് രോ​ഹ​ൻ ബൊ​പ്പ​ണ്ണ​യും യു​കി ഭാം​ബ്രി​യും പു​രു​ഷ ഡ​ബ്ൾ​സി​ൽ പു​റ​ത്താ​യി. ബൊ​പ്പ​ണ്ണ​യും ചെ​ക്ക് താ​രം ആ​ദം പാ​വ്‍ലാ​സെ​കും ര​ണ്ടാം സീ​ഡാ​യ ഹാ​രി​ ഹെ​ലി​യോ​വാ​ര- ഹെ​ന്റി പാ​റ്റെ​ൻ കൂ​ട്ടു​കെ​ട്ടി​നെ​തി​രെ നേ​രി​ട്ടു​ള്ള സെ​റ്റു​ക​ളി​ൽ വീ​ണു. സ്കോ​ർ 2-6 6-7(5).

ഭാം​ബ്രി അ​മേ​രി​ക്ക​ൻ താ​രം റോ​ബ​ർ​ട്ട് ഗാ​ല​വേ​ക്കൊ​പ്പം ഒ​മ്പ​താം സീ​ഡാ​യ ക്രി​സ്റ്റ്യ​ൻ ഹാ​രി​സ​ൺ- ഇ​വാ​ൻ കി​ങ് എ​ന്നി​വ​ർ​ക്കെ​തി​രെ മാ​റ്റു​ര​ച്ച​പ്പോ​ഴും നേ​രി​ട്ടു​ള്ള സെ​റ്റു​ക​ളി​ലാ​യി​രു​ന്നു വീ​ഴ്ച. സ്കോ​ർ 4-6 4-6. ഇ​ന്ത്യ​ൻ താ​ര​ങ്ങ​ളാ​യ ശ്രീ​രാം ബാ​ലാ​ജി, ഋ​ത്വി​ക് ബൊ​ലി​പ്പ​ള്ളി എ​ന്നി​വ​ർ നേ​ര​ത്തെ തോ​റ്റു പു​റ​ത്താ​യി​രു​ന്നു. ജൂ​നി​യ​ർ വി​ഭാ​ഗ​ത്തി​ൽ മ​നാ​സ് ധാം​നെ​യും സ​മാ​ന​മാ​യി തോ​ൽ​വി​യേ​റ്റു​വാ​ങ്ങി. നേ​ര​ത്തെ മാ​ഡി​സ​ൺ കീ​സ്, അ​ല​ക്സാ​ണ്ട​ർ ബു​ബ്‍ലി​ക് എ​ന്നി​വ​ർ ജ​യ​ത്തോ​ടെ പ്രി​ക്വാ​ർ​ട്ട​റി​ലെ​ത്തി​യി​രു​ന്നു.