പിതാവി​െൻറ വേർപാടി​െൻറ വേദന മറക്കാൻ പാഡണിഞ്ഞ്​ മൻദീപ്​​; അഭിനന്ദിച്ച്​ സചിൻ

ന്യൂഡൽഹി​: വ്യക്തി ജീവിതത്തിലെ ഏറ്റവും വലിയ നഷ്​ടം സംഭവിച്ചതി​െൻറ പിറ്റേ ദിവസം തന്നെ ഐ.പി.എൽ മത്സരങ്ങൾക്കിറങ്ങിയ രണ്ട്​ ഇന്ത്യൻ താരങ്ങളാണ് ഇപ്പോൾ​ സമൂഹ മാധ്യമങ്ങളിലെ താരങ്ങൾ​. തങ്ങളുടെ പ്രിയപ്പെട്ടവരെ അവസാനമായി ഒരുനോക്ക്​ കാണാൻ പോലും സാധിക്കാതെ അപാരമായ നിശ്ചയദാഢ്യവും കരുത്തും കൈമുതലാക്കിയായിരുന്നു മൻദീപ്​ സിങ്ങും നിതീഷ്​ റാണയും ശനിയാഴ്​ച ജഴ്​സിയണിഞ്ഞത്​.

സ്വന്തം പിതാവി​െൻറ വേർപാടി​െൻറ ദുഖം ഉള്ളിലൊതുക്കിയാണ്​ കിങ്​സ്​ ഇലവൻ പഞ്ചാബ്​ താരം മൻദീപ്​ സിങ്​ ശനിയാഴ്​ച സൺറൈസേഴ്​സ്​ ഹൈദരാബാദിനെതിരെ കളിക്കാനിറങ്ങിയത്​. ഏറെ നാളായി അസുഖ ബാധിതനായ പിതാവ്​ കഴിഞ്ഞ ദിവസം രാത്രിയാണ്​ മരിച്ചത്​.

മായങ്ക്​ അഗർവാളി​െൻറ അസാന്നിധ്യത്തിൽ മൻദീപാണ്​ രാഹുലിനൊപ്പം ഇന്നിങ്​സ്​ ഓപൺ ചെയ്​തത്​. മൻദീപി​െൻറ പിതാവിനോടുള്ള ആദര സൂചകമായി കറുത്ത ആം ബാൻഡ്​ അണിഞ്ഞാണ്​ പഞ്ചാബ്​ താരങ്ങൾ കളിച്ചത്​.

എന്നാൽ 14 പന്തുകൾ നേരിട്ട മൻദീപിന്​ 17 റൺസെടുക്കാനാണ്​ സാധിച്ചത്​. എന്നിരുന്നാലും താൻ കാണിച്ച ധൈര്യത്തിനും നിശ്ചയദാഢ്യത്തിനും യുവതാരത്തിന്​ നൂറിൽ നൂറ്​ മാർക്ക്​ നൽകിയിരിക്കുകയാണ്​ സമൂഹ മാധ്യമങ്ങൾ.

വെള്ളിയാഴ്​ച അർബുദം ബാധിച്ചു മരിച്ച ഭാര്യാ പിതാവി​െൻറ വിയോഗത്തി​െൻറ ദുഖത്തിലാണ്​ നിതീഷ്​ റാണ ശനിയാഴ്​ച നടന്ന ആദ്യ മത്സരത്തിൽ കൊൽക്കത്ത നൈറ്റ്​റൈഡേഴ്​സിനായി ക്രീസിലെത്തിയത്​. എന്നാൽ സങ്കടമെല്ലാം മറന്ന്​ നിറഞ്ഞാടിയ നിതീഷ്​ റാണ അർധ സെഞ്ച്വറി തികച്ചതിനുപിന്നാലെ ഭാര്യാപിതാവി​ന്​ ആദരമർപ്പിച്ചു.

ഭാര്യാപിതാവി​െൻറ പേര്​ (സുരീന്ദർ മർവ) പതിപ്പിച്ച ജഴ്​സി ഉയർത്തിക്കാണിച്ചായിരുന്നു റാണയുടെ ആദരം​. റാണയുടെ അർധസെഞ്ച്വറി മികവിൽ കൊൽക്കത്ത 59 റൺസിന്​ ഡൽഹി കാപിറ്റൽസിനെ തോൽപിച്ച്​ പ്ലേഓഫ്​ സാധ്യത സജീവമാക്കിയിരുന്നു. ഇരുവരെയും അഭിനന്ദിച്ച്​ ഇതിഹാസ താരം സചിൻ ടെണ്ടുൽക്കർ ട്വീറ്റ്​ ചെയ്​തു.