പ​റ​ക്കും മി​ൽ​ഖ: ഇ​ന്ത്യ ക​ണ്ട എ​ക്കാ​ല​ത്തെ​യ​ും മി​ക​ച്ച അ​ത്​​ല​റ്റി​ന്​ വി​ട

ഹോ​ക്കി​യി​ല​ല്ലാ​തെ മ​റ്റൊ​ന്നി​ലും ഇ​ന്ത്യ​ക്ക്​ ഒ​ളി​മ്പി​ക്​​സി​ൽ അം​ഗീ​കാ​ര​മി​ല്ലാ​തി​രു​ന്നൊ​രു കാ​ല​മു​ണ്ടാ​യി​രു​ന്നു. പി​ന്നീ​ട്​ ഒ​ളി​മ്പി​ക്​​സി​ൽ വെ​ങ്ക​ല​വും വെ​ള്ളി​യും സ്വ​ർ​ണം​വ​രെ നേ​ടി​യ ഇ​ന്ത്യ​ക്കാ​രു​ണ്ടാ​യി. പ​ക്ഷേ, അ​തി​നെ​ക്കാ​ളു​മ​പ്പു​റം ഇ​ന്ത്യ​​ൻ കാ​യി​ക​ലോ​കം ഓ​ർ​മ​യി​ൽ സൂ​ക്ഷി​ച്ചി​രു​ന്ന​ത്​ കി​ട്ടാ​തെ പോ​യ ഒ​രു മെ​ഡ​ലാ​യി​രു​ന്നു. 1960 ലെ ​റോം ഒ​ളി​മ്പി​ക്​​സി​ലെ ആ ​സ​ങ്ക​ട​ത്തി​‍െൻറ പേ​രാ​യി​രു​ന്നു 91ാം വ​യ​സ്സി​ൽ വി​ട​പ​റ​ഞ്ഞ മി​ൽ​ഖാ സി​ങ്. അ​തി​വേ​ഗം, തീ​പി​ടി​പ്പി​ച്ച ആ ​കാ​ലു​ക​ൾ ​നോ​ക്കി ലോ​കം അ​ദ്ദേ​ഹ​ത്തി​ന്​ 'പ​റ​ക്കും സി​ഖ്​' എ​ന്ന്​ ഓ​മ​ന​പ്പേ​രി​ട്ടു. റെ​ക്കോ​ഡു​ക​ളി​ൽ തി​രു​ത്ത​ലു​ക​ൾ വ​ന്നെ​ങ്കി​ലും ഇ​ന്ത്യ​ൻ അ​ത്​​ല​റ്റി​ക്​​സി​ലെ എ​ക്കാ​ല​ത്തെ​യും ​പ്ര​ശ​സ്​​ത​നാ​യ താ​രം മി​ൽ​ഖാ സി​ങ്​ ത​ന്നെ​യാ​യി​രു​ന്നു.

ഓ​ട്ടം മി​ൽ​ഖാ സി​ങ്ങി​ന്​ കാ​യി​ക വി​നോ​ദ​മാ​യി​രു​ന്നി​ല്ല; ജീ​വി​തം ത​ന്നെ​യാ​യി​രു​ന്നു. 15ാമ​ത്തെ വ​യ​സ്സി​ൽ അ​വി​ഭ​ക്​​ത ഇ​ന്ത്യ​യി​​ലെ പ​ഞ്ചാ​ബ്​ പ്ര​വി​ശ്യ​യി​ലെ ഗോ​വി​ന്ദ​പു​ര​യി​ൽ നി​ന്ന്​ ജീ​വ​നും കൈ​യി​ൽ​പി​ടി​ച്ചാ​യി​രു​ന്നു ആ​ദ്യ ഓ​ട്ടം. ക​ലാ​പ​കാ​രി​ക​ളു​ടെ വെ​​ട്ടേ​റ്റു വീ​ണ അ​ച്ഛ​​ൻ മ​രി​ക്കു​ന്ന​തി​നു തൊ​ട്ടു​മു​മ്പ്​ ഉ​ച്ച​ത്തി​ൽ വി​ളി​ച്ചു​പ​റ​ഞ്ഞ വാ​ക്കു​ക​ളാ​യി​രു​ന്നു മി​ൽ​ഖ​യു​ടെ ജീ​വി​ത ട്രാ​ക്കി​ലെ ആ​ദ്യ വി​സി​ൽ 'ഭാ​ഗ്... മി​ൽ​ഖാ.. ഭാ​ഗ്...' (ഓ​ട്​ മി​ൽ​ഖാ ഓ​ട്...) എ​ന്ന അ​ച്ഛ​‍െൻറ അ​വ​സാ​ന നി​ല​വി​ളി കേ​ട്ടു തു​ട​ങ്ങി​യ ഓ​ട്ടം... അ​ച്ഛ​ൻ സം​പു​രാ​ൻ സി​ങ്ങും അ​മ്മ ച​ഹാ​ലി കൗ​റും സ​ഹോ​ദ​ര​ങ്ങ​ളു​മ​ട​ക്കം കു​ടും​ബ​ത്തി​ലെ എ​ട്ടു പേ​ർ കൊ​ല​ക്ക​ത്തി​ക്കി​ര​യാ​കു​ന്ന​തു ക​ണ്ട്​ അ​ക്ര​മി​ക​ളു​ടെ കൊ​ടു​വാ​ൾ മു​ന​യി​ൽ നി​ന്ന്​ ഓ​ടി​യോ​ടി ഒ​ടു​വി​ൽ എ​ത്തി​യ​ത്​ ഡ​ൽ​ഹി​യി​ൽ. സ​ഹോ​ദ​രി ഈ​​ശ്വ​രി​ക്കൊ​പ്പം.

സ​ഹോ​ദ​രി​ക്കും കു​ടും​ബ​ത്തി​നും ശ​ല്യ​ക്കാ​ര​നാ​യി മാ​റി​യ ബാ​ല്യം. പ​ഠി​ക്കാ​ൻ മ​ഹാ ഉ​ഴ​പ്പ​ൻ. ഒ​ടു​വി​ൽ നേ​രേ​യാ​കാ​ൻ പ​ട്ടാ​ള​ത്തി​ലാ​ക്കി. അ​ത്​ ജീ​വി​ത​ത്തി​‍െൻറ ട്രാ​ക്ക്​ മാ​റ്റ​മാ​യി​രു​ന്നു. സെ​ക്ക​ന്ത​രാ​ബാ​ദി​ൽ ഇ​ല​ക്ട്രി​ക്ക​ൽ മെ​ക്കാ​നി​ക്ക​ൽ എ​ൻ​ജി​നീ​യ​റി​ങ്​ വി​ഭാ​ഗ​ത്തി​ലാ​യി​രു​ന്നു മി​ൽ​ഖ​യെ നി​യോ​ഗി​ച്ച​ത്. ക്യാ​മ്പി​ലെ ഓ​ട്ട മ​ത്സ​ര​ത്തി​ൽ ഒ​രു ക​പ്പ്​ പാ​ലി​നും മു​ട്ട​ക്കു​മാ​യി ഓ​ടി​ത്തു​ട​ങ്ങി​യ മി​ൽ​ഖ​യി​ലെ പ്ര​തി​ഭ​യെ വൈ​കാ​തെ തി​രി​ച്ച​റി​ഞ്ഞ​തും ഇ​ന്ത്യ​ൻ കാ​യി​ക താ​ര​മാ​യി വ​ള​ർ​ന്ന​തും റോം ​ഒ​ളി​മ്പി​ക്​​സി​ൽ ത​ല​നാ​രി​ഴ​ക്ക്​ മെ​ഡ​ൽ ന​ഷ്​​ട​മാ​യ​തു​മെ​ല്ലാം സി​നി​മ​യെ വെ​ല്ലു​ന്ന സം​ഭ​വ​ങ്ങ​ളാ​യി​രു​ന്നു. കാ​യി​ക രം​ഗ​ത്തു​നി​ന്നു​ത​ന്നെ ജീ​വി​ത​പ​ങ്കാ​ളി​യെ​യും ക​ണ്ടെ​ത്തി.

അ​തു​കൊ​ണ്ടാ​യി​രി​ക്ക​ണം 2013 ൽ ​രാ​ക്യേ​ഷ്​ ഓം​പ്ര​കാ​ശ്​ മെ​ഹ്​​റ മി​ൽ​ഖ​യു​ടെ ജീ​വി​തം വെ​ള്ളി​ത്തി​ര​യി​ലെ​ത്തി​ച്ച​ത്. 'ഭാ​ഗ്​ മി​ൽ​ഖാ ഭാ​ഗ്​' എ​ന്നു​ത​ന്നെ ആ ​ചി​ത്ര​ത്തി​നു പേ​രും ന​ൽ​കി​യ​ത്. ആ​ക്​​ഷ​നും ത്രി​ല്ല​റും പ്ര​ണ​യ​വും വി​ര​ഹു​മെ​ല്ലാ​മു​ള്ള ഒ​രു പ​ക്കാ​ജീ​വി​തം... അ​താ​യി​രു​ന്നു മി​ൽ​ഖ​യു​ടേ​ത്.

400 മീ​റ്റ​റി​ൽ മി​ൽ​ഖ കു​റി​ച്ച ഏ​ഷ്യ​ൻ റെ​ക്കോ​ഡ് 26 വ​ർ​ഷ​വും ദേ​ശീ​യ റെ​ക്കോ​ഡ് 38 വ​ർ​ഷ​വും ഇ​ള​കാ​തെ നി​ന്നു. 1998ൽ ​പ​രം​ജി​ത് സി​ങ്​ ആ ​ദേ​ശീ​യ റെ​ക്കോ​ഡ്​ ത​ക​ർ​ക്കു​ന്ന​തു​വ​രെ മി​ൽ​ഖ​യാ​യി​രു​ന്നു മ​ധ്യ​ദൂ​ര​​ത്തി​ലെ അ​തി​വേ​ഗ​ക്കാ​​ര​ൻ. ഏ​ഷ്യ​ൻ ഗെ​യിം​സി​ൽ നാ​ല്​ സ്വ​ർ​ണം. കാ​ർ​ഡി​ഫ്​ കോ​മ​ൺ​വെ​ൽ​ത്ത്​ ഗെ​യിം​സി​ൽ സ്വ​ർ​ണം.

ആ​ദ്യ ഓ​ട്ട​ത്തി​ൽ ജീ​വ​നാ​യി​രു​ന്നു പാ​രി​തോ​ഷി​ക​മാ​യി കി​ട്ടി​യ​​തെ​ങ്കി​ൽ പി​ന്നീ​ടു​ള്ള എ​ല്ലാ ഓ​ട്ട​ങ്ങ​ളി​ലും മെ​ഡ​ലു​ക​ൾ ക​ഴു​ത്തി​ൽ മി​ന്നി. 80 ഓ​ട്ട​ങ്ങ​ളി​ൽ 77 ലും ​മെ​ഡ​ല​ണി​ഞ്ഞ സൗ​ഭാ​ഗ്യം മി​ൽ​ഖ​ക്കു മാ​ത്രം സ്വ​ന്ത​മാ​യി​രു​ന്നു. ഏ​ഷ്യ​ൻ ഗെ​യിം​സി​ലും കോ​മ​ൺ​വെ​ൽ​ത്ത്​ ഗെ​യിം​സി​ലും 400 മീ​റ്റ​റി​ൽ സ്വ​ർ​ണം നേ​ടി​യ ഏ​ക താ​രം.

1962 ൽ ​പാ​കി​സ്​​താ​നി​ൽ ന​ട​ന്ന 200 മീ​റ്റ​ർ മ​ത്സ​ര​ത്തി​ൽ ഏ​ഷ്യ​യി​ലെ ഏ​റ്റ​വും മി​ക​ച്ച താ​ര​മാ​യി​രു​ന്ന അ​ബ്​​ദു​ൽ ഖ​ലീ​ഖി​നെ പ​രാ​ജ​യ​പ്പെ​ടു​ത്തി​യ​പ്പോ​ൾ പാ​ക്​ പ്ര​സി​ഡ​ൻ​റ്​ അ​യൂ​ബ്​ ഖാ​നാ​യി​രു​ന്നു 'പ​റ​ക്കും സി​ഖ്​' എ​ന്ന്​ മി​ൽ​ഖ​യെ വി​ശേ​ഷി​പ്പി​ച്ച​ത്. 1958 ൽ ​പ​ത്​​മ​ശ്രീ ന​ൽ​കി രാ​ജ്യം മി​ൽ​ഖ​യെ ആ​ദ​രി​ച്ചു.

ഓ​ട്ടം നി​ർ​ത്തി​യ​പ്പോ​ഴും കാ​യി​ക രം​ഗ​ത്തെ വി​വാ​ദ​ങ്ങ​ളു​ടെ പി​ന്നാ​ലെ​യു​ള്ള ഓ​ട്ടം മി​ൽ​ഖ അ​വ​സാ​നി​പ്പി​ച്ചി​രു​ന്നി​ല്ല. 1961ൽ ​അ​ർ​ജു​ന അ​വാ​ർ​ഡ്​ ഏ​ർ​പ്പെ​ടു​ത്തി​യ​പ്പോ​ൾ അ​ധി​കൃ​ത​ർ മി​ൽ​ഖ​യെ ത​ഴ​ഞ്ഞു. 1999 ൽ ​ഗോ​ൾ​ഫ്​ താ​ര​മാ​യ മ​ക​ൻ ജീ​വ്​ മി​ൽ​ഖ​ക്ക്​ അ​ർ​ജു​ന അ​വാ​ർ​ഡ്​ ന​ൽ​കി​യ അ​ധി​കൃ​ത​ർ 2001 ൽ ​മി​ൽ​ഖാ സി​ങ്ങി​ന്​ അ​ത്​ പ്ര​ഖ്യാ​പി​ച്ച​പ്പോ​ൾ ത​ന്നെ അ​പ​ഹ​സി​ക്കു​ന്ന​താ​യാ​ണ്​ അ​ദ്ദേ​ഹ​ത്തി​നു തോ​ന്നി​യ​ത്. അ​തു​കൊ​ണ്ടു​ത​ന്നെ അ​വാ​ർ​ഡ്​ നി​ര​സി​ക്കാ​ൻ ര​ണ്ടാ​മ​തൊ​ന്നാ​ലോ​ചി​ക്കേ​ണ്ടി​വ​ന്നി​ല്ല.

91 വ​ർ​ഷം നീ​ണ്ട മി​ൽ​ഖ​യു​ടെ ഓ​ട്ട​ത്തി​ന്​ വെ​ള്ളി​യാ​ഴ്​​ച രാ​ത്രി വി​ധി അ​ന്തി​മ വി​സി​ൽ മു​ഴ​ക്കി. കോ​വി​ഡ്​ ബാ​ധി​ത​നാ​യി ചി​കി​ത്സ​യി​ലാ​യി​രു​ന്നു അ​ദ്ദേ​ഹം. അ​ഞ്ചു ദി​വ​സം മു​മ്പാ​യി​രു​ന്നു ഭാ​ര്യ​യും മു​ൻ വോ​ളി​ബാ​ൾ താ​ര​വു​മാ​യ നി​ർ​മ​ൽ കൗ​റി​നെ കോ​വി​ഡ്​ അ​പ​ഹ​രി​ച്ച​ത്. കാ​ല​മെ​ത്ര ക​ഴി​ഞ്ഞാ​ലും മി​ൽ​ഖ ഓ​ർ​മ​ക​ൾ​ക്കു മീ​തെ പ​റ​ന്നു​കൊ​ണ്ടേ​യി​രി​ക്കും...