Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightഎബിഡിയോട്​...

എബിഡിയോട്​ ചോദിക്കുന്നു, എന്തിനാണിത്ര നേരത്തേ പടിയിറങ്ങിയത്​?

text_fields
bookmark_border
എബിഡിയോട്​ ചോദിക്കുന്നു, എന്തിനാണിത്ര നേരത്തേ പടിയിറങ്ങിയത്​?
cancel
camera_alt

മാൻ ഒാഫ്​ ദ മാച്ച ്​ പുരസ്​കാരങ്ങളുമായി എബി ഡിവില്ലിയേഴ്​സ്​

ഷാർജ: തിങ്കളാഴ്​ച രാത്രിയി​െല എബിഡി വെടിക്കെട്ട്​ കണ്ട്​ ക്രിക്കറ്റ്​ ലോകം ഏകസ്വരത്തിൽ ഒറ്റക്കാര്യമാണ്​ ചോദിച്ചത്​.ആവനാഴിയിൽ ഇത്രയേറെ ആയുധങ്ങൾ ബാക്കിയാക്കി എന്തിനാണിത്ര നേരത്തേ കളം വിട്ടത്? ബൗളർമാർ മേധാവിത്വം സ്ഥാപിച്ച ഷാർജ ക്രിക്കറ്റ്​ സ്​റ്റേഡിയത്തിലെ പിച്ചിൽ എബി ഡിവി​ല്ലിയേഴ്​സ്​ തകർത്താടിയത്​ കണ്ടപ്പോൾ എല്ലാവരും അതുതന്നെ ചോദിച്ചു.

ആർ.സി.ബി ക്യാപ്​റ്റൻ വിരാട്​ കോഹ്​ലി പറഞ്ഞതു പ്രകാരമാണെങ്കിൽ പതിവായി കണ്ട വിക്കറ്റായിരുന്നില്ല ഷാർജയിലേത്​. ''കളി പുരോഗമിക്കു​ന്തോറും ബാറ്റിങ്​ ദുഷ്​കരമാവുകയായിരുന്നു. എബിഡി ഒഴികെ എല്ലാവരും ഇൗ വിക്കറ്റിൽ റൺസ്​ കണ്ടെത്താൻ വിഷമിച്ചു'' -കോഹ്​ലിയുടെ വാക്കുകൾ.

ഇൗ പിച്ചിലാണ്​ 33 പന്തിൽ ആറു​ സിക്​സും അഞ്ചു​ ബൗണ്ടറിയുമായി മുൻ ദ​ക്ഷിണാഫ്രിക്കൻ താരം 73 റൺസ്​ അടിച്ചുകൂട്ടിയത്​. ബാംഗ്ലൂരിന്​ 82 റൺസി​െൻറ തകർപ്പൻ ജയം സമ്മാനിച്ച പ്രകടനം കണ്ട്​ ഇന്ത്യൻ കോച്ച്​ രവിശാസ്​ത്രിയും ഡിവില്ലിയേഴ്​സി​െൻറ മടങ്ങിവരവിനായി കൊതിച്ചുപോയി.

''ഡിവില്ലിയേഴ്​സി​െൻറ ​കരുത്തിൽ ഒരു കുറവും വന്നിട്ടില്ല. അത്ര മികച്ചതായിരുന്നു അദ്ദേഹത്തി​െൻറ ഇന്നിങ്​സ്​. വിരമിക്കൽ തീരുമാനം മാറ്റി രാജ്യാന്തര ക്രിക്കറ്റിലേക്ക്​ നിങ്ങളുടെ തിരിച്ചുവരവ്​ ആവശ്യമാണ്'​' -രവിശാസ്​ത്രി പറയുന്നു. ഏഴു മത്സരങ്ങളിൽ മൂന്ന്​ അർധസെഞ്ച്വറിയുമായി 228 റൺസെടുത്ത്​ ബാംഗ്ലൂർ റൺ സ്​കോറർമാരിൽ മൂന്നാം സ്ഥാനത്തുണ്ട്​് ഇൗ 36കാരൻ.

2018 മേയിലായിരുന്നു ഡിവില്ലിയേഴ്​സ്​ രാജ്യാന്തര ക്രിക്കറ്റിൽനിന്ന്​ അപ്രതീക്ഷിത വിരമിക്കൽ പ്രഖ്യാപിച്ചത്​. മിന്നും ഫോമിൽ നിൽക്കെയുള്ള വിടവാങ്ങൽ ക്രിക്കറ്റ്​ ആരാധകരെ ഞെട്ടിച്ചു. ദക്ഷിണാഫ്രിക്കയുടെ 2019 ഏകദിന ലോകകപ്പ്​ പ്ലാനിൽ ടീമി​െൻറ ന​െട്ടല്ലായി നിൽക്കെയായിരുന്നു എബിഡി കളി നിർത്താൻ തീരുമാനിച്ചത്​.


ആരാധകരുടെയും സുഹൃത്തുക്കളുടെയും നിർബന്ധമുണ്ടായിട്ടും പിന്നീടൊരു തിരിച്ചുവരവിനെ കുറിച്ച്​ താരം ആലോചിച്ചില്ല. അടുത്തിടെ ​ട്വൻറി20 ലോകകപ്പ്​ വാർത്തകൾക്കിടെ ​ ഉൗഹാപോഹങ്ങൾ വീണ്ടുമുയർന്നു. ക്രിക്കറ്റ്​ സൗത്ത്​ ആഫ്രിക്ക ഡയറക്​ടർ ഗ്രെയിം സ്​മിത്തും കോച്ച്​ മാർക്​ ബൗച്ചറും ഇത്​ ശരിവെച്ചെങ്കിലും എബിഡി ഇതുവരെ മിണ്ടിയിട്ടില്ല.

ഇതിനിടെയാണ് ​െഎ.പി.എൽ, ബിഗ്​ബാഷ്​, പാകിസ്​താൻ സൂപ്പർ ലീഗ്​, ദക്ഷിണാഫ്രിക്കൻ ലീഗ്​, കരീബിയൻ പ്രീമിയർ ലീഗ്​, ബംഗ്ലാദേശ്​ പ്രീമിയർ ലീഗ്​ തുടങ്ങി​ ട്വൻറി20 ലീഗുകളിൽ ഇടിവി​ല്ലിയേഴ്​സ്​ വെടിക്കെട്ടുകൾ തുടരുന്നത്​.

Show Full Article
TAGS:AB de Villiers IPL 2020 
Web Title - question against AB de Villiers Why retired so early
Next Story