വിംബിൾഡണിൽ കുതിപ്പ്​ തുടർന്ന്​ ഫെഡറർ; നാലാം റൗണ്ടിലെത്തുന്നത്​ 18ാം തവണ

ലണ്ടൻ: ഒരു സെറ്റ്​ കൈവി​ട്ടിട്ടും അനിഷേധ്യമായ കരുത്തുമായി ​വിംബിൾഡണിൽ സ്വിസ്​ എക്​സ്​പ്രസി​െൻറ തേരോട്ടം തുടരുന്നു. രണ്ടര മണിക്കൂർ നീണ്ട മൂന്നാം റൗണ്ട്​ പോരാട്ടത്തിൽ ബ്രിട്ടീഷുകാരനായ 29ാം സീഡ്​ കാമറൂൺ നോറിയെയാണ്​ 6-4, 6-4, 5-7, 6-4ന്​ ഫെഡറർ തോൽപിച്ചത്​.

കരിയറിലെ 1,250ാം മത്സരം കളിച്ച താരം തുടക്കത്തിലേ മികവു നിലനിർത്തിയ പ്രകടനത്തിനിടെ മൂന്നാം സെറ്റിൽ വീണെങ്കിലും അടുത്ത സെറ്റ്​ പിടിച്ച്​ ജയവുമായി മടങ്ങുകയായിരുന്നു. വിംബിൾഡണിൽ നാലാം റൗണ്ടിൽ ഏറ്റവും കൂടുതൽ തവണ കളിക്കുന്ന താരമാണ്​ ഫെഡറർ- 18 തവണ. തൊട്ടുപിറകിലുള്ള ജിമ്മി കോണേഴ്​സ്​ 16 തവണയാണ്​ കളിച്ചത്​.

നാലാം റൗണ്ടിൽ ഇറ്റലിയുടെ ലോറൻസോ സൊനേഗൊയാണ്​ ഫെഡറർക്ക്​ എതിരാളി.