Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightരാജസ്ഥാ​െൻറ മധ്യനിര...

രാജസ്ഥാ​െൻറ മധ്യനിര തകരാൻ കാരണം അവർ; ഫോമിലെത്തിയില്ലെങ്കിൽ പുറത്തേക്കെന്ന്​ ഗംഭീർ

text_fields
bookmark_border
രാജസ്ഥാ​െൻറ മധ്യനിര തകരാൻ കാരണം അവർ; ഫോമിലെത്തിയില്ലെങ്കിൽ പുറത്തേക്കെന്ന്​ ഗംഭീർ
cancel

​െഎ.പി.എല്ലി​െൻറ ഇൗ സീസണിൽ ഏറ്റവും ഗംഭീര തുടക്കം ലഭിച്ച ടീമാണ്​ സ്റ്റീവ്​ സ്​മിത്ത്​ നയിക്കുന്ന രാജസ്ഥാൻ റോയൽസ്​. ഷാർജയിലെ മൈതാനിയിൽ നടന്ന ആദ്യ രണ്ട്​ മത്സരങ്ങളിൽ ഗംഭീര വിജയം നേടിയതിന്​​ ശേഷം ദുബായ്​യിലും അബുദാബിയിലും നടന്ന രണ്ട്​ കളികളിൽ തോൽവിയേറ്റുവാങ്ങിയ രാജസ്ഥാന്​ ഉപദേശവുമായി ഗൗതം ഗംഭീർ. രാജസ്ഥാൻ ബാറ്റിങ്​ നിര വലിയ പ്രതിസന്ധിയിലാണെന്നും ബാറ്റിങ്ങിനെ മാത്രം ഇനിയും ആശ്രയിച്ച്​ മുന്നോട്ടുപോയാൽ ടൂർണമെൻറിൽ രാജസ്ഥാന്​ കൂടുതൽ ആയുസുണ്ടാവില്ലെന്നും ഗംഭീർ ഇ.എസ്​.പി.എൻ ക്രിക്കിൻഫോയോട്​ അഭിപ്രായപ്പെട്ടു. റോബിൻ ഉത്തപ്പയും റയാൻ പരാഗും ഫോം വീണ്ടെടുക്കേണ്ടതുണ്ടെന്നും താരം പറഞ്ഞു.

റോബിൻ ഉത്തപ്പയുടേയും റയാൻ പരാഗി​െൻറയും സമയം കഴിഞ്ഞുകൊണ്ടിരിക്കുകയാണ്​​. രാജസ്ഥാ​െൻറ മധ്യനിര തകരാനുള്ള പ്രധാന കാരണം ഇവരുടെ ബാറ്റിങ്ങാണ്​​. ഇതുവരെ രണ്ട് പേര്‍ക്കും ഫോമിലേക്ക് ഉയരാന്‍ സാധിച്ചിട്ടില്ല. ഉത്തപ്പ ഫോം വീണ്ടെടുക്കേണ്ടതുണ്ട്​. ഫോമി​െൻറ ഒരംശം പോലും അവനിൽ ഇൗ സീസണിൽ കാണാൻ സാധിക്കുന്നില്ല. ഉത്തപ്പയെ രാജസ്ഥാന്‍ ഫിനിഷറായിട്ടാണ് കണ്ടിരുന്നത്. എന്നാല്‍ ഇതുവരെ മധ്യനിര ബാറ്റ്‌സ്മാ​െൻറ നിലവാരം പോലും താരത്തിൽ നിന്ന് ഉണ്ടായിട്ടില്ലെന്നും ഗംഭീര്‍ ചൂണ്ടിക്കാട്ടുന്നു. 5, 9, 2, 17 എന്നിങ്ങനെയാണ്​ ഉത്തപ്പയുടെ കഴിഞ്ഞ നാല്​ മത്സരങ്ങളിലെ സ്​കോർ.

റയാൻ പരാഗി​െൻറയും സ്ഥിതി വെത്യസ്​തമല്ലെന്ന്​ ഗംഭീർ അഭിപ്രായപ്പെട്ടു. പുറത്ത്​ ബെഞ്ചിൽ അവസരം കാത്തിരിക്കുന്ന താരങ്ങളുണ്ട്. ഒപ്പം ബെൻസ്​റ്റോക്​സും തിരിച്ചെത്തി. അതോടെ ടീമിലെ ബാറ്റ്‌സ്മാന്‍മാരുടെ എണ്ണം വര്‍ധിക്കുമെന്നും ആയതിനാൽ ടീം​ അഴിച്ചുപണിയുമെന്നും അദ്ദേഹം പറഞ്ഞു., ഇനിയും ഇരുതാരങ്ങളും മികവ്​ പുലർത്തിയിട്ടില്ലെങ്കിൽ പുറത്തുപോകേണ്ടി വരുമെന്നും ഗംഭീർ മുന്നറിയിപ്പ്​ നൽകി.

രാജസ്ഥാന്‍ ബാറ്റിങ്​ നിര മുന്‍നിരയെ ആശ്രയിച്ചാണ് നില്‍ക്കുന്നത്. പ്രധാനമായും ജോസ് ബട്‌ലര്‍, സ്റ്റീവ് സ്മിത്ത്, സഞ്ജു സാംസണ്‍ എന്നിവരിലാണ് ടീം പ്രതീക്ഷയർപ്പിക്കുന്നത്​. ഇവര്‍ വമ്പന്‍ സ്‌കോറടിച്ചാല്‍ രാജസ്ഥാന്‍ തിളങ്ങും. ഇവര്‍ പുറത്തായാല്‍ രാജസ്ഥാന്‍ തീരുകയും ചെയ്​തു. നിലവില്‍ സഞ്ജു അടക്കമുള്ളവരാണ് രാജസ്ഥാ​െൻറ കരുത്ത്. അതുതന്നെയാണ്​ അവരുടെ ദൗര്‍ബല്യവും. ഇവര്‍ നേരത്തെ പുറത്തായാല്‍ വലിയ സ്‌കോര്‍ നേടുന്നതില്‍ രാജസ്ഥാന്‍ പരാജയമാണ്. മധ്യനിര അഴിച്ചുപണിയേണ്ട സമയമായെന്നും ഗംഭീര്‍ പറഞ്ഞു.

Show Full Article
TAGS:Rajasthan Royals. Gautam Gambhir 
Web Title - Gautam Gambhir comes down hard on Rajasthan Royals batsman
Next Story