Top
Begin typing your search above and press return to search.
exit_to_app
exit_to_app
Roger Federer
cancel
Homechevron_rightSportschevron_rightOther Gameschevron_rightTennischevron_rightമാരത്തൺ പോരാട്ടം...

മാരത്തൺ പോരാട്ടം ജയിച്ച്​ ഫ്രഞ്ച്​ ഓപൺ പ്രീക്വാർട്ടറിൽ; ഇനി കളിക്കുമോയെന്നറിയില്ലെന്ന്​ ഫെഡറർ

text_fields
bookmark_border

പാരിസ്​: ഇടവേളക്കു ശേഷം കളിമൺ കോർട്ടിൽ ആവേശമായി എത്തിയ റോജർ ഫെഡറർ മണിക്കൂറുകൾ നീണ്ട പോരാട്ടം ജയിച്ച്​ പ്രീ ക്വാർട്ടറിൽ. 40ാം പിറന്നാളിന്​ രണ്ടു മാ​സം മാത്രം ശേഷിക്കെ നടന്ന വാശിയേറിയ പോരാട്ടത്തിലാണ്​ പഴയ പ്രതിഭയുടെ നിഴലായി പോയിട്ടും 2009ലെ ചാമ്പ്യൻ ജയിച്ചു കയറിയത്​. 59ാം റാങ്കുകാരനായ ഡൊമിനിക്​ കീപ്​ഫെറായിരുന്നു എതിരാളി. സ്​കോർ 7-6 (7/5), 6-7 (3/7), 7-6 (7/4), 7-5. കളി ജയിച്ചെങ്കിലും സംഘാടകരെ സമ്മർദത്തിലാക്കി ടൂർണമെന്‍റിൽനിന്ന്​ പിന്മാറുകയാണെന്ന സൂചന കൂടി ഫെഡ്​ എക്​സ്​പ്രസ്​ നൽകി.

കാൽമുട്ടിന്​ രണ്ട്​ ശസ്​ത്രക്രിയകൾ കഴിഞ്ഞ്​ തിരിച്ചെത്തിയ ​റോജർ ഫെഡറർ കഴിഞ്ഞ വർഷാരംഭത്തിലെ ആസ്​ട്രേലിയൻ ഓപണിനു ശേഷം പ​ങ്കെടുക്കുന്ന മൂന്നാം ടൂർണമെന്‍റാണിത്​. കളി തുടരുന്നുവെങ്കിൽ തിങ്കളാഴ്ച ഇറ്റലിയുടെ മാറ്റിയോ ബെററ്റിനിയാണ്​ പ്രീക്വാർട്ടറിൽ എതിരാളി. ബദ്ധവൈരികളായ നൊവാക്​ ദ്യോകോവിച്ച്​, റാഫേൽ നദാൽ എന്നിവർ നേരത്തെ അവസാന 16ൽ ഇടമുറപ്പിച്ചിട്ടുണ്ട്​. ഇരുവർക്കും ഇറ്റാലിയൻ യുവ താരങ്ങൾ തന്നെയാണ്​ എതിരാളികൾ.

20 ഗ്രാന്‍റ്​സ്ലാം കിരീടങ്ങളുമായി ചരിത്രം തൊട്ടുനിൽക്കുന്ന ഫെഡറർ പഴയ ഫോമിന്‍റെ നിഴൽ മാത്രമായാണ്​ ഇന്നലെയും കളിച്ചത്​. വിംബിൾഡണിൽ കിരീട​ം ചൂടലാണ്​ തന്‍റെ ലക്ഷ്യമെന്ന്​ താരം നേരത്തെ പ്രഖ്യാപിച്ചിരുന്നു.

ഫ്രഞ്ച്​ ഓപണിൽ നിലവിലെ ചാമ്പ്യൻ റാഫേൽ നദാൽ കഴിഞ്ഞ ജയത്തോടെ ഗ്രാൻറ്​ സ്ലാം ടൂർണമെന്‍റുകളി​ൽ 103 ജയം പൂർത്തിയാക്കി ഫെഡററുടെ റെക്കോഡ്​ മറികടന്നു.

Show Full Article
TAGS:Roger Federer French Open 
News Summary - "Don't Know If I'll Play": Roger Federer Ponders Withdrawal From French Open
Next Story