Begin typing your search above and press return to search.
exit_to_app
exit_to_app
Homechevron_rightSportschevron_rightSports Specialchevron_rightടെന്നീസ്​ കളിക്കിടെ...

ടെന്നീസ്​ കളിക്കിടെ ഒരു 'പരസ്യ ചുംബനം'; വിഡിയോ ഏറ്റെടുത്ത്​ കായികപ്രേമികൾ

text_fields
bookmark_border
ടെന്നീസ്​ കളിക്കിടെ ഒരു പരസ്യ ചുംബനം; വിഡിയോ ഏറ്റെടുത്ത്​ കായികപ്രേമികൾ
cancel

മെൽബൺ: സിംഗിൾസ്​ മത്സരം ആയിരുന്നെങ്കിലും കളിക്കിടെ ജപ്പാൻ ടെന്നീസ്​ താരം നവോമി ഒസാകക്ക്​ കോർട്ടിൽ ഒരു 'പാർട്​ണ​റെ' കിട്ടി. ഒരു ചിത്രശലഭം. ആസ്ട്രേലിയൻ ഓപ്പൺ ടെന്നിസ് വനിതാ സിംഗിൾസ് മത്സരത്തിനിടെയായിരുന്നു സംഭവം. ഇ​രുവരും തമ്മിലുള്ള 'കെമിസ്​ട്രി' സമൂഹമാധ്യമങ്ങൾ ഏറ്റെടുത്തിരിക്കുകയാണ്​. കളിക്കിടെ തന്‍റെ കാലിൽ വന്നിരുന്ന ചിത്രശലഭത്തെ കരുതലോടെ നവോമി കോർട്ടിന്​ പുറ​ത്തെത്തിക്കുന്ന വിഡിയോ വൈറലായി​. ടെന്നീസിൽ മാത്രമല്ല, സഹാനുഭൂതിയിലും താൻ നമ്പർ വൺ ആണെന്ന്​ തെളിയിക്കുകയായിരുന്നു നവോമി.


ടുണീഷ്യൻ താരം ഓൻസ് ജബേറുമായുള്ള മത്സരത്തിന്‍റെ മൂന്നാം റൗണ്ടിലാണ് സംഭവം. സർവ് ചെയ്യുന്നതിന് തൊട്ടുമുമ്പ് നവോമിയുടെ കാലിൽ ഒരു ചിത്രശലഭം വന്നിരുന്നു. ഏറെ കരുതലോടെ ശലഭത്തെ കൈ കൊണ്ടെടുത്ത് കോർട്ടിനു പുറത്തു കൊണ്ടുപോയി പറത്തി വിടാനായി നവോമിയുടെ ശ്രമം. എന്നാൽ അത്​ വീണ്ടും പറന്നുയർന്ന്​ നവോമിയുടെ മുഖത്ത്​ വന്നിരുന്നു 'പരസ്യ ചുംബനം' നൽകി.. വീണ്ടും ശലഭത്തെ വളരെ കരുതലോടെ കൈകളിലെടുത്ത് പുറത്തു കൊണ്ടുപോയി പറത്തി വിട്ട ശേഷമാണ്​ നവോമി കളിയിലേക്ക്​ തിരികെ വന്നത്​. മത്സരത്തിൽ അവർ വിജയിക്കുകയും ചെയ്​തു.

നിറഞ്ഞ കൈയടികളോടെയാണ്​ നവോമിയ​ുടെ കരുതലിനെ കാണികൾ വരവേറ്റത്​. 'ആസ്​ട്രേലിയയിലെ ചിത്രശലഭങ്ങൾ പോലും നിങ്ങളെ സ്നേഹിക്കുന്നു നവോമി' എന്ന കുറിപ്പോടെ ആസ്ട്രേലിയൻ ഓപ്പണിന്‍റെ ട്വിറ്റർ പേജിൽ പങ്കുവെച്ച വിഡിയോ കായികപ്രേമികൾ ഏറ്റെടുത്തിരിക്കുകയാണി​പ്പോൾ.




Show Full Article
TAGS:Naomi Osaka 
News Summary - Naomi Osaka interrupted by a butterfly on court; see what she did
Next Story