മെഗാ ഐ.പി.എൽ ലേലം വരുന്നു; 'ഈ മൂന്ന്​ താരങ്ങളെ മുംബൈ ടീമിൽ നിലനിർത്തണം' -സെവാഗ്​

ഇഷ്​ടതാരങ്ങളായ രോഹിത്​ ശർമയും സൂര്യകുമാർ യാദവും ഹർദിക്​ പാണ്ഡ്യയും കീറോൺ പൊള്ളാർഡും ജസ്​പ്രീത്​ ബുംറയുമൊക്കെ ഒരുമിച്ച് ഒരു ടീമിൽ​ കളിക്കുന്നത്​ കാണാൻ മുംബൈ ആരാധകർക്ക്​ ലഭിച്ച അവസാന അവസരമായിരിക്കും ഇത്തവണത്തെ ഐപിഎൽ. കാരണം, അടുത്ത സീസണിന്​ മുന്നോടിയായി നടക്കാനിരിക്കുന്ന മെഗാ ഐപിഎൽ ലേലത്തിൽ ഇവരിൽ പലരെയും മുംബൈക്ക്​ വിട്ടുകൊടുക്കേണ്ടി വന്നേക്കാം. പരമാവധി മൂന്ന്​ താരങ്ങളെ മാത്രം നിലനിർത്താനാണ്​ ഒാരോ ടീമുകൾക്കും അവസരമുള്ളത്​.

എന്നാലിപ്പോൾ മുംബൈ ഇന്ത്യൻസ്​ നിലനിർത്തേണ്ട മൂന്ന്​ താരങ്ങളെ പേരെടുത്ത്​ പറഞ്ഞിരിക്കുകയാണ്​ മുൻ ഇന്ത്യൻ താരം വീരേന്ദർ സെവാഗ്​. നായകൻ രോഹിത്​ ശർമ, യുവതാരം ഇഷാൻ കിശൻ, സൂപ്പർ പേസർ ജസ്​പ്രീത്​ ബുംറ എന്നിവരെയാണ്​ സെവാഗ്​ തിരഞ്ഞെടുത്തത്​. അതേസമയം, സ്റ്റാർ ഇന്ത്യൻ ഒാൾറൗണ്ടറായ ഹർദിക്​ പാണ്ഡ്യയെ അദ്ദേഹം ഒഴിവാക്കുകയായിരുന്നു.

"ഞാനാണെങ്കിൽ ഇഷാൻ കിഷൻ, രോഹിത് ശർമ്മ, ജസ്പ്രീത് ബുംറ എന്നിവരെയാണ്​ നിലനിർത്തുക. ഇഷാന് ഒരുപാട്​ കാലം ബാക്കിയുണ്ട്​​, അവ​െൻറ പ്രായം അതാണ്​, അതിനാൽ കൂടുതൽ കാലം നന്നായി ടീമിനെ സേവിക്കാൻ അവന്​ കഴിഞ്ഞേക്കും. എന്നാൽ, ഹാർദിക് പാണ്ഡ്യ ഇനിയും പന്തെറിയുന്നില്ലെങ്കിൽ​ ലേലത്തിൽ അവന്​ വലിയ തുക നേടാനാകുമെന്ന് കരുതുന്നില്ല, താരത്തി​െൻറ പരിക്കുകൾ സൃഷ്​ടിച്ച ആശങ്കകളാണ്​ കാരണം, അവ​െൻറ കാര്യത്തിൽ എല്ലാവരും രണ്ടുതവണ ചിന്തിക്കും. -സെവാഗ്​

സമീപകാലത്തേറ്റ പരിക്കുകൾ കാരണം 27-കാരനായ ഹാർദിക്കിന്​ ഇപ്പോഴും മുഴുവൻ സമയ ബൗളിംഗിലേക്ക് തിരിച്ചെത്താൻ കഴിഞ്ഞിട്ടില്ല. ഭാവിയിൽ അതിന്​ കഴിയു​േമാ എന്ന കാര്യത്തിലും സ്ഥിരീകരണമില്ല. ഏറ്റവും മികച്ച ഓൾ റൗണ്ടർ എന്ന നിലയിലല്ലാതെ താരത്തെ മറ്റ്​ ടീമുകൾ പോലും സമീപിക്കില്ലെന്നാണ്​ സെവാഗി​െൻറ പക്ഷം.