Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightഇഞ്ചുകളുടെ...

ഇഞ്ചുകളുടെ വ്യത്യാസത്തിൽ ഡൽഹി സ്​കോർ 'പ്രവചിച്ച്​'മുംബൈ; ഒത്തുകളി ആരോപണം

text_fields
bookmark_border
ഇഞ്ചുകളുടെ വ്യത്യാസത്തിൽ ഡൽഹി സ്​കോർ പ്രവചിച്ച്​മുംബൈ; ഒത്തുകളി ആരോപണം
cancel

ദുബൈ: ഇന്ത്യൻ പ്രീമിയർ ലീഗ്​ ക്രിക്കറ്റ്​ ടൂർണമെൻറ്​ ആവേശകരമായി യു.എ.ഇയിൽ പുരോഗമിച്ച്​ കൊണ്ടിരിക്കുകയാണ്​. കാണികളുമായി നിരന്തര സമ്പർക്കം പുലർത്താനും അവരെ ആവേഷം കൊള്ളിക്കാനും സാമൂഹിക മാധ്യമങ്ങളിലൂടെ ടീമുകൾ ശ്രദ്ധിക്കുന്നുണ്ട്​. എന്നാൽ മുംബൈ ഇന്ത്യൻസിൻെറ ഡിലീറ്റ്​ ചെയ്യപ്പെട്ട ഒരു ട്വീറ്റും അതി​ൻെറ ചുവടുപിടിച്ച്​ ഉയർന്ന ഒത്തുകളി ആരോപണവുമാണ്​ നിലവിൽ ക്രിക്കറ്റ്​ ലോകത്തെ ചർച്ച വിഷയം​.

ഞായറാഴ്​ച ഡൽഹി കാപിറ്റൽസിനെതിരായ​ മത്സരത്തിനിടെ എതിർ ടീമിൻെറ സ്​കോർ 'പ്രവചിച്ച്'​ മുംബൈ ഇന്ത്യൻസിൻെറ ഔദ്യോഗിക ട്വിറ്റർ ഹാൻഡ്​ലിൽ പ്രത്യക്ഷപ്പെട്ടിരുന്ന ഒരു ട്വീറ്റിൻെറ സ്​ക്രീൻഷോട്ട്​ ഉയർത്തിപ്പിടിച്ചാണ്​ വാതുവെപ്പ്​ ആരോപണം ഉയർന്ന്​ വന്നിരിക്ക​ുന്നത്​.

ടോസ്​ നേടിയ ഡൽഹി ബാറ്റിങ്​ തെരഞ്ഞെടുക്കുകയായിരുന്നു. മത്സരം തുടങ്ങാൻ മിനിറ്റുകൾ മാത്രം ബാക്കി നിൽക്കേ ട്രെൻറ്​ ബോൾട്ടിനൊപ്പം ന്യൂബോൾ എറിയാനെത്തുക ​െജയിംസ് പാറ്റിൻസനാണെന്ന് വ്യക്തമാക്കി മുംബൈ ചെയ്​ത ട്വീറ്റാണ്​ വിവാദത്തിന്​ തിരികൊളുത്തിയത്​.


ട്വീറ്റിനൊപ്പം ഡൽഹിയുടെ സ്​കോർ എന്താകുമെന്ന്​ മും​ബൈ 'പ്രവചിച്ചു'.ഡൽഹി കാപിറ്റൽസ് – 163/5 (19.5) എന്നാണ് മുംബൈ ട്വീറ്റ് ചെയ്തത്. എന്നാൽ അത്ഭുതം എന്ന്​ പറയ​ട്ടേ ഇന്നിങ്​സ്​ അവസാനിക്കു​േമ്പാൾ ഡൽഹി നാലു വിക്കറ്റ്​ നഷ്​ടത്തിൽ സ്​കോർ ചെയ്​തതാക​ട്ടേ 162 റൺസ്​. ഒരു റൺസിൻെറ മാറ്റം മാത്രം

അബദ്ധം മനസിലാക്കി മുംബൈ ട്വീറ്റ്​ നീക്കം​ ചെയ്​തെങ്കിലും സ്​ക്രീൻഷോട്ട്​ സമൂഹമാധ്യമങ്ങളിൽ വൈറലായി മാറിയിര​ുന്നു. എന്നാൽ അതേ ദിവസം തന്നെ നടന്ന രാജസ്​ഥാൻ-സൺറൈസേഴ്​സ്​ മത്സരത്തിലെ സ്​കോർ മുംബൈ അബന്ധത്തിൽ പ്രസിദ്ധീകരിച്ചതാണെന്നാണ്​ ചിലർ നൽകുന്ന വിശദീകരണം. ഹൈദരാബാദിനെതിരായ ആവേശപ്പോരാട്ടത്തിൽ വിജയിച്ച രാജസ്​ഥാൻെറ ഫൈനൽ സ്​കോർ 19.5 ഓവറിൽ 163 റൺസായിരുന്നു.

എന്നിരുന്നാലും ഐ.പി.എൽ ഭരണസമിതിയും ബി.സി.സി.ഐയും ഇക്കാര്യത്തിൽ അന്വേഷണം നടത്തണമെന്നും അല്ലാത്ത പക്ഷം ആ​േരാപണങ്ങൾ ടൂർണമെൻറിൻെറ വിശ്വാസ്യതയെ തന്നെ ബാധിക്കുമെന്നും അഭ്യർഥനകൾ ഉയർന്നു വരുന്നുണ്ട്​.

ശിഖർ ധവാൻെറ (നോട്ടൗട്ട്​) അർധസെഞ്ച്വറിയുടെ ബലത്തിൽ ഡൽഹി ഉയർത്തിയ വിജയലക്ഷ്യം മുംബൈ അഞ്ചുവിക്കറ്റ്​ നഷ്​ടത്തിൽ മറികടന്നു. 53 റൺസ്​ വീതമെടുത്ത ക്വിൻറൺ ഡികോക്കും സൂര്യകുമാർ യാദവുമാണ്​ മുംബൈക്ക്​ ജയമൊരുക്കിയത്​. ഇതോടെ 10 പോയൻറുമായി മുംബൈ ഒന്നാം സ്​ഥാനത്തേക്ക്​ കയറി.

Show Full Article
TAGS:mumbai indians IPL 2020 match fixing 
Web Title - Mumbai Indians Controversial Tweet Sparks Fixing Rumours
Next Story