രാഷ്​ട്രീയക്കാരായ ക്രിക്കറ്റ്​ താരങ്ങൾ ആരൊക്കെ?; ധോണിയും ആ വഴിക്ക്​ നീങ്ങുമോ?

ന്യൂഡൽഹി: ഇന്ത്യയിൽ ക്രിക്കറ്റ്​ ജനമനസ്സുകളിൽ മതം പോലെയാണ് വർത്തിക്കുന്നത്​​. അതുകൊണ്ടുതന്നെ ക്രിക്കറ്റ്​ താരങ്ങളും ജനമനസ്സുകളിൽ വാഴ്​ത്തപ്പെട്ടവരാണ്​. താരങ്ങളുടെ സ്വീകാര്യത രാഷ്​ട്രീയത്തി​ലേക്ക്​ ഫല പ്രദമായി വിനിയോഗിക്കാൻ ശ്രമങ്ങളുണ്ടായിട്ടുണ്ട്​. ക്രിക്കറ്റിന്​ വലിയ സ്വീകാര്യതയുള്ള ഇന്ത്യൻ ഉപഭൂഖണ്ഡങ്ങളിലുള്ള രാജ്യങ്ങളിലാണ്​ ഈ പ്രവണത കൂടുതൽ ദൃശ്യമാകുന്നത്​. പാകിസ്​താൻ പ്രധാനമന്ത്രി ഇമ്രാൻ ഖാൻ, ബംഗ്ലദേശ്​ എം.പി മുഷ്​റഫെ മുർതസ, ശ്രീലങ്കൻ മന്ത്രിസഭ അംഗവുമായ അർജുന രണതുംഗ തുടങ്ങിയവരെല്ലാം രാഷ്​ട്രീയത്തി​െൻറ ക്രീസിൽ ഇന്നിങ്​സ്​ തുടങ്ങിയവരാണ്​.

വിരമിച്ച ഇന്ത്യയുടെ ഇതിഹാസ നായകൻ മഹേന്ദ്ര സിങ്​ ധോണിയെ ചുറ്റിപ്പറ്റിയും അനേകം അഭ്യൂഹങ്ങൾ നിലനിൽക്കുന്നുണ്ട്​. 2019 ലെ തെരഞ്ഞെടുപ്പ്​ വേളയിൽ റാഞ്ചിയിലെത്തിയ അമിത്​ ഷാ ധോണിയുടെ വീട്​ സന്ദർശിച്ചതോടെയാണ്​ ധോണി ബി.ജെ.പിയിൽ ചേരുന്നതായ അഭ്യൂഹങ്ങൾ ഉയർന്നത്​. ഉയർത്തികാണിക്കാൻ വലിയ നേതാവില്ലാത്ത ജാർഖണ്ഡിൽ ധോണിയെപ്പോലെ ഒരു നേതാവിനെ കിട്ടിയാൽ കൊള്ളാമെന്ന്​ ബി.ജെ.പിക്ക്​ ആഗ്രഹമുണ്ട്​. സുബ്രഹ്​മണ്യൻ സ്വാമി, സഞ്​ജയ്​ പാസ്വാൻ അടക്കമുള്ള ബി.ജെ.പി നേതാക്കൾ ഈ ആഗ്രഹം പരസ്യമായി പ്രകടിപ്പിക്കുകയും ചെയ്തിരുന്നു. അതിനിടെ ധോണിക്ക്​ രാജ്യത്തെ പരമോന്നത ബഹുമതിയായ ഭാരതരത്​ന നൽകണമെന്ന ആവശ്യവുമായി കോൺഗ്രസ്​ എം.എൽ.എ പി.സി ശർമ രംഗത്തെത്തിയിട്ടുണ്ട്​.

എന്നാൽ ധോണി ഈ വിഷയത്തിൽ ഇതുവരെയും അഭിപ്രായങ്ങളൊന്നും വ്യക്തമാക്കിയിട്ടില്ല. ക്രിക്കറ്റിൽ നിന്നും സമ്പൂർണമായി വിരമിച്ച ശേഷം ധോണി ഒരുപക്ഷേ നിലപാട്​ വ്യക്തമാക്കിയേക്കും. ക്രിക്കറ്റ്​ ജീവിതത്തിന്​ ശേഷം രാഷ്​ട്രീയത്തിൽ പയറ്റിയ ഒരു പിടിതാരങ്ങളുണ്ട്​.

ക്രിക്കറ്റിൽ നിന്നും രാഷ്​ട്രീയത്തിലേക്ക്​ കളം മാറ്റിയ താരങ്ങൾ

ഗൗതം ഗംഭീർ (ബി.ജെ.പി)

2007 ട്വൻറി 20 ലോകകപ്പ്​, 2011 ഏകദിന ലോകകപ്പ്​ എന്നിവ സ്വന്തമാക്കു​േമ്പാൾ ഇന്ത്യൻ ടീമിലെ നിർണായക സാന്നിധ്യമായിരുന്ന ഗംഭീർ 2019 ലോക്​സഭ തെരഞ്ഞെടുപ്പിനോട്​ അനുബന്ധിച്ചാണ്​ ബി.ജെ.പിയിൽ ചേർന്നത്​. ലോക്​സഭ തെരഞ്ഞെടുപ്പിൽ ആംആദ്​മിയുടെ ആതിഷി മർലേന, കോൺസ്രഗി​െൻറ അരവീന്ദർ സിങ്​ ലൗലി എന്നിവ​െരതോൽപ്പിച്ച്​ ഗംഭീർ ലോക്​സഭയിലേക്ക്​ വിജയിച്ചിരുന്നു.

കീർത്തി ആസാദ്​ (ബി.ജെ.പി, കോൺഗ്രസ്​)

1983ൽ കപിലി​െൻറ ചെകുത്താൻമാർ ലോർഡ്​സിൽ കപ്പുയർത്തു​േമ്പാൾ ടീമിലെ ഔൾറൗണ്ടർ സാന്നിധ്യമായിരുന്നു കീർത്തി ആസാദ്​. 25 ഏകദിനങ്ങളിലും ഏഴ്​ ടെസ്​റ്റുകളിലും ഇന്ത്യക്കായി കളത്തിലിറങ്ങിയ കീർത്തി ആസാദ്​ ബീഹാറിലെ മുൻ മുഖ്യമന്ത്രിയും കോൺഗ്രസ്​ നേതാവുമായ ഭഗവത്​ ഷാ ആസാദി​െൻറ മകനാണ്​. എന്നാൽ ബി.ജെ.പി വഴി രാഷ്​ട്രീയം തുടങ്ങിയ കീർത്തി ആസാദ്​ പാർട്ടിയുടെ എം.എൽ.എയും എം.പിയുമായി. പിന്നീട്​ ബി.ജെ.പി പുറത്താക്കിയ കീർത്തി ആസാദ്​ 2019ൽ കോൺഗ്രസിൽ ചേർന്നിരുന്നു.

മുഹമ്മദ്​ കൈഫ്​ (കോൺഗ്രസ്​)

സൗരവ്​ ഗാംഗുലിയുടെ ടീം ഇന്ത്യയിലെ ഊർജ്ജസ്വലതയുളള ചെറുപ്പക്കാരനായിരുന്നു മുഹമ്മദ്​ കൈഫ്​. ബാറ്റിങ്ങിനൊപ്പം ഫീൽഡിങ്ങിലും അസാമാന്യ പാടവമുണ്ടായിരുന്ന കൈഫ്​ 125 ഏകദിനങ്ങളിൽ കളത്തിലിറങ്ങിയിട്ടുണ്ട്​. ടീമിൽ ഇടംലഭിക്കാതെയായ മുഹമ്മദ്​ കൈഫ്​ 2014ലാണ്​ കോൺഗ്രസിൽ ചേർന്നത്​. ഫുൽപൂർ മണ്ഡലത്തിൽ നിന്നും ലോക്​സഭയിലേക്ക്​ ​മത്സരിച്ചെങ്കിലും ബി.ജെ.പി സ്ഥാനാർഥി കേശവ്​ പ്രസാദ്​ മൗര്യയോട്​ പരാജയപ്പെട്ടിരുന്നു.

മുഹമ്മദ്​ അസ്​ഹറുദ്ദീൻ (കോൺഗ്രസ്​)

ഇന്ത്യയുടെ എക്കാല​േ​ത്തയും മികച്ച ക്യാപ്​റ്റൻമാരിലൊരാളായായാണ്​ അസ്​ഹറിനെ പരിഗണിക്കുന്നത്​. ടെസ്​റ്റിലും ഏകദിനത്തിലുമായി 15000ത്തിലേറെ റൺസ്​ സ്വന്തമായുള്ള അസ്​ഹർ 29 സെഞ്ചുറിയും കുറിച്ചിട്ടുണ്ട്​. ഒത്തുകളി വിവാദത്തെത്തുടർന്ന്​ ഇന്ത്യൻ ടീമിൽ നിന്നും പുറത്തായ അസ്​ഹറിന്​ പിന്നീട്​ ക്രിക്കറ്റിലേക്ക്​ മടങ്ങിവരാനായിരുന്നില്ല.

2009ൽ കോൺഗ്രസിൽ ചേർന്ന അസ്​ഹർ ഉത്തർപ്രദേശിലെ മൊറാദാബാദ്​ മണ്ഡലത്തിൽ നിന്നും ലോക്​സഭയിലേക്ക്​ മത്സരിച്ച്​ വിജയിച്ചിരുന്നു. നിലവിൽ തെലങ്കാന പ്രദേശ്​ കോൺഗ്രസ്​ കമ്മിറ്റിയുടെ വർക്കിങ്​ പ്രസിഡൻറാണ്​ അസ്​ഹർ.

നവജ്യോത്​ സിങ്​ സിദ്ധു (ബി.ജെ.പി, കോൺഗ്രസ്​)

ഇന്ത്യയുടെ മുൻ വെടിക്കെട്ട്​ ബാറ്റ്​സ്​മാൻ. ടി.വി കമ​േൻററ്റർ, ടി.വി അവതാരകൻ എന്ന നിലയിലും പ്രശസ്​തൻ. 2004ൽ ബി.​െജ.പിയിൽ ചേർന്ന സിദ്ധു രണ്ടുതവണ എം.പിയായി തെരഞ്ഞെടുക്കപ്പെട്ടിരുന്നു. ബി.ജെ.പിയുമായി ഉടക്കി 2017ൽ കോൺഗ്രസിൽ ചേർന്ന സിദ്ധു പഞ്ചാബിലെ കോൺഗ്രസ്​ മന്ത്രിസഭയിൽ ടൂറിസം മന്ത്രിയായിരുന്നു. പഞ്ചാബ്​ മുഖ്യമന്ത്രി അമരീന്ദർ സിങുമായുളള അഭിപ്രായവ്യത്യാസ​ത്തെ തുടർന്ന്​ പിന്നീട്​ മന്ത്രി സ്ഥാനം രാജിവെച്ചു.

മൻസൂർ അലി ഖാൻ പ​ട്ടോഡി (കോൺഗ്രസ്​)

ടൈഗർ എന്ന അപരനാമത്തിൽ അറിയപ്പെടുന്ന മൻസൂർ അലി ഖാൻ ഹരിയാനയിലെ പട്ടൗഡി​യിലെ നവാബ്​ കുടുംബാംഗമായിരുന്നു. ഇന്ത്യക്കായി 46 ടെസ്​റ്റുകളിൽ കളത്തിലിറങ്ങിയ പ​ട്ടോഡി 21ാം വയസ്സിൽ ഇന്ത്യൻ നായകനായി. 1991ൽ കോൺഗ്രസ്​ ടിക്കറ്റിൽ ലോക്​സഭയിലേക്ക്​ മത്സരിച്ച പ​ട്ടോഡി പരാജയപ്പെട്ടിരുന്നു. 'രാമജന്മഭൂമി' പ്ര​േ​ക്ഷാഭത്തെത്തുടർന്ന്​ ഉത്തർപ്രദേശിൽ ആഞ്ഞടിച്ച ​ബി.ജെ.പി അനൂകൂല തരംഗത്തിൽ പ​ട്ടോടി വൻ പരാജയം ഏറ്റുവാങ്ങുകയായിരുന്നു.

ഇന്ത്യൻ പേസ്​ ബൗളറും മലയാളി താരവുമായ ശ്രീശാന്ത്​ നിയമസഭ തെരഞ്ഞെടുപ്പിൽ ബി.ജെ.പിക്കായി മത്സരിച്ചിരുന്നെങ്കിലും പരാജപ്പെട്ടിരുന്നു. മുൻ ഇന്ത്യൻ ക്രിക്കറ്റ് താരവും ഉത്തർപ്രദേശ് കായിക യുവജനക്ഷേമ വകുപ്പ് മന്ത്രിയുമായ ചേതൻ ചൗഹാൻ ഈയിടെ കോവിഡ്​ ബാധിച്ച്​ അന്തരിച്ചിരുന്നു.