മലയാളികളുടെ മെഡലിന് വിലയില്ലേ സർക്കാറേ...?

തി​രു​വ​ന​ന്ത​പു​രം: ഉ​ത്ത​രാ​ഖ​ണ്ഡി​ൽ ന​ട​ന്ന 38ാം ദേ​ശീ​യ ഗെ​യിം​സി​ൽ കേ​ര​ള​ത്തി​നാ​യി മെ​ഡ​ൽ നേ​ടി​യ കാ​യി​ക​താ​ര​ങ്ങ​ളെ അ​വ​ഗ​ണി​ച്ച് സം​സ്ഥാ​ന സ​ർ​ക്കാ​ർ. ഫെ​ബ്രു​വ​രി 14ന് ​അ​വ​സാ​നി​ച്ച ഗെ​യിം​സി​ൽ മ​റ്റ് സം​സ്ഥാ​ന​ങ്ങ​ൾ ത​ങ്ങ​ളു​ടെ അ​ഭി​മാ​ന​താ​ര​ങ്ങ​ൾ​ക്ക് ജോ​ലി​യും ല​ക്ഷ​ങ്ങ​ൾ പാ​രി​തോ​ഷി​ക​വും പ്ര​ഖ്യാ​പി​ച്ചി​ട്ടും സം​സ്ഥാ​ന സ്പോ​ർ​ട്സ് കൗ​ൺ​സി​ൽ സ​മ​ർ​പ്പി​ച്ച ഫ​യ​ലി​ൽ തീ​രു​മാ​ന​മെ​ടു​ക്കാ​തെ അ​ട​യി​രി​ക്കു​ക​യാ​ണ് കാ​യി​ക​വ​കു​പ്പും മ​ന്ത്രി​സ​ഭ​യും.

13 സ്വ​ർ​ണം 17 വെ​ള്ളി​യും 24 വെ​ങ്ക​ല​വു​മു​ൾ​പ്പെ​ടെ 54 മെ​ഡ​ലു​ക​ളാ​ണ് കേ​ര​ള​ത്തി​നാ​യി ഇ​ത്ത​വ​ണ താ​ര​ങ്ങ​ൾ നേ​ടി​യ​ത്. ഗെ​യിം​സ് ക​ഴി​ഞ്ഞ​തി​ന് പി​ന്നാ​ലെ സ​മാ​പ​ന​വേ​ദി​യി​ൽ ത​ന്നെ ഉ​ത്ത​രാ​ഖ​ണ്ഡ് സ​ർ​ക്കാ​ർ ത​ങ്ങ​ളു​ടെ സ്വ​ർ​ണ മെ​ഡ​ൽ ജേ​താ​ക്ക​ൾ​ക്ക് 12 ല​ക്ഷ​വും വെ​ള്ളി​ക്ക് എ​ട്ട് ല​ക്ഷ​വും വെ​ങ്ക​ല​ത്തി​ന് അ​ഞ്ച് ല​ക്ഷ​വും പ്ര​ഖ്യാ​പി​ച്ചി​രു​ന്നു. കൂ​ടാ​തെ എ​ല്ലാ മെ​ഡ​ൽ ജേ​താ​ക്ക​ൾ​ക്കും ജോ​ലി​യും വാ​ഗ്ദാ​നം ചെ​യ്തു. ത​മി​ഴ്നാ​ട്, ഹ​രി​യാ​ന, തെ​ല​ങ്കാ​ന, പ​ഞ്ചാ​ബ്, ക​ർ​ണാ​ട​ക അ​ട​ക്ക​മു​ള്ള സം​സ്ഥാ​ന​ങ്ങ​ളും ത​ങ്ങ​ളു​ടെ അ​ഭി​മാ​ന​താ​ര​ങ്ങ​ൾ​ക്ക് ജോ​ലി​യും ല​ക്ഷ​ങ്ങ​ളും പ്ര​ഖ്യാ​പി​ച്ചു. പ​ക്ഷേ, കേ​ര​ള​ത്തി​ൽ മാ​ത്രം മെ​ഡ​ൽ നേ​ടി​യ കാ​യി​ക താ​ര​ങ്ങ​ളെ ആ​ദ​രി​ക്കാ​നോ അ​ർ​ഹ​മാ​യ പാ​രി​തോ​ഷി​കം പ്ര​ഖ്യാ​പി​ക്കാ​നോ സ​ർ​ക്കാ​ർ ത​യാ​റാ​യി​ട്ടി​ല്ല.

2023ൽ ​ഗോ​വ​യി​ൽ ന​ട​ന്ന ദേ​ശീ​യ ഗെ​യിം​സി​ല്‍ കേ​ര​ള​ത്തി​നാ​യി വ്യ​ക്തി​ഗ​ത ഇ​ന​ങ്ങ​ളി​ല്‍ സ്വ​ര്‍ണം നേ​ടി​യ​വ​ര്‍ക്ക് അ​ഞ്ച് ല​ക്ഷം രൂ​പ​യും വെ​ള്ളി നേ​ട്ട​ത്തി​ന് മൂ​ന്ന് ല​ക്ഷ​വും വെ​ങ്ക​ല​ത്തി​ന് ര​ണ്ട് ല​ക്ഷ​വു​മാ​ണ് കേ​ര​ളം പ്ര​ഖ്യാ​പി​ച്ച​ത്. ടീ​മി​ന​ങ്ങ​ളി​ല്‍ സ്വ​ര്‍ണം നേ​ടി​യ​വ​ര്‍ക്ക് ര​ണ്ട് ല​ക്ഷം വീ​ത​വും വെ​ള്ളി​ക്ക് 1.5 ല​ക്ഷ​വും വെ​ങ്ക​ല​ത്തി​ന് ഒ​രു​ല​ക്ഷ​വും വീ​തം ന​ല്‍കു​മെ​ന്ന് പ്ര​ഖ്യാ​പി​ച്ചി​രു​ന്നെ​ങ്കി​ലും ആ​റി​ന​ങ്ങ​ളി​ലെ മെ​ഡ​ല്‍ ജേ​താ​ക്ക​ള്‍ക്ക് ഇ​നി​യും പ​ണം ന​ൽ​കി​യി​ട്ടി​ല്ല. ക​ള​രി​പ്പ​യ​റ്റ്, ബീ​ച്ച് ഹാ​ന്‍ഡ്ബാ​ള്‍, വെ​യ്റ്റ് ലി​ഫ്റ്റ്, ജൂ​ഡോ, ആ​ര്‍ച്ച​റി, റോ​വി​ങ്​ അ​ട​ക്ക​മു​ള്ള ഇ​ന​ങ്ങ​ളി​ലെ മെ​ഡ​ൽ ജേ​താ​ക്ക​ൾ​ക്കാ​ണ് ഇ​നി​യും സ​ർ​ക്കാ​റി​ന്‍റെ പാ​രി​തോ​ഷി​കം ല​ഭി​ക്കാ​നു​ള്ള​ത്.

ഗോ​വ​യി​ല്‍ കേ​ര​ളം അ​ഞ്ചാം​സ്ഥാ​നം നേ​ടി​യ​ത് ക​ള​രി​പ്പ​യ​റ്റി​ലെ 19 സ്വ​ര്‍ണ മെ​ഡ​ലു​ക​ള്‍ കൊ​ണ്ടാ​യി​രു​ന്നു. ആ ​പ​രി​ഗ​ണ​ന​പോ​ലും കാ​യി​ക​വ​കു​പ്പ് ക​ള​രി​പ്പ​യ​റ്റി​ന് ന​ൽ​കി​യി​ല്ല. പ്ര​ഖ്യാ​പി​ച്ച പാ​രി​തോ​ഷി​കം ല​ഭി​ക്കാ​താ​യ​തോ​ടെ അ​സോ​സി​യേ​ഷ​നു​ക​ളും താ​ര​ങ്ങ​ളും കാ​യി​ക​വ​കു​പ്പി​ന് പ​രാ​തി ന​ല്‍കി​യി​രു​ന്നു. സ്പോ​ര്‍ട്സ് കൗ​ണ്‍സി​ല്‍ അ​ക്കൗ​ണ്ട് വി​വ​ര​ങ്ങ​ള്‍ ന​ല്‍കാ​ത്ത​തി​നാ​ല്‍ കാ​ഷ് അ​വാ​ര്‍ഡ് ന​ല്‍കാ​നാ​യി​ല്ലെ​ന്നാ​ണ് ഇ​തി​ന് കാ​യി​ക​വ​കു​പ്പ് ഡ​യ​റ​ക്ട​ര്‍ ന​ല്‍കി​യ മ​റു​പ​ടി. കാ​യി​ക വി​ക​സ​ന നി​ധി​യി​ലെ ഫ​ണ്ട് തീ​ര്‍ന്നെ​ന്നും പു​തി​യ ഫ​ണ്ട് ല​ഭി​ച്ചാ​ല്‍ കാ​ഷ് അ​വാ​ര്‍ഡ് ന​ല്‍കു​മെ​ന്നും ക​ഴി​ഞ്ഞ ഡി​സം​ബ​റി​ല്‍ ന​ല്‍കി​യ മ​റു​പ​ടി​യി​ല്‍ പ​റ​യു​ന്നു. പ​ക്ഷേ മൂ​ന്നു​മാ​സം ക​ഴി​ഞ്ഞി​ട്ടും ഒ​രു ന​ട​പ​ടി​യു​മു​ണ്ടാ​യി​ട്ടി​ല്ല. മാ​ര്‍ച്ച് 31ന് ​സാ​മ്പ​ത്തി​ക​വ​ര്‍ഷം അ​വ​സാ​നി​ക്കും​മു​മ്പ് ഫ​ണ്ട് ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് സ്പോ​ര്‍ട്സ് കൗ​ണ്‍സി​ൽ.