Begin typing your search above and press return to search.
proflie-avatar
Login
exit_to_app
exit_to_app
ഓറഞ്ചിന്​ വീര്യമേറുന്നു
cancel
Homechevron_rightSportschevron_rightSports Specialchevron_rightഓറഞ്ചിന്​...

ഓറഞ്ചിന്​ വീര്യമേറുന്നു

text_fields
bookmark_border

വലിയ ബഹളങ്ങളൊന്നുമില്ലാതെ വന്ന്​ വേണ്ടതെല്ലാം വാരിക്കൂട്ടി മടങ്ങുകയാണ്​ സൺറൈസേഴ്​സ്​ ഹൈദരാബാദി​െൻറ പതിവ്​. 2013ൽ ​െഎ.പി.എല്ലി​െൻറ ഭാഗമായ ടീമി​െൻറ എട്ടാം സീസണാണിത്​.

ഒരു തവണ കിരീടമണിഞ്ഞു (2016). 2018ൽ റണ്ണേഴ്​സ്​ അപ്പുമായി. മൂന്നു തവണ ​േപ്ലഒാഫും കളിച്ച്​ മടങ്ങി. ഹൈദരാബാദെന്ന്​ കേട്ടാൽ പതിവ്​ മുഖങ്ങളാണ്​ ആരാധകമനസ്സിലെത്തുക.

ആദ്യ രൂപമായ ഡെക്കാൻ ചാർജേഴ്​സിലെ വി.വി.എസ്​ ലക്ഷ്​മൺ മുതൽ പിന്നീട്​ ടീമി​െൻറ മുഖമായി മാറിയ ഡേവിഡ്​ വാർണർ, ഭുവനേശ്വർ കുമാർ വരെ അണിനിരക്കുന്ന സ്​ഥിര സംഘം. ഉപദേഷ്​ടാവായി വി.വി.എസ്​ ലക്ഷ്​മൺ ഇപ്പോഴും ടീമിനൊപ്പമുണ്ട്​്​. കിരീടമോഹവുമായെത്തുന്നവർക്കെല്ലാം വലിയ വെല്ലുവിളിയാണ്​ ട്വൻറി20യിലെ സ്​പെഷലിസ്​റ്റ്​ സംഘമായ ഇൗ ഒാറഞ്ച്​ കുപ്പായക്കാർ.

​പോസിറ്റീവ്​ പോയിൻറ്​

ഡേവിഡ്​ വാർണർ ക്യാപ്​റ്റൻ കുപ്പായത്തിൽ തിരികെയെത്തുകയാണ്​ ഇൗ സീസണിൽ. സഹതാരങ്ങൾക്ക്​ ആവേശം പകരുന്ന ടീം ലീഡർ, വെടിക്കെട്ട്​ ബാറ്റ്​സ്​മാൻ, മാച്ച്​ വിന്നർ. ടീമിനെ ഒറ്റക്ക്​ തോളിലേറ്റുന്ന നായകനാണ്​ അദ്ദേഹം.

2019 സീസണിൽ 692 റൺസുമായി ടോപ്​ സ്​കോററും വാർണറായിരുന്നു. കൂടുതൽ റൺസ്​ നേടുന്നവർക്കുള്ള ഒാറഞ്ച്​ ക്യാപിന്​ അദ്ദേഹം മൂന്നുവട്ടം അവകാശിയുമായിരുന്നു. നായകനൊപ്പം ന്യൂസിലൻഡി​െൻറ കെയ്​ൻ വില്യംസണും വിക്കറ്റ്​ കീപ്പർ ബാറ്റ്​സ്​മാൻ ജോണി ബെയർസ്​റ്റോവും ചേരുന്നതോടെ ഒാറഞ്ച്​ വീര്യം പവർഫുൾ ആവും.

ബൗളിങ്​ കരുത്താണ്​ രണ്ടാമത്തെ മികവ്​. ഭുവനേശ്വർ കുമാർ, സിദ്ദാർഥ്​ കൗൾ, ഷഹബാസ്​ നദീം, കലീൽ അഹ്​മദ്​ എന്നീ ഇന്ത്യൻ താരങ്ങളുടെ പേസ്​ നിര. മലയാളി താരം ബേസിൽ തമ്പിയും കൂടെയുണ്ട്​.

സ്​പിൻ മികവുമായി അഫ്​ഗാൻ ട്വൻറി20 ക്യാപ്​റ്റൻ റാഷിദ്​ ഖാനും സീനിയർ ഒാൾറൗണ്ടർ മുഹമ്മദ്​ നബിയും. മിച്ചൽ മാർഷ്​, വിൻഡീസി​െൻറ ഫാബിയൻ അലൻ എന്നീ വിദേശ ഒാൾറൗണ്ടർകൂടി ചേർന്നാൽ ടീം ശക്​തമായി. യുവസാന്നിധ്യമായ കശ്​മീരി​െൻറ രഞ്​ജി താരം അബ്​ദുൽ സമദും മുതൽക്കൂട്ടാണ്​.

നെഗറ്റീവ്​​ പോയിൻറ്​

വിദേശ-ഇന്ത്യൻ കോമ്പിനേഷനാണ്​ വെല്ലുവിളി. ​െപ്ലയിങ്​ ഇലവനിൽ നാല്​ വിദേശികൾ മാത്രം എന്ന ചട്ടം പാലിക്കേണ്ടിവരു​േമ്പാൾ സൂപ്പർതാരങ്ങൾ പലരും പുറത്തിരിക്കേണ്ടി വരും.

എന്നാൽ, ഭുവനേശ്വർ കുമാർ, വിജയ്​ ശങ്കർ, മനീഷ്​ പാണ്ഡേ എന്നിവരെ മാറ്റിനിർത്തിയാൽ മികച്ച രാജ്യാന്തര പരിചയമുള്ള ഇന്ത്യൻ താരങ്ങൾ ടീമിൽ കുറവാണ്​.

വാർണർ-ബെയർസ്​റ്റോ ജോടി നൽകുന്ന തുടക്കം മുതലെടുത്ത്​ സ്​കോർ ഉയർത്താൻ ശേഷിയുള്ള മധ്യനിര ഒരു പോരായ്​മ. സ്​പിന്നർമാർക്ക്​ നിർണായക ​േറാളുള്ള യു.എ.ഇയിൽ റാഷിദ്​ഖാന് കാര്യമായൊരു കൂട്ടാളി ഇല്ലാത്തത്​​ ജോലിഭാരം കൂട്ടും.

സൺറൈസേഴ്​സ്​ ഹൈദരാബാദ്​

ക്യാപ്​റ്റൻ: ഡേവിഡ്​ വാർണർ

കോച്ച്​: ട്രെവർ ബെയ്​ലിസ്​

ഐ.പി.എൽ ബെസ്​റ്റ്​: ചാമ്പ്യന്മാർ (2016)

ടീം എസ്​.ആർ.എച്ച്​

ബാറ്റ്​സ്​മാൻ: കെയ്​ൻ വില്യംസൺ, ഡേവിഡ്​ വാർണർ (ക്യാപ്​റ്റൻ) മനീഷ്​ പാണ്ഡേ, പ്രിയം ഗാർഗ്​, വിരാട്​ സിങ്​, അബ്​ദുസ്സമദ്​.

ഒാൾറൗണ്ടർ: വിജയ്​ ശങ്കർ, അഭിഷേക്​ ശർമ, മിച്ചൽ മാർഷ്​, ഭവാനക സന്ദീപ്​, ഫാബിയൻ അ​ലൻ, മുഹമ്മദ്​ നബി, സഞ്​ജയ്​​ യാദവ്​.

വിക്കറ്റ്​ കീപ്പർ: ജോണി ബെയർസ്​റ്റോ, വൃദ്ധിമാൻ സാഹ, ശ്രീവത്സ്​​ ഗോസ്വാമി.

ബൗളർ: ഭുവനേശ്വർ കുമാർ, ബേസിൽ തമ്പി, ബില്ലി സ്​റ്റാൻലേക്​, സന്ദീപ്​ ശർമ, ഷഹബാസ്​ നദീം, സിദ്ധാർഥ്​ കൗൾ, ഖലീൽ അഹ്​മദ്​, ടി. നടരാജൻ, റാഷിദ്​ ഖാൻ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sunrisers HyderabadCricket NewsIPL 2020
Next Story